وجيه البشر
وجيه البشر فيها معاني كثيرة=فيها صفاوة قلب وفيها عداوة
متخالفة آرائها بكل ديرة=مثل العيون اللي عليها غشاوة
أمعنت فيها وشفت أنا أشياء مثيرة=وعرفت قاسي عودها والطراوة
بعض العرب يطويك طوية حصيرة=بعد الليانة يعاملك بالقساوة
يضحك وهو يطعن بشلفاء شطيرة=لا غبت نفذ حطته بالهداوة
وبعض العرب لأحتجت جادك بخيره=تلقى المعزة والوفاء والحفاوة
يفز فزات النفوس اليسيرة=يضمر لك الإخلاص وكل الغلاوة
ما هو من اللي شغلته نفخ كيره=يضحك ولكن ما بنفسه صفاوة
أقولها والكل حذيره نذيره=سيّور يعرف مرها والحلاوة
أقولها والعين طبعاً بصيرة=ما كل من يزعل يحصّل رضاوة
محمد القباني
العرض العادي
