الله يلعن أم بليسك فكني منك
ياولد الربدي إنقلع الله ياخذ هالوجه
هلا والله تراني مستعجل
الله مير يسلمن ويسلمكم
كان هذا صياحي على ولد الربدي اللي بيصحيني من النوم علشان يقولي " مفتاح سيارتك وين بروح للسوق" قمت وناظرته بعين مغمصه ما رقدت البارح من جدل هالسطول وش تبي قال تكفى تكفى ترا تكفى تهز ا لرياجيل وأنا اللي أفز فزت الهايلوكس وألزمه بحلقه لين ساويته بالارض وبغيت ادق خشمه تذكرت ابن اللذين اخوه ملعون صلايب ماعمره دخل في هوشه الا طلع منها يختال ضاحكن قلت اجل لاتحرك ساكنن خلن نشوف وش عند هاللزقه يذكرن بولد أمير الشمل :c040:
قلت وش تبي بالسياره..؟ من زينها هالهايلوكس
قال تكفى ياعاشق نجد جيتك فيه بنات بطلعهن قلت وشهو
قال فيه بنات ثنتين مواعدهن بطلعهن تكفى جيتك هات المفتاح قلت طيب بيروح معك احد .؟ قال لا بطلعهن انا بلحالي قلت طيب انفع اروح معك..؟
قال لا قلت ليش ..؟ قال يابن اللذين بتاكل الجو علي قلت لا معليك مانيب منعم ولانيب حاطن بودره ولا مبيض وجه بروح معك كذا حتى هدومي مليانه عبس من التمر والخرافة
قال ياولد مادري يحصل بوس والا لا .. قلت وش السالفه يعني ؟؟؟
قال هن أول مره يشوفني وراح نروح لكوفي عنان أقصد كوفي شوب نجلس وياهن لين الساعه عشر ثمن نتمشى في الرياض لين ثنعش وبرجعهن قلت يا ولد الربدي أنت صاحي من وين تعرفهن.؟
قال من منتدى قلت أجل معليك بروح معك وقل انا فلان وهذا "اللي هو انا" صاحب المنتدى خلهن يخقن :c040:
قال خلاص المهم قلت دقيقه احس بمـر وبروح للحمام أهيض على كبدي شوي قبل لاروح لهن ثمن أجيب العيد هناك
:a02010: :a02010:
داخل الحمام
دق تلفون الحمام وأنا اللي أرفعه
الو هلا إلا هو صوت مصريه تقول" ده مطعم بوخاري النافورة " :c040:
قلت الله يلعن أم الاتصالات .. لا يابنت اللذين هذا حمام إنحش جيتك
قالت اااه اسفين ياعمي
عيال الكلب الإتصالات كل ماقالوا عطنا أي رقم حطوه براس هالتلفون مدري عشانه مميز وإلا وش السالفه
شغلت ا لدش وأظهرت ملابسي كلها وصرت كما خلقني ربي
المهم قمت أحك جسمي حك حك إلا الباب يدق ياعاشق نجد إخلص علي ياولد البنات دقن يقولون وينك
قلت قل لهن في الحمام وتوي حاط الصابون
قال الله يلعن ذا الوجه واسمعه يهوووع وبغى يجيب العيد بس ربك ستر شرب ماء الظاهر
وبعد عناء وجهد جهيد غسلت وتنشفت ولبست ملابسي وياسلام ياسلام اد ايه حلو الغرام :c040:
طلعت مع باب الشارع إلا إخونا في الله مشغلن السياره ومشغل السيدي ويزبط في هالخشه ويسوي العقال قلت أمحق والله لو إنك ولد أمير الشمل وهايلوكسه اذا ماخليتهن يسحبن عليك ماكون انا عاشق نجد :c040:
وألبس الغتره البيضاء والجزمات البنيه اللي يشوفها يقول ماهيب جزمات ذي هذا اليخت اللي على الطريق الشمالي عند الفغص قصدي الفحص
وقفنا عند الإشارة والأغنية " مشتاقلي مشتاقلي .. وانا بعد مشتاقلك " أول مرة أشغل هالشريط بلعادة عيسى وإلا بن سعيد ومرة من المراريت بشير وأنا اللي أتهزع شوي وأتنكس وأقطع الإشاره قلت لعيون كل بنت وكل مزيووونه
قلت له وين أنت مواعدهن فيه قال في سوق حجاب !!
وشو ؟ قال سوق حجااااااااااب قلت الله يلعنك لاتكون بياعات ترى ماني فاضي أدخل أبوزعبل وراي بيع تمر وروحة للقصيم
قال لا لا وحده تقول إني أشبه جسم أليسا وصدر هيفاء وووجه روبي والثانيه مدري عنها على باله أعرف هاللي قال لي أليسا وهيفاء وش ذولي أمحق أسامي :c040: المهم قلت نبي نعسهن هالحين ونشوف وقفنا بالسوق ويدق عليهن ويسولف معهن أنا ناظرت يسار وهي نظرة إلا ثنتين ياعيال
وحده وزنها طاقن العشره براا (110) والثانية تقول مسواك المسلم :c040:
وكلهن "عبدات الله يديم النعمه " أنا من زود اللعانه رميت المنديل عليهن قلت حلن به :c040:
قالت المتينة يلأن أم أمك ( يعني الله يلعن أمك ) وأنا اللي أطمر وأفز فزت الهايلوكس وأنا كنت جالس
قلت الله يلعن أمكم ماضيعنا إلا الحبش اللي زيكم وإلا وش زاد نسبة الوفيات بالشميسي غير أنتم إنقلعي الله يقلع ذا الوجه اللي تقول كفرة كامري أخوي المنصلخه الله يرجك رجت صميلن ولد بداح :c040:
واسكر الدريشه حقت الهايلوكس زامر بها
طالعت لخويي إلا هو مسرح معهن ويسولف داقن حنك ورجع وركب معي قال يالله ديور بسرعه ديور قلت وين قال رح لين آخر الشارع وديور هن ثنتين ( ملعوب عليه ) قلت طيب
وأروح لاخر الشارع واديور بغيت اصدم لي باكستاني على ددسن بس ربك ستر ويوم ديورت ويجي عند البنات اللي قبل شوي تهاوشت وياهن
وينهن يالخبل قال شفهن الدبه والثانية
قلت له يلعن أمم أمم أممم إلى آخر السطر وش ذا الشبه اللي حشرتني معهم
قال وشسوي خرمان :c040: قلت ذولي مهيب حقات خرمه ذولي المفروض مايطلعن بالليل ذولي خطر على المجتمع
المهم ركبن وريحة ا لصنان الله لا يشمشمكم
تدرون من طلعن وحده سويت ساره والثانيه جريدة القايلة
سويت الدبيه والثانيه العصلا جريدة القايلة الله يلعن أم الخياس ياشيخ سويت تقول مصصصصصصصخره قلت يابنت اللذين أنتي آخر وحده تتكلم عن المصخره وأحذف عليها منديل ثاني وأقول حلي
جريدة القايلة كانت يعني المهم أخذت بهن لفه قلت ياحليلك ياميرا ( اللبنانية شغالتنا اللي أنحاشت ) هذيك اللي والله تفك أزمه
إنزلن الله يرجكم رجت صميلن إنزلن
قالت سويت ساره وين أرووه يعني وين أروح قلت في قريح الله يقلعك أنتي وولد الربدي دوري لك عبد إخذيه
الوكاد إني كرشتهن كفو ياعاشق نجد ماعليكم زود
ويوم نزلت جريدة القايلة من السيارة وأسمع الصوت بصراحة ماودي أظلمها لكن الريحة ياجماعة شينة
المهم الله يسلمن ويسلمكم الشاهد من السوالف اللي فوق
* لا تغترون في كل إسم في المنتدى خصوصن إذا حسيت فيه شويت أنوثه أو جمال
* إكرش البنت تتبعك ووورها العين الحمرا تلحقك
* دع الذكاء وتمتع بالخرفنه وغير الهايلوكس لا تدورون ياهي نفعتن
يالله أنا بطلع وبصركم تحذفونه تسوون اللي تسوونه وراي بيع رطب والصرام قافين
دنياك غثا لا وظيفة ولا واسطة الله يعينك
عاشق نجد
العرض العادي
