خبراء اللاب توب ؟ جهازى بطىء؟

اخوانى المختصين : جهازى اللاب توب بطىء شوى ؟ ابى حل لاهل الخبره ؟ جزاكم الله خير ,

 

هل كان سريع من قبل
انا مثلك بمطيء وسويت فورمات وطلع ممتاز
لكن ماحملت عليه اي برامج
يعني نضيف
وعموما منتدانا يحتاج برنامج خاص لكي يكون اكثر سرعة في التصفح
والمستقبل بأذن الله يحمل تحسينات جديدة للمنتدى
عموما عندك بنت الروح ممكن تفيدك اكثر

 

مشكور ياولد بدح ,, بأنتظار بنت الروح ,, .

 

هلا والله
بحد الرهيف وولدبداح
الله مير يسلمن ويسلمكم
هذا كان عندي هارتوب قديم حق الشايب الله يرحمه هو الورث الوحيد منه وإلا لوكان عنده ورث كان ماطقيت هايلوكس المهم هالهارتوب يالله يمشي الدداسن والهايلوكسات القديمة تسبقن رحت به للصناعية مااحدن عرف العلة وانا اللي اوديه للعبندي ببريدة هذا اكبر مهندس عندنا يوم شافه على طول فر الديلكو وقال ظف وجهك ورح غير اسلاك البواجي وغير بليتين المهم رحت ادربي راسي واشتري اللي قال ومن عقبه وهو اللي ماشاء الله مثل البارودة وما استمر معي رحت للرياض وانا اطق الطبلون قام واحتر وانا اللي اوقف عند نفود الثويرات وافتح الكبوت وإلاه مختلط زيته مع المويه ويخبط
واروح اسحبه بونيت الربدي لين وصلنا الرياض ويقوم اخوي ويهاوشن وتدري الوالدة الله يطول بعمره وهي اللي تفك الزحمة وترضين قالت ياوليدي نم الليلة وباكر ان شاء الله اشتري لك هايلوكس ( نفسي فيها من كنت صغيرون ) نمت هاك الليلة ويوم جاء الصباح وإلاهي تصحين قم الساعة خمس العصر ورح مع أخيي للمعارض وانا اللي افز فزت الهايلوكس واشتريها ومن ذاك اليوم الى اليوم وهي سالكة قولوا ماشاء الله لاتنحتونن مشاكل ياهي دوخت راس
عاشق نجد

 

عطاك الحل عاشق نجد يقول اشتر جديد واترك عنك القديم

 

والله هو صادق , وهذا الصحيح وافك راسى من العوار ,, ؟ بس منتظر الوالده اتعطف وتامر لى بلاب توب , عسى الله يسخرها لى مثل ما سخر الله والدة عاشق نجد , آميين

 

ممكن يا حد الرهيف نتعرف على مواصفات الجهاز / من ناحية المساحة والذاكرة واللوحة الأم ؟

 

وأنا نفس الحكاية

وأتوقع أن نزل في الآونة الأخيرة أجهزة [[[[ تــجــمـيــع ]]]] لاومشترك في Dsl والسرعة يالله يالله


وأما قولت عاشق نجد أشتر واحد ثاني والله ما طرت علي 4000 ريال ريال ينطح ريال وتبيني أروح أدفع 4000 ثانية والله لو أني على بنك

 

اخي حد الرهيف قم بإضافة ذاكرة يعني قم بزيادة حجم الرام مثل من 256 الى 512 وبعدها اعمل فورمات للجهاز وان شاء الله يكون جهاز سريع . وتكلفة الذاكرة تقريباً 140 ريال على شرط ان يكون جهازك معالج سنترينو وليس بنتيوم



القباني