الشاعر فايز القباني من الشعراء الشباب المبدعين ارسل لنا هذه القصيدة والتي تشرح نفسها .. اذ يقول :
( محمد بن الذيب يوم جاء في شاعر المعنى قال قصيدة يمدح الحفل والسعودية والملك الله يحفظه
قصيدة طويلة ورديت عليه
بقصيدة قبل سنتين تقريباً اقول فيها )
انا اشهد ابن الذيب قال القاله
شاعر وله علمن وله منزاله
ماينزل الا فوق روس العالي
العالي اللي دايمن يعناله
من بعد هذا يامحمد ارحب
ارحب تراحيب المطر فهلاله
ارحب في ديرتنا وانا اخو نوره
ارحب عدد مالاح برق خياله
ياشاعراً جزلاً ودايم وافي
الشعر يطرب لابدا مواله
من غير قاصر في جميع العالم
راع الشعر واللي بعد يبراله
من بعد هذا كلنا نتشرف
انا نخدم البيت في كل حاله
وانا حمات الدين وامن الدولة
دار الرخا حنا ترانا رجاله
وانا نعرف العرف فينا وانا
مانجهل ولا نسمع الجهاله
والجار حقه لازبن نوفيبه
لاجار وقت الجار عنزنا له
لاضيقوا بالجار ناسن عنده
ناسن تدور شي ماتحتاله
ناسن تدور شي ماتقدر له
ناسن حداها ابليس هو وعياله
جاهم بلاهم من ديار الرفض
يومي لشله مثل ما يوماله
ثم زهمونا يامحمد وانتوا
معنا وابومتعب وحنا عياله
لاقال ابومتعب امر بنطيعه
نطيع ابو متعب ولانعصى له
قايد مسيرتنا وانشهد قايد
منزلن شعبه معا منزاله
يومه بعيدً عننا ما رتحنا
همه وهم الشعب هو من شاله
والحمد لا الله يوم جانا جانا
الخير راع الخير جاء يبراله
ثم اشرقت شمسن على ديرتنا
والتلفزه بثت خبر بوصاله
لاكن بعض الشرذمات العفنه
تبي لها شين ولا تحتاله
وامر على قوت حرس تتقدم
درع الجزيرة جاهزن ورجاله
درع الجزيرة جاهزن ومجهز
بمدرعات ومدفع وحماله
ثم حركوها صوب ديرة عيسى
ابوحمد فال السعد هو فاله
يادار بن عيسى ترى جيناكم
والحمل لامنه ثقل نشتاله
نركد الموضوع لينه يركد
والرافضي يرجع الى مدهاله
واللي بقى فدار لازم لازم
يمشي تحت حكم البلد اشوى له
فعولنا حاضر وفعلاً ماضي
ماينجهل لو حاولوا جهاله
يوم العراقي يحارب الايراني
واسطولنا دايم لهم نزاله
ويوم العراقي عودت في جاره
فهد فهد وقف بحال وماله
وقف معه وقفت اخو لاخوانه
ورد الجميل لجابرن وعياله
هذي عوايدنا وذي عادتنا
نجازي الطيب بفعل امثاله
ومحمد بن الذيب جانا عاني
جانا في ديرتنا وردينا له
لانه رجل من لابةً معروفه
عجمي ويامن داره ومنزاله
وان كان رديتوا على ابومشعل
قولوله انا خوان في كل حاله
شيخن ولد شيخن وهوحاكمكم
ونعم في داره وفيه وآله
الحاكم اللي مطورة بلاده
في كل محفل بينات افعاله
الشعب واحد والحكومه وحده
وماهمنا ذالوقت كثر اهواله
وانا سعودي اصلي وقباني
اللابه اللي في الوغا نزاله
قبابنه حنا وفينا النخوة
نشيلها يوم الردي ما شاله
حنا هل العوجا معا حاكمنا
في واجب الرجال يرخص حاله
وغليظً فخذي وجدي فايز
وابوي عبدالله وحنا عياله
وجمع القبايل لاحصل طاريهم
يشهد مع الرجال طيب افعاله
هم كفو مافيهم قصورن والله
فيهم رجالاً تحتمي للقاله
قصيرةً واليوم طولناها
وحداني محمد على طواله
وصلاة ربي عد هب الذاري
على الشفيع اعداد وبل خياله
الشاعر فايز بن عبدالله بن غليظ القباني
العرض العادي
