الشاعر الكبير/ غنيم بن سعد الخبيش القباني (وادي الغيل)

السلام عليكم ورحمة الله وبركاته

كما وعتكم اخواني الاعضاء بنشر قصيده للشاعر غنيم بن سعد الخبيش ال جلال القباني

كتبها الشاعر قبل عشرين سنه تقريبن وسببها انه احد الاشخاص الذين يعرفون الغيل معرفة جيده ينشد ويقول

الغيل وينه ؟؟ مع انه يعرف اين يقع ولكن تعمد الجهل فرد عليه الشاعر غنيم الخبيش بهذه القصيده يقول احد ابنائه

انها ناقصه بعض البيوت وهذا اللي حصلوا عليها من والدهم لانها قديمه اتمنى ان تنال اعجابكم



ياناشد الطرشـان عـن وادي الغيل
معروف وتعرفة لكّن جد عاني
هذا شعيب الغيل ياجعله السيل
اللي تعين به طوال اليماني
ربع على الصكات ماتقني الحيل
ذباحة للحيل فوق الصياني
اسأل وتكفيك الرجال المشاكيل
يكفيك رجل من رجال قحطاني
وش قال في غروس الخبيش المظاليل
يمشي ويثني بين قاصي وداني
واسأل وتلقى عن فخرنا دواليل
عن حمد بن ثلاب لو كان فاني
شيخ يبدى يوم سوق الفناجيل
وتهدى عليه الجيش وأم الحصاني
والشيخ ابن راشد إلى وقف القيل
كريم سبلا يالله المستعاني
يادبـل كبـدي مـن كـلام الدعابيـل
هرجٍ يسولـف بـه طويـل اللسانـي
وسط المجالس يـوم صـبّ المعاميـل
يطـلـع سوالـيـفٍ بلـيـا معـانـي
مايـدري إنا كاسبـيـن التنافـيـل
فـي بـر وإلا في طويـل المبانـي

وسلامتكم

 

تسلم ياالعطيب على القصيدة



صح لسان الشاعر غنيم بن سعد الخبيش والى ماله قديم ماله جديد .

 

ماقصرت يا اخي العطيب كما وعدتنا أوفيت وكفيت ونطلب المزيد عن الشاعر غنيم بن سعد ، وجزاك الله خيراً

 

صح لسانك ولسان شاعرنا

لاهنت ياخوي على ما اورته لنا من ابيات في قمة الروعه

 

اخوي العطيب /
بيض الله وجهك على هالقصيدة ,,
وعز الله ما قصرت ،،،
قصيدة رائعة من شاعر غني عن التعريف
وأتمنى كما يتمنى كل من يشاهد المنتدى
ان يرى من قصائد غنيم الخبيش الكثير
فلا تحرمنا منها أخوي العطيب

 

أخوي العطيب
تسلم يالغالي على المشاركة الجميلة
من شاعر جميل دائماً
شاعرنا غنيم من الشعراء المشهورين والبارزين
بقصائدهم الرائعة له من القصائد الكثير في الرد
والمساجلات وأنواع شتى من فنون الشعر
كل الأمنيات أن نحظى بالمزيد من قصائد الشاعر الفذ
غنيم القباني
تحياتي لك أخوي العطيب
والتحية والشكر موصول
لشاعرنا القدير
كل عام وأنت بخير
أخوك
محمد القباني

 

اخواني

حدالرهيف & القباني & راشد ال سياف & فهد ال ثلاب & القباني

اسف على التأخير تخبرون عيد واشغال خلوها على الله لي الشرف بتواجدكم

وكل عام وانتم بخير

 

صح لسان القائل والكاتب

 

صح لسان القائل والكاتب

 

ذيبان & ناصر العنقودي

صح ابدانكم ويعطيكم العافيه

تحياتي

 

تسلم ياالعطيب على القصيدة

 

بيض الله وجهك على هذا النقل الجيد وبيض الله وجه الشاعر الكبير غنيم الخبيش القباني

 

مشكور يالعطيب على ايراد قصيدة الشاعر الكبير غنيم الخبيش القباني

 

صح لسان الشاعر غنيم القباني ولاتهون يالعطيب

 

صح لسان الشاعر غنيم الخبش