قصيدة للشاعر-سعد بن سلطان آل ذيب مسندها إلى الشاعر الكبير-عبد الله بن فايز ال غليظ

	بسم الله الرحمن الرحيم السلام عليكم ورحمة الله وبركاته قصيدة للشاعر – سعد بن سلطان آل ذيب مسندة للشاعر الكبير – عبدالله بن فايز آل غليظ البارحة كن الحشا فيه وقاد=كن السعاير تلتهب في فؤادي والعين جاها عن هناء النوم طراد=تبدل النوم الهني بالسهادي والى نظرت الهم فالجوف يزداد=صليت ركعاتاً لرب العبادي اوترتنا ثلاث والناس هجاد=من قبل اذان الفجر لاهو ينادي هذي تعاليم الولي رب العباد=سبحانه اللي له عظيم انقيادي ومن عقب ذا ياراكباً خيرة جداد=جيباً يدني مبعدات البلادي هوغاية اللي يشتكي زود البعاد=غاية صبياً فالوفا له مرادي سايقه حراً من مناعير الولاد=يضرب مضاريب الخطر مايهادي الى زهمته فز ماهوب قعاد=لا قال لي طيب و لا قال مادي تنصا لبو فايز مضاريبه حداد=حراً يبين فالظروف الشدادي لا جيت بيته فبشر بكيف وقناد=تلقاه و اقف للمعرض ينادي سلم عليه وحب راسه بتعداد=طيبه وجوده والغلا اللي يزادي يبدي لك الترحيب ويقدم الزاد=حيلاً سماناً في صحونٍ جدادي طيبه بقا له من على وقت الاجداد=يوم السنين اللي بهاالجوع سادي عطه الكتاب وخص له دون الافراد=حيثه يقدر مقصدي و اجتهادي عينتنا فالناس يالقرم حساد=ناساً تملاّ قلوبها بالسوادي اهل الحسد والكره وصنوف الاحقاد=في جوفهم مثل الدبا والجرادي غاياتهم تصييد زلات الاجواد=في عرض خلق الله بدوا بالتمادي حتى الرفيق اللي نعده للضداد=فرح مقاريد البشر و العوادي بين المجالس فالحكي ماله انداد=ومثله مثل ثور السواني يقادي يقطعك يارجلاً للنذال ينقاد=يحثى في وجهه بالجمر والرمادي راع الحسد من بادي الوقت مافاد=ماسر من شاره والا اهو استفادي راع الحسد مفضوح من بين الأشهاد=وجهه كريه وبيناً به نكادي قلته و انا ما اقيد الناس بقياد=لاشك بنصح من عن الدرب غادي حبيت اشاكي لك على الصادوالضاد=و ما ابيك تشحني بكثر انتقادي ويالله يا منشي من الغرب رعاد=و امره ربي بالهدى و الركادي من نصف شهر الصوم لأيام الأعياد=وبله حقوق مسيلاً كل وادي يسقي قرايانا مع كل البلاد=يفرح به الزراع و اهل البوادي وختامها صلوا على خير العباد=المصطفى اللي دلنا للرشادي

 

تنصا لأبو فايز مضاريبه حداد=حر يبيّـن فالظـروف الشدادي
لا جيت بيته فأبشـر بكيـف وقنـاد=تلقـاه واقـف للمعـرض ينادي
سلم عليـه وحـب راسـه بتعـداد=طيبه وجوده والغلا اللـي يزادي
يبدي لك الترحيـب ويقـدم الـزاد=حيل ٍ سمان ٍ فـي صحـون ٍ جـدادي
طيبه بقا له من على وقت الاجـداد=يوم السنين اللي بها الجوع سادي

كفو أبوفايز ويستاهلون آل غليظ مشحمة السري المدح والثناء وصح لسان الشاعر سعد بن سلطان آل ذيب ولاهنت أخوي ابن ذيب الغلباء على مشاركتك الرائعة ونتمنى التواصل الدائم وإذا كان هناك رد من الشاعر عبدالله بن فايز تزويدنا به ودمت برعاية رب العزة والجلال

 

صح لسان الشاعر / سعد بن سلطان آل ذيب

قصيدة تحمل من معاني الحكم والتجربة الكثير

ويسلم الشاعر الكبير / عبدالله بن فايز آل غليظ


وتسلم يدك على النقل الطيب ابن ذيب الغلبا

 

صح لسان الشاعر وأبدع

أبيض وجه يآبن ذيب
و لاهنت على النقل الطيب

 

صح لسانك يابن ذيب وعلا شانك يستاهل الممدوح ولاهنت يابن ذيب الغلبا

 

صح لسان الجميع

 

بيض الله وجهك يابن ذيب وصح لسانك ويستاهل ابن فايز وماعليه زود شاعر مقتدر ونتمنى ان نقرا رده

 

”

المشاركة الأصلية كتبت بواسطة محمد القباني تنصا لأبو فايز مضاريبه حداد=حر يبيّـن فالظـروف الشدادي لا جيت بيته فأبشـر بكيـف وقنـاد=تلقـاه واقـف للمعـرض ينادي سلم عليـه وحـب راسـه بتعـداد=طيبه وجوده والغلا اللـي يزادي يبدي لك الترحيـب ويقـدم الـزاد=حيل ٍ سمان ٍ فـي صحـون ٍ جـدادي طيبه بقا له من على وقت الاجـداد=يوم السنين اللي بها الجوع سادي كفو أبوفايز ويستاهلون آل غليظ مشحمة السري المدح والثناء وصح لسان الشاعر سعد بن سلطان آل ذيب ولاهنت أخوي ابن ذيب الغلباء على مشاركتك الرائعة ونتمنى التواصل الدائم وإذا كان هناك رد من الشاعر عبدالله بن فايز تزويدنا به ودمت برعاية رب العزة والجلال

صح بدنك أخوي محمد القباني وماعليك زود
وبإذن الله اتواصل مع الشاعر سعد بن سلطان وأن كان فيه رد من أبو فايز كتبت لكم القصيدة في موضوع منفصل

”	المشاركة الأصلية كتبت بواسطة القباني صح لسان الشاعر / سعد بن سلطان آل ذيب قصيدة تحمل من معاني الحكم والتجربة الكثير ويسلم الشاعر الكبير / عبدالله بن فايز آل غليظ وتسلم يدك على النقل الطيب ابن ذيب الغلبا

صح بدنك أخوي القباني
شاكر لك مرورك الجميل

”	المشاركة الأصلية كتبت بواسطة سعد بن عبدالله صح لسان الشاعر وأبدع أبيض وجه يآبن ذيب و لاهنت على النقل الطيب

ووجهك أبيض أخوي سعد بن عبدالله
صح بدنك
شاكر لك مرورك وردك الطيب

”	المشاركة الأصلية كتبت بواسطة التنديل صح لسانك يابن ذيب وعلا شانك يستاهل الممدوح ولاهنت يابن ذيب الغلبا

صح بدنك أخوي التنديل
والله يعطيك العافية

”	المشاركة الأصلية كتبت بواسطة عمار صح لسان الجميع

صح بدنك أخوي عمار

”	المشاركة الأصلية كتبت بواسطة فيصل القباني بيض الله وجهك يابن ذيب وصح لسانك ويستاهل ابن فايز وماعليه زود شاعر مقتدر ونتمنى ان نقرا رده

ووجهك أبيض أخوي فيصل القباني وصح بدنك
وبإذن الله أن كان فيه رد من الشاعر أبو فايز بكتبه لكم في موضوع منفصل

 

صح لسانك وعلا شانك