قصيدة رشيد بن مساعد في الكويت

هذه القصيدة للوالد الشاعر/ رشيد بن مساعد القباني وقد تشرّفت أنا ابنه فلاح بإلقاها في الحفل الذي أقامته اسرة آل نويف في الكويت يوم الثلاثاء الموافق 23/2/1428هـ

باسم الكريم المعتلي رازق الطير=أبابتدي واختار من جزل الأشعار
أبقترح قاف يشوق الجماهير=وفي طيّب الانتاج مانيب محتار
أصمم المعنى بحكمة وتفكير=وأشيّده وابنيه من صمّ الاحجار
عدٍّ رسين لاقطعنّ القواطير=هدّاج تيماء لازٍحم بالدّلي فار
وردَت بنات الفكر خِلجٍ محاشير=وتجاولت في الصدر والصدر محشار
واسوقها سبرات سوق المناعير=عيرات لانظا مع جراهيد الاقفار
وغيري فحولٍ تصخر الشعر تصخير=تجنى الدرر من عمق غبّات الابحار
أعد نفسي شاعر معهم اصغير=وليسَ حبالي من جبا العدّ قِصّار
لامن وردت اسقي ضماياي من البير=أشرب بدلوي من طويلات الابيار
هذا وجينا من بعيد مسايير=في تلبية دعوة طويلين الاشبار
أولاد نويف مكرمين الخطاطير=كسّابة الطولة وسيعين الانظار
قبابنة صلبين الارياء مغاوير=نفخر بسمعتهم حميدين لاذكار
في دار شيخ يحتمل للمخاسير=صباح الاحمد مكرم الضيف والجار
دار الكرم دار الرخى منبع الخير=ملجأ الضعيف اللي عليه الزمن جار
دارٍ صغير وله مكانه وتقدير=حامينه الصباح من كل غدّار
قلته وانا ربعي تهزّ الطوابير=أهل مراكيض على قِحص الامهار
لهم على جمع المعادين تأثير=يسقون راعي الزوم كيسان الامرار
سهولٍ تصدّ الشره لاجنّب السير=بالسيف ينحونة على غير يختار
يطوّعون اللي براسه صعاطير=راعي الخطا يلوون له قيد واهجار
خيّالهم في مستوى سالم الزير=لاجاء نهار الهوش يِهدون الاعمار
وان حلّ ضرب عند تالي المظاهير=مركاضهم يِبعد إلحاهم عن العار
تشبع به العرجاء وعِكف المناقير=في ساعة فيها الشياطين حضّار
ويكرّمون الضيف لوهم معاسير=لو في زمان ترتفع فيه الاسعار
لامن أقبلنّ العوص مثل السنانير=ولِفت عليهم عقب الإصلاف حِسّار
رِكّابها ترتاح عقب المشاوير=في ارباع ذربين اليماني هل الكار
أول كرامتهم ادلال مباهير=وطِلق الحجاج ومرحبا قبل الاخبار
مع قرّح يشرونها بالدنانير=لو حدّها البياع بالفين دينار
وفابناء السهول أكرر المدح تكرير=ولانيب نصّاب ولانيب مكّار
في مدحهم ماقلت كذب وتزوير=بامدح موطّين الصَعَب سرّ واجهار
اولنسى سبيع متيّهين المعاشير=اللي لهم في الطيب مورد ومصدار
رعّاية الاقفار وقت المخاضير=ترتع بهم في الخوف حَسكات الاوبار
لاخضّرت سحب الوسوم المباكير=يرعونها في الخوف لو جاهم انذار
ولاثار عجّ معسكرات المسامير=حريبهم من ضربهم راح منهار
تفرّ عنهم خيل الاعداء مدابير=خيّالهم في الهوش في راسه اصطار
لامن اعتلوا فوق الاصايل مشاهير=زحول الرجال اللي يدوسون الاخطار
جمال التخوت اللي تشيل القناطير=مواقف الغلبا عظيمات وكبار
ولا اقول حزنا بالمراجل عن الغير=الكل دون احماه ماراح له ثار
من دون واجبهم اطوال الاشابير=كل أبلجٍ شهمٍ على حقه يغار
هذا ودمتم يالوجيه المسافير=أنهيت ماعبّرت من عمق الافكار
وابغى السموحة كان في القول تقصير=ماكل من دشّ البحر جاب محّار
وصلاة ربي عدّ رمل العثامير=على نبيّ خٍصّ بالوحي في الغار
ماهمللت دِهم المزون المزابير=وماغرّد القمري على خِضر الاشجار

ولكم أجمل تحية من اخوكم

عديل الروح

 

صح لسان الوالد رشيد بن مساعد على الأبيات الجزلة
الحقيقة ان قصائد ابومساعد تقرئها اكثر من مرة وكأنك تقرئها اول مرة
جزاك الله خير يافلاح ولاهنت على المجهود

 

خيّالهم في مستـوى سالـم الزيـر###لاجاء نهار الهوش يِهدون الاعمـار
وان حلّ ضرب عند تالي المظاهيـر####مركاضهم يِبعد إلحاهم عـن العـار

صح لسان ابو مساعد
وقصيدة جميلة من شاعر كما قال عن نفسه/

أصمـم المعنـى بحكمـة وتفكـيـر$$$وأشيّده وابنيه مـن صـمّ الاحجـار
عـدٍّ رسيـن لاقطعـنّ القواطـيـر$$$هدّاج تيمـاء لازٍحـم بالدّلـي فـار

ويستاهلون ال نويف المدح
وعافاك الله يا عديل الروح على نقلك هذه القصيدة

 

والله ياعديل الروح يعجز اللسان والقلم عن شكر الوالد رشيد بن مساعد فهو بحق شاعر القبابنة الذى نتشرف فيه وفى ابنائه , وفى وكفى بومساعد فى الجزاله واقول صح لسان والد الجميع وصح لسانك ياعديل الروح , تحياتى لك وللوالد والاخوان العزيزين .


فهد آل ثلاب ,, تستاهل الخير يابوسعد ولاعليك زود , تحياتى لك .

 

لاهنت عديل الروح على نقلك لهذه الرائعة فقد كانت في مستوى الحدث
وصح لسان الراوية والشاعر رشيد بن مساعد أطال الله في عمره
تحياتي لك

 

أولاد نويف مكرمين الخطاطير=كسّابة الطولة وسيعين الانظار
قبابنة صلبين الارياء مغاوير=نفخر بسمعتهم حميدين لاذكار
في دار شيخ يحتمل للمخاسير=صباح الاحمد مكرم الضيف والجار
دار الكرم دار الرخى منبع الخير=ملجأ الضعيف اللي عليه الزمن جار
دارٍ صغير وله مكانه وتقدير=حامينه الصباح من كل غدّار

لاهنت يا ابو رشيد على نقلك لهذه الرائعة فقد كانت في مستوى الحدث
وصح لسان الراوية والشاعر رشيد بن مساعد أطال الله في عمره واللي مهما تكلمنا عنه ماراح نوفيه حقه


لا خلا ولا عدم

 

قلته وانـا ربعـي تهـزّ الطوابيـر=أهل مراكيض على قِحـص الامهـار
لهم علـى جمـع المعاديـن تأثيـر=يسقون راعي الزوم كيسان الامـرار
سهولٍ تصدّ الشره لاجنّـب السيـر=بالسيف ينحونة على غيـر يختـار
يطوّعـون اللـي براسـه صعاطيـر=راعي الخطا يلوون له قيد واهجـار
خيّالهم فـي مستـوى سالـم الزيـر=لاجاء نهار الهوش يِهدون الاعمـار
وان حلّ ضرب عند تالي المظاهيـر=مركاضهم يِبعد إلحاهـم عـن العـار
تشبع به العرجاء وعِكـف المناقيـر=في ساعة فيهـا الشياطيـن حضّـار
ويكرّمون الضيـف لوهـم معاسيـر=لو في زمان ترتفـع فيـه الاسعـار
لامن أقبلنّ العوص مثـل السنانيـر=ولِفت عليهم عقب الإصلاف حِسّـار
رِكّابهـا ترتـاح عقـب المشاويـر=في ارباع ذربين اليماني هـل الكـار
أول كرامـتـهـم ادلال مبـاهـيـر=وطِلق الحجاج ومرحبا قبـل الاخبـار
مـع قـرّح يشرونهـا بالدنانـيـر=لـو حدّهـا البيـاع بالفيـن دينـار
وفابناء السهول أكرر المدح تكريـر=ولانيـب نصّـاب ولانيـب مـكّـار
في مدحهم ماقلـت كـذب وتزويـر=بامدح موطّين الصَعَب سرّ واجهـار

صح لسان الشاعر الكبير والراوي المعروف رشيد بن مساعد القباني
أطال الله في عمره قصيدة يوقف لها شعر الرأس من شاعر متمكن وجزل

 

صح لسانك ولسان الشاعر رشيد بن مساعد على الأبيات الجزلة

 

اخواني الشكر لكم على مشاركاتكم الرائعه