قصيدة إهداء إلى الأخ منصور بن عبد الله المليحي السبيعي
الرجال أفعال والرجل لا يظهر ألا في المواقف الصعبه سواء مع إخوانه أو زملائه أو أبناء عمومته
فالشاعر حصل له موقف ولجأ إلى الله ثم إلى منصور (أبو عبد الله) وكان نعم الملجأ ونعم العون
فما كان من الشاعر إلا أن يرد له بعض الجميل بهذه الأبيات
قـم ياسعد(1) وارسل كـلامٍ طرالي=من هاجسٍ يتعب تواصـيف الاقلام
نصـّه لشـيّال الحمول الثـقالي=اللي غــلاه بداخلي ماله اقــيام
الشعر فـي منصور جاله مجالي=الشـعر يفخـر به ولاهـوب ينلام
منصور يامزبَن ضعـيفٍ وجالي=ترفع لك البيضاء على طول الايام
منصور حرٍ ماكـره في العوالي=لامن دَرَع في الجول صيداته جسام
يـومٍ نخيـته ماتأخـر عـنالي=ماقال ما أقـدر لي ظروف واحكام
بـذل جهوده بعد رب الجـلالي=و اوفى بوعده شوق ترفات الاقدام
من لابـةٍ لا جاء نهار القـتالي=مركاضهم يشـبع به الطـير لاحام
الطيب فيهم مـن سنـينٍ طوالي=أفعالهم تذكـر على مـرّ الاعـوام
الضـيف لا جاهم عزيزٍ و غالي=قبـيلةٍ تـردع شـبا الشـره لازام
سبعان فـي وقت الشدايد رجالي=نعـمٍ بهم إي والله وسـبعة انـعام
ألاد عمـي مـن قـديمٍ وتـالي=غصبٍ عن الزعلان واللي به اوهام
الاصل ثابت مايبي لـه جـدالي=ما يغيّره هرج و سواليف وإعـلام
وصلاة ربـي عد وبل الخِـيالي=علـى نبـيٍ قـد هـدانا للإسـلام
الشاعر/صابر بن رشيد القباني
(1)قم ياسعد: هو سعد بن مساعد القباني
العرض الشجري
