الشاعر بندر بن سرور من شعراء عتيبة وهو من عشاق السفر والرحلات وكان رحمه الله يحب السيارات وكتب فيها الكثير نترككم مع بعض من أبياته في السيارات
يا أهل الونيت اللي يبا مشتل البيب=ما دق صدره بالخطوط الغزيره
يوم يتخثع في محير الاداعــــــــيب=يشدي تخثع جادل في حــــريره
لا تجربونه ما يبا الفرت تجريـــب=قد جربه بالبيت الأبــيض خبيره
ويستخدم بندر وصف السيارات مدخلاً للمدح وبشكل يمهد لموضوعه بطريقة مبدعة كما يتضح في القصيدة في مدح الشيخ زايد بن سلطان آل نهيان رحمه الله تعالى
يا راكب من فوق زين المداقـــــــــــير=قطع الحديد اللي عريض مقاسـه
عليه من ديوان زايد فواتــــــــــــــــير=مرهق سلاطين الدول بالسياسـه
اللي بحكمه طور الشرق تطويـــــــــر=وابن الخليج النيم طير نعاســـــه
ما عارضوه الشرطة اللي على السير=حيث إن رقمه دارسينه دراســـــــــه
يوم ابتدى اللازم كفخ كفخة الطيــــــــر=واقفى يبا اللي منقع الطيب ساسه
وهنا يذكر شاعرنا العلاقة التي بينه وبين سيارته السيارة في الزمن الحالي مثل الفرس في الماضي فلهذا شاعرنا يغلي سيارته ولا يفرط بها ويمدحها في نظمه لأبياته
يا أهل الونيت اللي على مدقره ميم=نقل الرياض الخط ما توصلونه
صناعته مخطين ملة أبراهـــــــيم=حمران روم لونهم مثل لونـــــه
ما رهموا له بالكراجات ترهــــيم=ولا طلعوا كبريتره ينفخونـــــــه
والله لو امسك طارته يالمغانيــم=ما عاد أقلد دولة يصنعـــونـــــــه
وفي هذه الأبيات يرى بندر أن السيارة كالفنجال الذي يعد لمن يستحقه فقط ، ومنها قوله هذه الأبيات ولنرى روعة التصوير فيها
الله على اللي يوم يفتل عمـــــــــــــوده=يطلع ثرى أرض بعد القيض ماها
ليا أونس ثقيل الترس يرسي عضوده=شيهانة ترخي المتون لعشـــاها
عده على اللي ما يدرهم قعـــــــــــوده=من صار زيزوم المشاكل حماهـــا
طبعا كل شي له معاناته وصعوباته إذ يقول
يوم جرى لي بالبسيطا تواعيــــــــــس=بالسهلة اللي مثل لبة منيـــــرة
عيا حلال القوم لايشتغل ريـــــــس=والماء خلص والموت قرب نذيــــرة
ماني وأنا بندر بهيس ولد هيـــــــــــس=هيس يدنع عند حرمة قصيــــرة
إلى بغيت اجلس ترى لي مجاليـــس=وإلى بغيت انهج دروبي عسيــــرة
وهذه بعض من المقطتفات الشعرية لبندر في السيارات
من فوق فرت يوم يرخي المتوني=جول القطا إلي ورد عقب مرواس
راكب اللي يوم طب من النفــــــــودي=كن صلفات الهبايب عج ويله
صوت سيره يوم غنى بالعمودي=صوت ذيب وارد راس الطويلة
يامنير دوك الفرت واخذ الفواتير =افحص عليه وادخله بالكراجي
اللي يبا بنزين ركب مواســـــــــير=واللي تبيه النار ركب بواجـــي
وفي الختام
دمتم برعاية رب العزة والجلال
العرض العادي
