قصيده تعبر عن نفسها
الهرج و الهراج و مجمع الهرج
والنم و النمام و أهل النمايم
ياالله عساهم دايم بموقفٍ حرج
مطاوعين بليس و حطو عمايم
دايم وهو مشدود من فوقهم سرج
يسوقهم سوقٍ سواة البهايم
مطاوعين بليس بالهرج والمرج
لشيطانهم والكل فالدرب هايم
مشو بظلمة ليل عميا بلاسرج
المسلم يبيّت و لو كان نايم
يقفون مسلم طايعٍ ربه ويرج
لو هو في دينه كايلين الشتايم
المرجله في سلمها مالهم درج
عن دربها صدو ضعاف العزايم
رقو مع الشيطان في قمة البرج
مبني لهم و بليس جوله دعايم
رجولهم فالدرب دايم وهي عرج
ضعاف العقول وزود ضعف القوايم
من علمهم ماشين مادربهم زرج
درب الوحل ذا لدرب ماشين دايم
الدين مابه دين والروس في خرج
يساقون والشيطان جوله غنايم
الشاعر
فايز آل غليظ القباني
العرض العادي
