مرثيات ابن مغنم المكيحيلي في عبدالمحسن المشعبي

الشاعر عبدالمحسن المشعبي هو الذي يقول:

لاد قبان لطامة شباة العيول = عند دار لهم حلو بجيلانها
لاشروها بنقد ولاعطيت بخول = كود بمشوك تشتب ضيانها

بعد صداقة امتدت لاكثر من ربع قرن تبادل فيها الطرفان اروع صور الوفاء والاخوة والايثار وحسن الجيرة بين كلاً من الشاعر الكبير سعود بن مغنم المكيحيلي السبيعي و الشاعر الكبير عبدالمحسن بن ثواب بن جرمان المشعبي السبيعي
ولكن سرعان ماغيبت المنيه المشعبي بسكته قلبيه ليلة الاحد من محرم سنة 1426هـ وكان من الصدفة في هذا اليوم ان ابن مغنم ذاهب لزيارة صديقة المشعبي فلما اقبل رأى جمع غفير من الناس عند منزل صديقة اتى ابن مغنم وعندئذ وجد مالم يكن بالحسبان عندها صعق سعود بهذا الخبر وقال هذه القصيدة:

لاواهني اللي منامه تهناه=وانا عيوني كل نجم تخيله
بلفني العلم المروع مفاجاه=وغيبت عن فكري شهور طويله
وفاة شيخ تكسب الطيب يمناه=ابو ثواب اللي يزبن دخيله
وجريت صوتي جرت الذيب لعواه=واقنب قنيب الذيب واعول عويله
علي صحيبي ياصحيبي صحيباه=صحيبي اللي من خيار القبيله
لاونها بالحرب والله ولله=لاشب نار الحرب وشعل شعيله
واصيح بآل عمير لرضاه وافاه=وارمي بروحي لين يشفى غليله
هودرعي اللي من علي المتن يحماه=من عزوتي واهل المهار الاصيله
الاد مشعب تعطي العايل دواه=بم الفشق والا السيوف الصقيله
صحيبي اللي يرفع الراس طرياه=ماضني القى في القبايل مثيله
ظرغام غابه في نهار المثاراه=ونجم الشمال ولايتيه دليله
مثل القمر يفرح بنوره ومبداه=ومن غاب عنه النور ياعزتيله
وشاعر وله مع كل شاعر مجاراه=مثل الحصان اللي يشجع صهيله
عليه من عنتر وصايف وشرواه=وعليه من حاتم وصوفن جميله
والله مدله عن صحيبي ولا انساه=وكلاً علي ماقيل ربه وكيله
مثل الجبل من خاف يزبن ويرقاه=ومثل البليهي كل حملن يشيله
لاونها بالمال والوجه والجاه=عنيت للي فالعرب ينعنيله
لاكن هذي قدرت الله وبلواه=امر قضاه الله ولافيه حيله
بالطيب يجزاني وانا مثله اجزاه=فعل الوفاء بين العميل وعميله
عسى جنان الخلد نزله ومثواه=ماعاد لي غير الترحم وسيله

وبعد عامين من وفاة عبدالمحسن وفي نفس يوم الوفاة لم ينسى ابن مغنم صديقه الحميم فقال هذه القصيدة:

ليله لحد حادي عشر من محـرم=عام جديدوعام ستـه وعشريـن
ليلا ظوا بالحزن والهـم والغـم=خلا دموع العين تذر من العيـن
خلاني امشـي فالخـلاء واتكلـم=والله مادري وين انا فيه انا وين
وانا احسب انـي نايـم واتحلـم=وتم افـراق وزاد هـم المحبيـن
علمن يجيب الضغط وينشف الدم=واون كني من حساب المجانيـن
والشعر والشعار ميزات وحكـم=وانا من اللي يازنـه بالموازيـن
وارثاء صديقن في القبايل بني عم=اللي معي دايم علي العسر واللين
ياخير منهـو بالمهمـات يزهـم=وريف لهشال الخلا والمساكيـن
ليته يشوف اللي جرالـي ويعلـم=ويدري عن التعبير له بالملاحين
حتاه يدري عن صديقـه ويفهـم=انا ورا انتابـع السيـر ماشيـن
اطلب له الله بالرضاء والترحـم=يغفر له الزلات ويضاعف الزين
واطلب له الله في ابدايـه مقـدم=يدخل جنان الخلد بيـن البساتيـن
العبد يذنب وانت يـارب ترحـم=يارب تغفـر للشيـوخ المسنيـن

 

اخي الكريم المشعبي
السلام عليكم ورحمة الله وبركاته

بداية احييك في محلك وبين بني عمك والله وابرك ساعة وجود مثلك وشرواك
اثني على الشاعر العلم عبدالمحسن بن ثواب المشعبي غفر الله له واسكنه فسيح جناته وجمعنا به في مستقر رحمته
فقد عرف رحمه الله بالكرم والوقفة الطيبة مع ربعه وجماعته ومصيبته على الجميع الله يرحمه والله انا حبيناه وحنا ماعرفناه الا بالذكر الطيب وهذا هو الرصيد الحقيقي ومن حبه ربه حبوه خلقه والناس شهود الله في ارضه

كما اتقدم الى الشاعر الكبير سعود بن مغنم المكيحيلي السبيعي بالشكر والعرفان على ماسطره من ابيات في ابوثواب
وانشهد انه يغليه بالحيل وان ابياته ظاهرة من قلبه مهوب من لسانه وانشهد انه يستاهل الغلا الله يرحمه والله انه قال فيه الي في قلوبنا له غفر الله له وجمعنا به في الفردوس الأعلى اللهم آمين

انا انت اخي المشعبي فأتمنا منك التواصل الدائم مع ربعك وبني عمك ومحلكم في القلب طال عمرك

 

وفاة شيخ تكسب الطيب يمناه *** ابو ثواب اللي يزبن دخيله

كفوا والله ونعم باللي علومه تنومس ربعه

أشكرك يا المشعبي على مشاركتك الغالية

أخوكمـ ذيبانـ

 

حياك الله أخوي المشعبي وتشرفنا بإنضمامك والساعة المباركة تواجدك بيننا وتسعدنا مشاركاتك ورحم الله الشاعر عبدالمحسن بن ثواب المشعبي السبيعي فمن منا ينسى أبياته المشهورة في القبابنة وللتذكير أعيدها هنا

لاد قـبـان لـطـامـة شـبــاة الـعـيـول=عـنــد دار لـهــم حـلــوا بجـيـانـهـا
ماشروهـا بنقـد ولا عطـيـة بـخـول=كـود بمشـوك(ن) تشـتـب ضيانـهـا
في الجواهل يوم قدر المنايـا يجـول=قـرروهـا وصــاروا هــم عربانـهـا
في ثنايا العويرض حذفـوا بالعـدول=مـثـل نـفــر التهـامـيـه وعمـدانـهـا
استحلوا جبلهـا والسهـل والحقـول=واصبحت غابة وهم روس يسدانها
موقف ماخضع لريا الذليـل العـذول=خاضـع للسـيـوف وراي فرسانـهـا
وعشقتم وصارت يمهـم فـي ميـول=ليـن صـارت لهـم جـنـات عدنانـهـا
جعلهـم يسلمـون وجعلهـا مـاتـزول=يوم قامت تزيـن 00 وهـم خطابهـا

نسأل الله أن يغفر له ويرحمه ويسكنه فسيح جناته وأن يتغمده بواسع المغفره والرحمه وأن يسكنه فسيح الجنان وأن يحشره مع الصديقين والصالحين والشهداء وحسن أؤلئك رفيقاً
وصح لسان الشاعر سعود بن مغنم السبيعي فقصائده في صديقه ورفيقه تبيض الوجه وتستحق الإشادة فمثل هذه المرثيات هي الشعر الحقيقي التي من خلال تظهر ملكة الشعر والمصداقية التي يحملها الشاعر والمحبة تجاه الآخرين فقد أبداع وتوج إبداعه بقصيدتين كانتا قمة في الجمال والجزالة له شكري وتقديري والشكر لك موصول أخوي المشعبي وحياك الله في محلك

دمت برعاية رب العزة والجلال

 

اخي الكريم المشعبي
السلام عليكم ورحمة الله وبركاته

بداية احييك في محلك وبين بني عمك والله وابرك ساعة وجود مثلك وشرواك
اثني على الشاعر العلم عبدالمحسن بن ثواب المشعبي غفر الله له واسكنه فسيح جناته وجمعنا به في مستقر رحمته
فقد عرف رحمه الله بالكرم والوقفة الطيبة مع ربعه وجماعته ومصيبته على الجميع الله يرحمه والله انا حبيناه وحنا ماعرفناه الا بالذكر الطيب وهذا هو الرصيد الحقيقي ومن حبه ربه حبوه خلقه والناس شهود الله في ارضه

كما اتقدم الى الشاعر الكبير سعود بن مغنم المكيحيلي السبيعي بالشكر والعرفان على ماسطره من ابيات في ابوثواب
وانشهد انه يغليه بالحيل وان ابياته ظاهرة من قلبه مهوب من لسانه وانشهد انه يستاهل الغلا الله يرحمه والله انه قال فيه الي في قلوبنا له غفر الله له وجمعنا به في الفردوس الأعلى اللهم آمين

انا انت اخي المشعبي فأتمنا منك التواصل الدائم مع ربعك وبني عمك ومحلكم في القلب طال عمرك

 

الله يرحمه ويغفر له لاهنت يالمشعبي

 

الاساتذة الكرام
اسعدني مروركم وجزيل ردودكم
وانا اتشرف ان اكون احد اعضاء هذا المنتدى الشامخ وبين بني عمي وان شاء الله نفيد ونستفيد
وبالنسبه للمرثيات في عبدالمحسن المشعبي كثيره ولكني لم اورد منها هنا الاقصائد ابن مغنم بل ا هناك شعراء من قحطان والقبائل الاخرى قالو رثاء في ابن جرمان .
اعيد واكرر لكم شكري كما اسلفت علي حسن استقبالكم وجميل ردودكم.

 

الف شكر اخى الكريم المشعبى على القصائده الرائعه ومساهماتك الجميله , ارجو ان تكون مستمر فى مشاركاتك القيمه مع أخوانك فى المنتدى .


تقبل تقديرى واحترامى ,,,