يامحلا لاشـــدوا الجيب بالعفش

حبيت ان انقل لكم هذه القصيده لهواه البر
وآمل ان تحوز على اعجاب الجميع..

يـامـحـلا لاشـــدوا الـجـيـب بالـعـفـششـاصـي وكـمـل عزبـتـه عـنـد جـابـي

جديد والبودي نظيـف(ن) مـن الخـدشوالـلــون بـيــج ومـاركـبـوه الشـبـابـي

واريـل جهـاز وفــوق صـدامـه الـونـشوكـشـاف والدربـيـل ضـمـن الزهـابـي

ومقفص(ن) يبراله افضل من البـورشبمسجـلـه شـرطـان شـعــر وحـجـابـي

وخـوة نشامـا ماحسبـوا يـوم للـقـرشكـبــار الـعـقـول قـلـوبـهـم مـاتـهـابـي

بارض(ن) يجفل صيدها همـل الطـرشوالفـقـع صـلـع شــال عـنــه الـتـرابـي

حـول العيلـي والـرحـى والمـطـر رشوقبـلـه جـلـى عـنـا كـثـيـف الظـبـابـي

يازين مجلاس(ن) على الأرض والفرشعشـب(ن) مـع البطحـا صبـغ بالثيـابـي

وجمع الحطب من قبل مانرمي القـشفــرس(ن) تـوقـد والـغـظـا بالتـهـابـي

وسواة فنجـال(ن) علـى الجمـر ينعـشلاروحـت ريحـه خاطـري مـنـه طـابـي

مـع حلـوة(ن) للجـوف تمـره مـجـرشاو سـكـريـن واسـتــوى بــحــر آبــــي

وبمعدنـن مـن صنـعـت الهـنـد مـاغـششـايــه ربـيــع وسـكــره دوب ذابــــي

هـاذي مـنـاة العـمـر والعـيـن تـرمـشوبـاقــي المـنـايـا لـوغــدت لـسـرابــي

وصــلاة ربــي عــد مايـنـزل الـطــشعـلــى مـحـمــد ســورتــه بالـكـتـابـي

 

”	المشاركة الأصلية كتبت بواسطة العـــروان حبيت ان انقل لكم هذه القصيده لهواه البر وآمل ان تحوز على اعجاب الجميع..

قصيدة رائعة
وشكل الشاعر قد طلع مع ابو خالد وشرب من الشاهي المضبوط
:c040:

 

فهد ال ثلاب

شــرفني مرورك

ومشكــور على الدعــايه لأبــو خالد فـي فــن تصليــح الشاهي

بــس بقــولــك شــي تــرا حــد الرهيــف غطــى عليــه

وهــاذي إحــدا دعــايــاتــه المنتشـــره عــالميـــآ

((شاهــي حــد الرهيــف ؟؟ مـــالــه وصيــــف))

 

حاضرين ياالعروان وابشر باالشاهى اللى على كيف كيفكم ,, وبسويه على (( جلة بعير حويل )) علشان يظبط ,, والله الله هاالقصيده والله انها ياالعروان تهيض , للبر والمظهار . لاهنت وابشر باالكبسه اللى على الخاطر .

 

حــد الرهيــف

كفــو والله قــول وفعــل بــس خلــها بعد المربعــانيه

 

	ابدعت يامشرفنا المبدع العروان تحياتي لك واشكرك على هذه ا لمشاركه التي تستحق المتابعه سجل اعجابي يالعروان سجله لديك في ارشيفك واعضائك الاوفياء

 

العروان
لاهنت على النقل الطيب وكنت أتمنى أن تثبت الملكية للشاعر حفاظاً على حقوقه
دمت في رعاية الله

 

ريم السبيعي


مشكوره على المرور وبيض الله وجهك على الكلام الطيب

 

ابو خالد

مشكوووور على المرور والشاعر لأعرف اسمــه بس القصيده أعجبتني وحبيت اطرحه في المنتدى