...(سعد بن جدلان)...
لولا مجنّنا كلتنا المجانين...وتخشى كبار القوم هدرة جملنا
...(ابن رشيد)...
ما يشتكي ياحسين كود الرديين ...ولّا ترى الطيّب وسيعٍ بطانه
...(محمد الأحمد السديري)...
لعل قصر ما يجي له ظلالي...ينهدّ من عالي مبانيه للساس
...(ابن سجوان)...
يمنا بلا يسرى تراها ضعيفه...ورجل بلا ربع على الغبن صبار
...(خضير الصعيليك)...
الله يعدّلها من الضلع والميل...ولاّ يميّلها على الناس مره
...(عبدالله اللويحان)...
الحنضله لو هي على شاطي النيل...زادت مرارتها القديمة مراره
...(محمد المنصور)...
خويّنا ما نصلبه بالمصاليب...ولا يشتكي منّا الجفا والعزاري
...(شالح بن هدلان)...
من حلّ دار النـاس حلّـوا ديـاره...لابـدّ مـا تسكـن ديـاره ويغبـن
...(محمد الأحمد السديري)...
إليا خاب ظنّك بالرفيق الموالي...ما لك مشاريهٍ على نايد الناس
...(راكان بن حثلين)...
ماقل دلّ وزبدة الهرج نيشان...والـهـرج يكفي صامله عن كثيره..
...(الأمير محمد بن سعود)...
الزين ما يدقم شباة السناني...والشين ما يقصر يدين يطولن
إلى اجتمع زينٍ وفعل اليماني...لذّة نعيمٍ فالعمر لا توافن
...(مفضي الشمري)...
الطيّب لو هو من ابعد الناس ينفعك...يصير لك عنـد اللـوازم سنادي
ولاّ الردي لو هو من الأدنين يقطعك...يعـلّ وجهه للفنى والسـوادي
...(بركات الشريف)...
رافق أصيلٍ فى زمانك يشـاكيك...لا شاف خملاتك عن الناس غطّاك
...(راكان بن حثلين)...
يا ما حلا الفنجال مـع سيحة البال...في مجـلس مافيه نفـسٍ ثقيله
...(بركات الشريف)...
مخطاك ماصابك ولو كان ناصيك ..... واللي مصيبك لو تتقّيت ما اخطاك
...(عبيد العلي الرشيد)...
ربعي لقوبي عقب شيبي عذاريب... قالوا على ساقة خويّه يحامي
قلت انّ هذا من قديمٍ بنا عيب...مستارثينه من خوال وعمامي
...(الجربا)...
الحرّ لاصكّت عليه المغاليب...مجبور عن دار المذلّه ينزي
...(مقحم النجدي الصبري)...
احدن على جاره بختري ونوّار...واحدٍ على جاره صفاة محيفه
الجار لابدّه مقفّي عن الجار...وكلٍّ بجيرانه يعدّ الوصيفه
خطوا الولد مثل البليهي إليا ثار...زودٍ على حمله حمل حمل أليفه
...(محمد بن مهلهل)...
لا شفت ضول الناس بالك تعسّه...وان جّنبك شّر المخاليق خله
العرض العادي
