لاواهني اللي يحـط أسمـك بكـرت العايلـه !!

هذه القصيدة من روائع الشاعر /مدغم أبوشيبه ..
مما راق لي ..

علّم عيونك لاتطـوّل فـي الكـلام ولاتقـول =من قبل أعرفك مابعد شفت النجـوم القايلـه
خلك ترد العلـم عنّـي قبـل سالفتـك تطـول =رد الـرواه اللـي يـردون الكـلام لقايـلـه
ضيّعتني ضيّعك ربّي فـي مضيّعـة العقـول =من يوم أخايلها وأنـا ماكـل بـرق أخايلـه
وأن ضيّعتني ضحكةٍ بشفاك يادين الرسـول =غديت ملحٍ ذاب فصّه فـي الشعـاب السايلـه
وحلمت بأنّك عرش في قلبي على كف محمول =وفسرتها أن العرش هو حبّك وأنا اللي شايله
وليا نشدت الناس قالـوا : يامغفّـل يامهبـول =حلمك بعيد ولـو تمـد إيديـك منتـب طايلـه
يارجل وجهك بالرضا والمسك والنور مغسول =من حيث لاتعلم عمـل فيـك الزمـن عمايلـه
مامات من ظلم الغرام إلاّ الحياوي والخجـول =تحدّهم سو الطوالـع فـي الحظـوظ المايلـه
غاياتهم تحبس وتبقى فـي خواطرهـم تجـول =مثل الذي يمشي على ستايـل مهـوب ستايلـه
مدري ملكتك ماملكتك !! والتباهي والفضـول =يقول مالا تنتظر ياجـاي لـك !! ياجـاي لـه
خل الحسود يموت في ثوبه يقـول أو مايقـول =لاواهني اللي يحـط أسمـك بكـرت العايلـه

 

يـ سلام على الشـاعر ُ/ مدغم ابو شيبـه ، [ سمي الزعفرإْن ]َ

كل الشكر لك يـ الدوبلماسي ، على طرح هذه القصيـده ..

لاهنت

 

”	المشاركة الأصلية كتبت بواسطة سعد بن عبدالله يـ سلام على الشـاعر ُ/ مدغم ابو شيبـه ، [ سمي الزعفرإْن ]َ كل الشكر لك يـ الدوبلماسي ، على طرح هذه القصيـده .. لاهنت

ولاتهون .. يابوعبدالله ..
ومشكور على المرور الطيب ..

 

خل الحسود يموت في ثوبه يقول أو مايقـول === لاواهني اللي يحـط أسمـك بكـرت العايلـه

صح لسان الشاعر مدغم ولسانك ياالدبلوماسى , مبدع كعادتك , لاهنت

 

”	المشاركة الأصلية كتبت بواسطة حد الرهيف خل الحسود يموت في ثوبه يقول أو مايقـول === لاواهني اللي يحـط أسمـك بكـرت العايلـه صح لسان الشاعر مدغم ولسانك ياالدبلوماسى , مبدع كعادتك , لاهنت

ولاتهون .. ياحد الرهيف ..
ومشكور على المرور الطيب ..

 

كل الإحترام والتقدير