هلا والله بالغايبين الحاضرين الله مير يسلمن ويسلمكم
إن شاء الله أموركم زينه و ما عليكم خلاف ..
وش اخبارالربع والشاص :c040: قصدي الجماعة وولد بداح راع الشعيب
سمعت خوينا المتنح المنسم خويي راع البعارين اللي حاطهم بالصندوق لا مكيف ولا كنديشن
رفيق الدرب يوم المنتدى المغبر حبيبي ولد امير الشمل :c040: رجع لمكم ودي اسوي حفلتن كبيرتن
واجيب له كليجا يحلي به عقب طول الغياب الله يرجه رجتن مدري وش بعده
المهم قضت الاختبارات ولازلت هاذاي داج احومي على الهايلوكس :e0025: لي سنتين على التوالي وعلى طاري الاختبارات والدراسة عندي بعض من رواياتي القديمة بالحيل فاضي قلت ابروي شين حافظه من هاك السنين الله لايعيد نجحنا ولا توظفنا
الزبده انه من يوم حنا صغار و حنا نقرأ بتاريخ العرب و نصدق كل شيء يقولونه لنا
عاد اليوم انا شكوكي ما أدري و ش اللي خلاها تتحرك و تناقش بعض الروايات اللي اشك في صدقها و رايح أقول لكم وش تفسيري انا وصديقي ولد الربدي امحق صديق :a046: لبعض الحكايات ..
تعالوا نشوف الخزعبلة الأولى صفقون ان عرف معناه ولد امير الشمل :c035: اللي للمدعو قصير اللي جدع خشمه و صارت هالجدعه مثل :a026: قصير هذا الله يسلمن ويسلمكم اسمه قصير بن سعد و هذا يشتغل خوي عند عمر بن عدي اللي ذبحت الزباء ابوه و يقولون أن قصير هالأقشر ذهين مثل صديقي ولد الربدي :c040: و إنه جدع انفه و أذنه و راح يصيح للزباء و يوقل عدي قطع خشمي و أذني و بعد وثقت به الزباء و عطته قروش يتاجر بها و بعد مدة وثقت به هالرفلاء الزباء و حمل البعارين الرجال دخل الصناديق و انتقم من الزباء .. شوفوا عاد توقعات ولد الربدي وصديقه عاشق نجد :a02010: أنه ما فيه شيء من هالكلام و كل ما في الأمر أن قصير هذا مصاب بإلتهاب الجيوب الأنفيه و بعد ما طفش من خشمه راح وقطعه و حلته للكلاب .. و حب يتميلح عند عمه عمرو أبن عدي على شان يشرهه .. و على شان يصير له مثل ينضرب كل ما جت سالفه ..
الثاني سلمن وسلمكم الله ولد الملوح السفيه ( قيس ) اللي يقولون إنه قام يهوبل من حب ليلي و انا و العياذ به من كلمة أنا أعتقد أن الرجال عليه قل صح و إنه أصلا منسم قبل يحب ليلى .. و إلا بالله ليلى بتحب واحد أرفل مسكين مشرد بالصحاري بلا وظيفة مثلي :h035: قصدي بلا ثياب و تترك شجعان قبيلتها ..
الثالث عنتر هالثور الأدرع .. كل التوقعات و المنطق يقول أن عنتر كان يعاني من الطبقية الإجتماعية و مثل ما تعرفون العرب بالجاهلية عندهم خنبقة و قلة حياء , لذلك عنتر كان بايعها و كان يبي يقتل أكبر عدد من البيض كنوع من الإنتقام و الثورة على التخلف الإجتماعي و بعدين الرجال مال من الدنيا .. و راحت عنتر الشجاع ... عنتر البطل .. وما بالحمض احد :c040: الخ ..
الرابع عباس بن فرناس .. هالمخفه الي ركب له جناحين و طار من راس الجبل :a02010: يعني الرجال ما عنده عقل و إلا متخلف و إلا وش قصته .. أنا توقعاتي نفس توقعات ولد الربدي أن الرجال مريض نفسيا يحسب نفسه طير و ركب له جناحين و طار من راس الجبل و مسط بالوادي و إيلاه من صيد أمس ..ياهي اتعبتن هالكتابه مع الخوي الخاص :a046: ولد الربدي
عمومن القصص طويلة و له تفسيرات أطول .. يا أخوان بس لاتعلمون ولد امير الشمل لو فكر به رحنا فيها ابيك انتم فكروا بهالقصص بمنطق تلقونها ما تخش العقل .. و حنا هات يا أمثال .. و هات يا تبجيل .. الله يخلف علينا بس كلن يحدر بنا الوادي القصة تودينا شرق و الجريدة تودينا غرب و التلفزيون يودينا شمال و ما أدري و ش اللي يودينا جنوب .. والهايلوكس تودين نفود الثويرات وهلمو جرى
عاد مالقيتوا وظيفة لخويكم
عاشق نجد
العرض العادي
