اللي يبينا عيّت النفس تبغيه

اللي يبينا عيّت النفس تبغيه=واللي نبيه عيّـا البخت لايجيبه

اليوم سالفتنا عن بيت من الشعر وكما تعلمون هناك أبيات أصبحت نار على علم أي معروفه ومتوارثه وأصبحت شائعة مع الكثير قديماً وحديثاً فبلوغ بعض أبيات الشعر من الشهرة الواسعة ما جعلها ترسخ في أذهان الناس وتستخدم كمثل شعبي يستشهد به في المواقف والأحداث ومن الأبيات الشهيرة التي يرددها أبناء الخليج البيت أعلاه حيث أصبح هذا البيت مثلاً دارجاً بين الناس ولكن ما يجهله مرددوه هو قصة هذا البيت الذائع الصيت فهو بيت من قصيدة للشاعرة نورة الحوشان حيث كانت تعيش مع زوجها عبود بن علي بن سويلم وقد وقع بينهما خلاف أدى إلى طلاقها طلاقاً لا رجعة فيه وبعد الطلاق تقدم الكثير طالبين الزواج منها حيث أنها إمرأة جميلة ومن عائلة معروفة وقد رفضت الزواج بعد زوجها عبود الذي كانت تحبه وترى فيه مواصفات الرجل المثالي وذات يوم كانت تسير على طريق يمر بمزرعته وبصحبتها أولادها منه عندما مرت بمزرعته رأته فوقفت على ناحية المزرعة وانطلق الأولاد للسلام على أبيهم وبقيت تنتظرهم إلى أن رجعوا إليها فأخذتهم وأكملت مسيرها وقد تذكرت أيامها معه وتذكرت من تقدم إلى خطبتها بعد طلاقها ورفضها لهم فقالت قصيدة مؤثرة مطلعها :

يا عين هلي صافي الدمع هليه=واليا انتهى صافيه هاتي سريبه
يا عين شوفي زرع خلك وراعيه=شوفي معاويده وشوفي قليبه
من أول دايم لرايه نماليه=واليوم جيتّهم علينا صعيـبه
وإن مرني بالدرب ما أقدر أحاكيه=مصيبة يا كبرها من مصيبة
اللي يبينا عيت النفس تـبغيه=واللي نبي عيا البخت لا يجيبه

وإلى أن يحين لنا الموعد مع سالفة وقصيدة أخرى تقبلوا تحياتي
دمتم برعاية رب العزة والجلال

 

قصة معروفة والاسم الصحيح نورة الهوشان الشاعرة المعروفة من أهالي " القصيم " وتحديداً من اهالي الرس ويقاانها من قبيلة العجمان .

قصص تتحفنا بها يا ابا خالد ودمت بخير

 

لاهنت على القصة والقصيــده

 

زانت سوالفك
يابو خالد

اللي يبينا عيـت النفـس تبغيـه=واللي نبي عيا البخـت لا يجيبـه

 

”	المشاركة الأصلية كتبت بواسطة القباني قصة معروفة والاسم الصحيح نورة الهوشان الشاعرة المعروفة من أهالي " القصيم " وتحديداً من اهالي الرس ويقاانها من قبيلة العجمان . قصص تتحفنا بها يا ابا خالد ودمت بخير

مشكور القباني على المرور ومشكور على التوضيح بارك الله فيك

 

”	المشاركة الأصلية كتبت بواسطة العـــروان لاهنت على القصة والقصيــده

ولا تهون يالعروان

 

”	المشاركة الأصلية كتبت بواسطة ريم السبيعي زانت سوالفك يابو خالد اللي يبينا عيـت النفـس تبغيـه=واللي نبي عيا البخـت لا يجيبـه

حياك الله ريم ومشكورة على التواصل

 

لاهنت بوخالد ,, صح لسانك والقصيده والشاعره اشهر من نار على علم , الف شكر .

 

”	المشاركة الأصلية كتبت بواسطة حد الرهيف لاهنت بوخالد ,, صح لسانك والقصيده والشاعره اشهر من نار على علم , الف شكر .

صح بدنك وتحياتي حد الرهيف على المرور الكريم

 

ماقصرت يابوخالد وماقصر ابونواف على التوضيح

 

”	المشاركة الأصلية كتبت بواسطة ولد بداح ماقصرت يابوخالد وماقصر ابونواف على التوضيح

ماعليك زود ولد بداح شكري وتقديري لك