وصف الرجال ... لـ أبن صقيع القباني رحمه الله
قال أديب فالرجال فالقواعد والمجال = أطبايع ماتنزال مثل الجدي في مرساه
بالوكيد وباليقين قاصرين وطايلين = مثل اليسرى واليمين بالنقوص وبالوفاه
فيهم من يوصف بأمثال حزبن نطاح العيال = ظفرن كريمن رجال لاجا محتاجة يلقاه
كساب امدوح الطالات رجلن في كل الجهات = ينفع حزات النفعات لارد ابليس البراه
وفيهم غوجن قلّباني يعطي العلم وغيره ثاني = في المجالس مهذباني سمج نفسه كثر أحكاه
يذبح ناس ويعفي ناس يحسب بلسانه نوماس = خباقن سفقن هلاس يغر الناس بخيلاه
وفيهم من يوذي جيرانه دايم شين لفظ لسانه = الله لايجزيه احسانه يكره زوله من بذياه
في الهياسة شب وشاب من الفشايل مايهاب = خبلٍ في العالم نشاب الله يكفينا بلواه
وفيهم كنه ثور الهور حار ودار بوسط الدور = يأكل متاعه مسرور لايجي أحدن ولا أحدن جاه
حيوان زوله رجال مخفوضن علمه لا قال = ما يوخذ ربع المثقال متروكن مابه وسراه
وهاض الغرام المكتوم واعد الشي المعلوم = ولاني من الزلة معصوم وكلٍ خلاقه مولاه
وأذكر الله في الجواب اللي رجابه ماخاب = من يومن فيه العذاب ماينفع دونه متقاه
جليل الملك الغفار خلاق أبشار و أشجار = سماك العرش القهار خلاق أرضه مع سماه
واخر ما اقول الكلام بالتحيه وأحترام = على الرسول السلام في مبداه ومنتهاه
العرض العادي
