|
” |
اقتباس:
المشاركة الأصلية كتبت بواسطة محمد القباني
للمواقف رجال .. وللحديث رواه .. الكلمة موقف .. والحدث إيماء قادم من الزمان .. وعلى طريق الكلمة كان الإبداع بالقصيد .. من شاعر أطلق عنان القوافي لتتبختر حب وإجلال وتقدير ..
ذلكم هو الشاعر / محمد بن عبدالله الهويدي السهلي
وقصيدة مهداة لـ / سعد بن مساعد بن سعد بن ماضي القباني
لا قام كل ٍ يفتخر فإبن عمه=فأنا إبن عمي عن ثلاثة بني عم
قباني ٍ كسب النواميس همه=يوم إن ولد اللاش ماله بها هم
سعد سعد عيني عسى الله يتمه=ما أجيه إلا طار فيني ولزم
ابو مساعد لا نفذ راس كمه=شفت الشرر في ناظره لا تصرم
ما يفزع النمام يمه بنمه=كل ٍ يحسّب كلمته لا تكلم
يا بعد هوماته ويا غزر جمه=وياكم أعدد من فعوله وياكم
مفراص ماص ٍ للأمور المهمه=إليا إنفهق غيره عليها تقدم
يا الحر الأشقر موقعك راس قمه=من ذاق لطمة مخلبك ما يلاطم
الطيب يجري في شرايين دمه=سبع المراجل له رصاص ٍ ومحزم
من يمدح الرديان ما معه ذمه=ومن عذرب أهل الطيب يستاهل الذم
أصل الردي ما نومس أبوه وأمه=وإلا ولد عمي ينومس بني عم
من روس ربع ٍ يحذفون الأعمه=لا جاء نهار ٍ يغسل الدم بالدم
وتوايقن منقشات الأزمه=والنفس وسط الجوف قامت ترزم
كم فارس ٍ بالرمح طيّر معمه=عاف الطمع من ضربكم والمخاصم
قبابنه مثل البحور المطمه=كل ٍ ليا من جاء لهم ذكر نعّم
|
|
وألف نعم بـ / سعد بن مساعد من غير قصور في عيال عمي القبابنة
صح لسان الهويدي وبيض الله وجهك محمد القباني على جمع القصائد فهي فخر لنا جميعاً
ومايقال في واحد منا تاج على روس الجميع
العرض العادي
