الشيخ فلاح بن ماضي والشاعر رشيد بن مساعد

عندما كان الشيخ فلاح بن ماضي القباني يرقد على السرير الأبيض بمستشفى الملك فهد بالحرس الوطني
وقبل إجراء عملية القلب في شهر ذو القعدة عام 1429هـ تذكر ربعه وطيبتهم وكرمهم اللامحدود
تمثل بهذه القصيدة التي وجهها للراوية والشاعر الكبير
رشيد بن مساعد القباني وإلى الشيخ كايد بن ناصر القباني
لما لهما من مكانة عالية في قلب شيخنا فلاح بن ماضي
لا أريد أن أسهب في المقدمة لهذه القصيدة الشامخة
إنما أترككم معها ومع رد الراوية والشاعر الكبير رشيد بن مساعد
إلى أن نتمكن من الحصول على الرد من الشيخ كايد بن ناصر

أيامـنـا يارشـيـد ماتـبـدي الـغـيـبالغيـب يعلـم بــه ولــي السـريـرة

يامـا نطحنـا مـن كبـار المواجـيـبلاصد ولد الـلاش فأقصـى حجيـره

الضيف يلقى قولت أرحب وتقريبومفطحات ٍ في الصحـون الكبيـرة

أنقـد علـى الرجـال وأكـرر العيـبلاصـار حقـه عنـد خصـمـه يـديـره

الحر يرقى فـي طويـل المراقيـبوالبوم تلقـى منزلـه فـي الخميـره

لامـن تبـيّـن خصمـنـا بالمطالـيـبناطـا عـلـى علـبـاه ويـقـل خـيـره

دنـيــا تعـذبـنـا بــالأيــام تـعـذيــبحـتـى تـقـص حبـالـهـا والـمـريـره

دنيـاك مادامـت لقـارون وشعيـبولا الرسول اللـي مشـى بالبريـره

وأشكي على كايد حصان المهاذيبعوق الخصيم اللي تمايـل مسيـره

يفـداه جبـو ٍ مــن كـبـار اللغابـيـبخـوان بالنـيـه عـلـى كــل سـيـره

الرد من الراوية والشاعر الكبير رشيد بن مساعد القباني

البارحـة ماأمسيـت نـومـي دوالـيـبيــوم إن كــل ٍ نــام عيـنـي سهـيـره

مـن بعـد ماقرّيـت بعـض المكاتـيـبوردت على صـدري هجـوس ٍ كثيـرة

لا باس يارجل الوفاء مركـز الطيـبعـوايــدك نـطــح الأمـــور الكـبـيـرة

والطيـب للرجـال قسـمـة وتوهـيـبومن طاب حظـه وفـق الله مسيـره

حيث المراجل كسبها صعـب وتعيـبولا تكسـب الطولـه يـديـن ٍ قصـيـرة

وصحيح قولك ياولـد ماضـي مصيـبالإنسـان مايـدري عـن آخـر مصيـره

سـود الليالـي مـادري ويـش بتجيـبعسـى لنـا ويـاك فـي الأمــر خـيـره

بأقدامهـا تدعـس اطّـوال الأشانـيـبكـم واحــد ٍ جـاتـه وحـاسـة مـريـره

وكم غثبرت من صافيات المشاريـبركبانهـا فــي كــل صــوب ٍ مغـيـره

تفنـي صـفـوف مـورديـن المغالـيـبوأهل الكرم وأهل السيوف الشطيرة

والآدمــي يـأخــذ دروس وتـجـاريـبوقد قالـوا المحظـوظ يوعـظ بغيـره

وما حل بالمؤمـن مـن الـرب تأديـبوتخفيـف مـن كثـر الذنـوب الوفيـرة

وخـلـك بليهـيـن ٍ بعـيـد المحـاضـيـبلادخــل الضيـقـات صــدرك تـثـيـره

ولا تنتـعـلـم يـاحـصــان الأطـالـيــبأنــت الــذي فــي رأيـنـا نستشـيـره

وختامها من ذا المرض جعلك تطيـبوينجيك ربـك مـن صـدوف ٍ خطيـرة

 

صح اللساااااااااانك

ابوخااالد

وصح اللساااااااااااان الشعراء

تقبل تحياااااااااااااااااااتي

 

ابوخالد جعل عمرك طويل مشكور جزيل الشكر

سجل اعجـآآبـي الكبير بالشاعرين وصح الله لسانهم

والحمد لله على السلامة يبو ماضي
وخطاك السوء

 

بيض الله وجهك يابو خالد


كلاهما عمالقة الشعر

لاهنت

 

”	المشاركة الأصلية كتبت بواسطة بدر القباني صح اللساااااااااانك ابوخااالد وصح اللساااااااااااان الشعراء تقبل تحياااااااااااااااااااتي

صح بدنك وأشكرك على مرورك

 

صح لسانك على القصيدة الجزلة ولسان الشعراء

 

بارك الله فيك ابوخالد على توثيق قصائد القبيلة تقبل تحياتي

 

مشكور على النقل وصح لسان الشعراء

 

”	المشاركة الأصلية كتبت بواسطة بن الغلبا ابوخالد جعل عمرك طويل مشكور جزيل الشكر سجل اعجـآآبـي الكبير بالشاعرين وصح الله لسانهم والحمد لله على السلامة يبو ماضي وخطاك السوء

وعمرك ياسعد والله يعطيك الصحة والعافية على مرورك الجميل

تقبل تحياتي يالغالي

 

لاهانوا وصح لسانهم
شعراء تعودنا منهم جزل القصائد
يامال العافية يابوخالد على جهدك وتعبك وبحثك عن كل مايهم القبيلة
وتعجبني في هذا التوثيق المهم

اقبل تحياتي وانا اخوك

 

”	المشاركة الأصلية كتبت بواسطة أبو ناشي بيض الله وجهك يابو خالد كلاهما عمالقة الشعر لاهنت

حياك الله أخوي الكريم أبوناشي وتشرفت بمرورك العطر

 

”	المشاركة الأصلية كتبت بواسطة عمار صح لسانك على القصيدة الجزلة ولسان الشعراء

صح بدنك عمار أشكرك على المرور

 

صح لسانك الله لايهينك على النقل

 

احسنت يامحمد القباني على طيب مشاركتك وصح لسان الشعراء
تعودنا منك كل جميل ويكفي انك وثقت لنا قصائد شعراء لم نحصل على شعرهم من قبل
ولكن بفضل الله ثم جهدك الرائع اصبح للقبابنة وشعراءهم منبر
اشكرك حفظك الله

 

”	المشاركة الأصلية كتبت بواسطة خالد السبيعي بارك الله فيك ابوخالد على توثيق قصائد القبيلة تقبل تحياتي

أخوي خالد تحياتي لك ولمرورك العطر