في مامضى يوم المجالس لها صيت

البارحـه فـي راس مـرجـوم عـدّيـتعـدّيـت فــي راسٍ طـويـلٍ هـيـالـي

أشرفـت يـوم أنـي براسـه تواسـيـتأقـنـعـت بالـدنـيـا بـشــيٍ جــرالــي

هاضـت علـي همـوم قلبـي وغنّـيـتسبايـب الـلـي مــا لطبـعـه عـدالـي

هـذا زمـان مشتـت الشمـل تشتيـتراحـــت مـسـرّاتـه ولا لـــه تـوالــي

متغيّرٍ وقتـه إليـا أصبحـت وأمسيـتإليـا عـطـا قـافـي فــلا لــه قبـالـي

في ما مضى يوم المجالس لها صيتعَتْمـه وكـيـفٍ فــي جـديـد الـدلالـي

حيـث إنهـا مدهـال لقبلـت وأقفـيـتمــشـــرَّعٍ الــبـــاب دب الـلـيـالــي

وإن غبـت لـو يـومٍ عليهـم تباطـيـتتـشـوف ترحـيـبٍ وتنـشـيـد حـالــي

واليـوم عـن جمعـا التواليـن عفّـيـتبـيـن الـعـرب كـنـي وحـيـدٍ لـحـالـي

لا صــار فيـهـا ريــح تـتـنٍ وكبـريـتعقب السمـر والرمـث ريحـه يلالـي

مابـه سـوالـف غـيـر فــن التوالـيـتسـوالـفٍ مــا بـيــن قـيــلٍ وقـالــي

مجالـسٍ دفـنـت بـرمـل السـواريـتراحت وتوصف مثل وصـف الخيالـي

إليا طرت لي في كرى النوم فزّيـتمجالـس الشيبـان صــارت أطـلالـي

لا من جلسـت بمجلسـي مـا تعدّيـتأثـر الصديـق الـيـوم جـمـع الريـالـي

كـم واحـدٍ لا هــوب حــيٍ ولا مـيـتمـا حــط فــرقٍ فالـحـرام وحـلالـي

تقـول خبـلٍ مـيـر بالـمـال عفـريـتمجالـسـه لـلـبـوم وسـطــه تـلالــي

إن جا لزومه جاك ينشـد عـن البيـتيجـيـك لــو إنــك عـسـيـر المـنـالـي

وإليـا قضـى لازمْـه مـا عنّـه أوحيـتيغيـب غيبـة مـن علـى الكـون زالـي

بصبـر ولــو إنــي بصـبـري تمـاديـتالوقت مـا يمشـي علـى كيـف بالـي

صـلاة ربـي عـد مـا شعـشـع اللـيـتعلـى النبـي مـا مـال فـيّ الظـلالـي

الشاعر عبدالعزيز بن محمد العنقري

 

الله ابيات رائعة واختيار موفق يابوخالد لاهنت وصح لسان الشاعر

 

صح لسان وعلا شانك

 

صح لسانك يابومحمد

 

”	بصـبـر ولــو إنـــي بـصـبـري تـمـاديـتالوقت مـا يمشـي علـى كيـف بالـي صـلاة ربـي عـد مــا شعـشـع اللـيـتعلـى النبـي مـا مـال فـيّ الظـلالـي

وش هالجمآآآل
تسلم اخووي عالطرح
والاحواال هالاياام تغيرت فعلا

تحياااتي

 

”	المشاركة الأصلية كتبت بواسطة عبدالمحسن القباني الله ابيات رائعة واختيار موفق يابوخالد لاهنت وصح لسان الشاعر

صح بدنك يابومحمد والشاعر عبدالعزيز من الشعراء الشباب ولكنه يكتب بروح الكبار قصائده جزلة ووافيه نتمنى له التوفيق

 

”	المشاركة الأصلية كتبت بواسطة فيصل القباني صح لسان وعلا شانك

صح بدنك فيصل