قصيدة كتبها شاعر من الشعراء أترككم معها ومع الرد
ياللي تنشّد عن علوم الذي طاف=كل البحور وكل دولة وديرة
خذ من علومي علم أوصافه أوصاف=جزل ٍ سمين ٍ يشتعل له سعيرة
الزين عقب المغربيات ينعاف=غيد ٍ لهن بالزين ذكره و سيرة
فيهن حلا طاغي ولين وتعطاف=وفيهن حنان ٍ يشعل القلب غيره
حلوات وصف وفاهمات ٍ بالأعراف=زينات منطق صافيات السريرة
بنات قوم ٍ طيبهم غصب ينشاف=أولاد مغرب بالليال العسيرة
ياللي تنشّد عن علومي بالأنصاف=هرجي يكفي صامله عن كثيرة
الزين في لمياء وتغريد وألطاف=ماهوب في حصه وكشرة منيرة
وهذا رد شاعر آخر على الشاعر أعلاه
قال الذي في بدع الأمثال صراف=جزل ٍ يفرّق بين درهم وليره
ياللي مدحت المغربيات باجحاف=الله يجيرك من عماة البصيرة
لو تعجبك لمياء وتغريد وألطاف=مايصلحن لأهل الوجيه السفيرة
مفصخات ولبسهم حول الأرداف=وإبليس أغواهم بكشف الستيرة
متعودات ٍ كلهم زيف وخفاف=على التغنج والتعطف وغيره
كل يوم مع صاحب ولا فيهم اعفاف=خويهم اللي فلوسه كثيرة
ترى البضايع عدة أشكال وأصناف=وكل ٍ ينوخ وسط سوقه بعيرة
عز الله إن الطيب في بنت الأشراف=اللي على الحشمة تربت صغيرة
ولا تبيّن منّها كود الأطراف=مثل القماشة فالبحور الغزيرة
ياللي تدوّر بالجواهر والأصداف=الزين كله في بنات الجزيرة
العرض العادي
