قصيدة رشيد بن مساعد في فايز بن رشود

قصيدة للشاعر/رشيد بن مساعد القباني
موجهه للاستاذ/فايز بن تركي بن رشود القباني محافظ الحريق

بـديـت بـاسـم مـدبـر الـكـون كـلـهرب الملى محيي العضـام الرميمـه

ومن بعده احضرت القلم والسجلـهواكتب بيوت مـن الشوايـب سليمـه

قـــاف جـزيــل سـامـعـه مايـمـلـهتفـهـم معانـيـه الـرجـال الحكيـمـه

مايتعـب اللـي فـي لزومـي يشـلـهملفـاه ابوتـركـي حـريـب الجريـمـه

لاجـيــت فـايــز يـانـديـبـي فـقـلــهلـعــل تـفــداه الـعـفـون اللـئـيـمـه

لامـن لفيـتـه قـاصـده فــي محـلـهعـنـك يـــزول الـهـمـوم الوخـيـمـه

بـشــورك حـجــاج طـلـيـق يـفـلــهوصفـر الـدلال اللـي تقلـط مديـمـه

كسب المراجـل مـن صفاتـه اجبلـهطيبـه وراثــه مــن جــدود قديـمـه

هـــداج تـيـمـاء والـثـنـا مسـتـغـلـهكـرم وحلـم وحسـن خلـق وشيمـه

رجــل وفــي والـوفـاء عــادة لـــهمـن مـاح دلـوه ذب ذيـك الخريـمـه

مـن صـار مياحـه وهـو صافـي لــهتـشـرب وروده ماتـصـدر محـيـمـه

مصقـول هنـد يعجـب الـلـي يسـلـهتحوشـبـه وقــت الـلـزوم الغنيـمـه

حـــر جـــزوع مـايــروم الـمـذلــهصـيـده جــزال مايـصـيـد الهلـيـمـه

المـرجـلـه يـلـقـف لـهــا مـاتـزلــهجـمـل ثقـيـلات الـعـدل ماتضـيـمـه

عـــد رســيــن لــــه ورود تــدلــهطرقـه تـوردك الــرواء مستقيـمـه

علـى مشـاريـف الـقـذال المطـلـهتنشـر لـه البيضـاء قــوي العزيـمـه

بيضاء كما شمس الضحى المستقلهلامن تجلت واشرقـت عقـب غيمـه

هبـت هبوبـه والسعـد ضـاحـك لــهولاهـوب يرضـا للرفـيـق ابهضيـمـه

المـدح لـو ان مــن بـغـاه ايحصـلـهكـان الثعـل لـه صـار هيبـه وقيمـه

الـمــدح لـلــي تـاعــب وشاقـيـلـههشـهـوش بهـلـول يميـنـه كـريـمـه

تــم الـكـلام وفـيـه ماقـلـت زلـــهوادخل على الله من كلام الضليمـه

مع أجمل تحية

عديل الروح

 

بيض الله وجه ابومساعد على الأبيات المعبرة والجزلة
ويستاهل فايز بن رشود القباني ماقيل فيه وكفو
مشكور ياعديل الروح على النقل الموفق
تسلم يمناك يالغالي

 

ياهلا ومرحبا بك ولد بداح

العفو

 

صح لسان الوالد العزيز والعم رشيد بن مساعد , قصيده جزله كاالعاده , ويستاهل بن رشود ,, لاهنت ياعديل الروح وبيض الله وجهك ووجه العم رشيد ,,, . تحياتى .

 

ووجهك أبيض يا ابواحمد

 

صح لسانك ولسان ابو مساعد

ويستاهل فايز بن رشود المدح

 

”	المشاركة الأصلية كتبت بواسطة عديل الروح قصيدة للشاعر/رشيد بن مساعد القباني موجهه للاستاذ/فايز بن تركي بن رشود القباني محافظ الحريق مع أجمل تحية عديل الروح

صح لسان الراوية والشاعر رشيد بن مساعد
ويستاهل أبو تركي فهو فوق المديح وعلومه غانمه
أطال الله في عمر المادح والممدوح
تحياتي لك عديل الروح

 

صحت أبدانكم العروان وابوخالد وألف شكر

 

صح لسان الشاعر ويستاهل ابو تركي وانا اشهد انه حر قرناس :وانا مقيم يمني اسمحو لي اقول فيه هذي الابيات
يستاهل المدح ابو تركي شيخ مواقفه تشهدن له
شيخ المراجل يوم المراجل في الوقـــت قلـــــه
شيخ يستحق برنامج المليون وشعاره كلهم ينشدن له
ويستاهل اكثر لو بيدي اقول للموت شلني ولاتشله.

 

صح لسان الشاعر رشيد بن مساعد ولاهان الشيخ فايز بن تركي يستأهل

 

لا هنت اخوي عديل الروح ويستاهل ابو تركي وجعل يمنا ابو مساعد مايجيها العوق

 

بيض الله وجهك يابومساعد وصح لسانك يستاهل ابن تركي راع العلوم الغانمة

 

صح لسانك يابومساعد ويستاهل فايز بن تركي المدح