كل السبيع

/كل السبيع/ لهم من الطيب مرسوم
الطيب فيهم والكرم والسطاره
واللي يتحداهم من الناس منجوم
يصير مثل اللي عماره دماره
عدوهم يرجع ذليل ومهزوم
وصديقهم يرقى براس المناره
متعلمين الطيب من غير تعلوم
طيب طبيعي ماخذوه استعاره
من لابت لهم قوانين وسلوم
نالوا من أفعال المراجل كباره
قصيرهم ينسى هله دايم الدوم
من جودهم يدله وينسى دياره
على النقاء يبقى معزز ومحشوم
ويزيد قدره كل ماطول جواره
سلم لهم من سالف الجد مفهوم
وكل على سلمه وطبعه وكاره
الطيب بين الناس معطى ومحروم
ومن لا كسب طيب حياته خساره...

 

الله يعطيك العافيه
وبارك الله لك
تحيااتي

 

هلا والله الله يعافيك ويبارك فيك
شكرا ع حضورك المميز

 

ونعـم والله

الف شكـــر

كل سـبيع لهم من الطيب مرسوم
الطيب فيهم والكرم والسطاره

 

صح لسانك شموخ قصيدة جزلة تستحق التمجيد والثناء

 

الله يجزاكم الجنه شكرا ع الحضور الراقي