حبايبي الحلوين كيفكون
الله مير يسلمن ويسلمكون
معليش مسوي فيها لبناني اخوكون
إلا على طاري الحرب من اللي فاز لبنان وإلا بنت الكلب اسرائيل
تبون الجد والله يالو يجي طقتن بالرياض يالهايلوكس ما تزبنن للقصيم
نعود لموضوعنا وضحكنا مثل العرب يوم يضحكون على بعض
درسنا لهذا اليوم درس خصوصي يقول الشاعر
انا وياك والثالث ابو زايد=قل لهلك ابي اراجع دروسي
ابعطيك درس طول العمر فايد=مدرس ما يفتش في دروسي
وسلامتن وسلامتكم هلحين نهرج عربي
المهم الزبدة والطحينية وما فيها عندي دروس غديكم تستفيدون منه
لذا انصتوا واينعوا رؤسكم كأن عليها الطير درسنا الله يسلمن ويسلمكم
موضوعه ( النذاله ) لذلك اللي يحب انه يصير نذل مثل ولد امير الشمل ( الأخ يمون )
اللي هج او مدري سافر ولا ودعن يقول الشاعر
سافروا ما ودعون=سيبونن وراحوا
المهم اللي يبي يصير نذل عليه اتباع الخطوات التالية وهي خطوات مجربه اخوكم عاشق نجد
* اذا كنت في عزيمة يعني عشاء بعد ماتغسل افتح المويه على الحار الين تشوفه ولع
وسكر المغسلة وشف اللي بعدك وش يصير بحاله :c040:
* اذا جاك واحد ما تبيه وسويت له شاهي لا تجيب بياله ام عروه عليك بكاسات
الجبن وصب له بها واملها لين الأخر علشان مايقدر يمسك الكاس
واذا كانت الخدامه ما تعرف تسوي شاهي خلها هي اللي تسويه :c040:
* اذا كان عندك ضيف دمه ثقيل مثل ( عاشق نجد ) وتبغاه يمشي خل حمود ( قصدي )
واحد من الشباب يدق عليك جوال كل شوي وكل مره كلمه على انه واحد ثاني
وقل " لالا والله مقدر الحين عندي ضيف يمكن بعد عشر دقايق يضف وجهه
ولا تنسى شي مهم لاتلبس ساعة علشان كل شوي تسأله كم الساعة :c040:
تقول الطقاقة احلام
تناظر الساعة وشفيك مستعجل=احدن معه ولد امير الشمل ويناظر الساعة
* اذا اتصل بك واحد دمه ثقيل وثرثار مثل ( عاشق نجد ) رد باختصارات الحمدلله ايه لا مدري يمكن
الظاهر احاول واذا شفته طوّل سو نفسك انك تكلم واحد بجنبك اذا شفته مسك خط القصيم بالثرثرة
ولا عنده نيه يخلص استخدم حيلة من حيل ( عاشق نجد )
حيلة الخط المقطوع وقل " ألو ألووووووووو وينك .....ألوووووووووووو يابو الشباب
الظاهر ان الخط انقطع " بعد كذا سكر السماعة وبهالخشة :a042: :a042: تفتك منه
اما اذا اتصل ثانيه ساعتها عاد الباقي عليك :a116:
* اذا بغيت تجنن الخدامه مثل شغالتنا اللبنانية ادخل المطبخ واشرب نص كاس عصير
وكنك ماانت متعمد كب الباقي على البلاط واذا كان المطبخ مفروش يكون احسن :c040:
* اذا نامت وهي بعز النوم صحها وقل لها تسويلك عشا بهاك الساعة بيكون الضغط عندها ألف :c040:
* اذا حبيت ترفع ضغط اهلك الحريم لا طلبوا منك توديهم سوق الهرم وإلا حجاب أسواق
على قد ( عاشق نجد ) لاركبوا السيارة خلك طبيعي شوي قل لهم أففففففف السيارة عيت تشتغل
تذكرونن بالهايلوكس طبعاً اكيد انت ماخذ احتياطك وفاصل اصبع البطارية شف وشبيسوون فيك
ساعتها الله يعينك عليهم أقصد عليهن والطريقه الثانيه علشان يحرمون يطلبون منك توديهم
السوق لا تشغل مكيف السياره قل لهم التكييف خربان خلهم ينطبخون واذا قالوا نبي نفتح الدرايش
قصدي ( القزاز ) قل لهم خربانات واذا فتحتوهم ما عاد تتسكر بعدين :c040:
* اذا كلمك خويك على الجوال وحسيت انه مستعجل ويبي منك شي سلف وإلا حاجه مهمه خلك ذيب
قل له " ترى مااسمعك الصوت مشوش ويقطع ألو ايه ايه معاك الو وووو وينك " ورد على كلمه
وحده وطنش بالباقي وشف وشيصير له :a040:
ملاحظة : جرب الخطوات أعلاه ( ماتشوفونن صرت هاليومين مثقف ) أكثر من مره على التوالي
واضمن لك نجاحها بعد ذلك رايح تذكر بالخير
عاشق نجد
العرض العادي
