قليل من ينفـع بوقـت الشدايـد=وقليل من يمشي على اوْصاةْ جده
قد قيل في الاجناب واللي نوايـد=ماخِبرْ ابه معروف يرجع لضـدّه
وراع النمايم والهروج الزوايـد=كلن يسبـه مايبـي لـه مـوده
يعيش وحداني ويجلـس محايـد=محدن يلد الـه النظـر أو يعـده
وبعض البشر دايم حياته نقايـد=اسلاحه النمه على الناس حـده
يشبهـا بيـن القرابـه وقايـد=ولامن بغيته حبل وصلـه يلـده
قالوا هل الحكمه علـومٍ سدايـد=بابٍ يجيب الريح فضّـل مسـده
رفقة عزيز النفس مكسب وزايـد=وأما ضعيف النفس مامنه شـده
أبعد أنا عن ديرة أهـل النقايـد=وابني بيوتٍ في الخلا مجرهـده
أروح عند اللـي كثيـر الفوايـد=وأكسب منه معروف وعلوم عده
ويصير لي عونٍ على كل كايـد=وانا بعـد بصيـر مثلـه وقـده
ودار الهوان تصير للبوم عايـد=وانا تـرا بـاب المذلـه بسـده
أحيـا حيـاة كلبوهـا سعـايـد=والذل نفسـي ماتجيـه وتـوده
شعر عبدالله الحضبي
العرض العادي
