سجل حضورك بـ ( بيت من الشعر )

ابعد عن اللي يستغلك الى جـاك
تلقاه دايم بين الأخيار مذمـوم

احسب حسابك في كلامك ومعناك
وسط المجالس كل ما ادليت بعلوم


خل سمعك اكثر من كلامك وفتواك
تلقى القدر يمك من الناس ملـزوم


ولا تذكر افعالك بما تجود يمنـاك
عنك الولي يدري ولك الخير مقسوم


وخلك مع اللي يشتكي لك وينخاك
بك ينتخي من ضيم الأيام وهموم


خذها وصايا تسعـدك دوم دنيـاك
واحفظ معانيها تحفظك من اللـوم