خدمه شحن الجوال العام المفصول بكرت سواء (مبروك)

هذه الخدمة تسمى شحن الجوال العام " الفاتورة " بكرت شحن من سوا .

- يعني لو انفصل جوالك العام بسبب الحد الائتماني "استقبال " ، او انفصل بسبب عدم السداد " استقبال وارسال " او حتى لو ما انفصل ، تقدر تاخذ كرت شحن سوا " 10 ريال او 50 ريال او 100 ريال " وتكلم بجوالك العام .

- والطريقة سهلة تتصل على 1500 وتشحن جوالك مثل "سوا " واذا جيت تتصل على رقم لازم تضغط قبل الرقم نجمة ثم ثمانية ثم الرقم المطلوب مثلا :

8055XXXXXXX*

- وايضا حتى لو ماكان عندك "صفر دولي " عادي اشحن جوالك واتصل دولي مثلا :

80096655XXXXXXX*

وهذي تفيد الناس الي مايحبون يضيفون الصفر الدولي

- وميزة هالخدمة ايضا ان الارقام الي تتصل عليها ماتبين في الفاتورة نهائيا ولا يجيك تقرير بها .

- وايضا تقدر تشحن جوالك باي وقت حتى لو منفصل ارسال واستقبال ، اهم شي ما يكون الجوال ملغي نهائيا.

- وايضا حتى لو جوالك موب مفصول ومكالماتك وصلت 200 ريال مثلا وتبغى الفاتورة بس تصدر بهالمبلغ عادي اشحن جوالك بكرت "شحن سوا " وقبل اي رقم تتصل عليه اضغط على" 8* " حتى ينخصم من الشحن ولا ينحسب على الفاتورة .

- هالخدمة بتفك الناس الي ينفصل جوالهم في اوقات حرجه ويمكن تسدد ويقولون لك 902 بعد 24 ساعة يشتغل بسبب نظامهم "الدايخ " وانت مضطر تكلم فعادي اشحن وكلم .

- وايضا تقدر تحط جوالك حد ائتماني منخفض 300 ريال ، ولو انفصل تشحنها وتكلم .

- وايضا بعض الناس فواتيرهم مثلا توصل 1800 او 1000 وينفصل بسبب الحد الائتماني او بسبب الفاتورة قبل "العيد " باسبوع " وتلقى الشخص طفران فعادي يشحن ب100 او 200 ويكلم فيها .


-----------------------

انا تعليقي اتوقع ان هذي افضل خدمة تقدمها شركة الاتصالات السعودية ولاعمرها قدمت خدمة تماثلها خلال الخمس السنوات السابقة ،،


لأن اذكر مر فيني موقف الله لا يعيده طلعت "للمدينة جده " بخصوص العمل ، ومعي غرض لازم اسلمه للشخص وجوالي انفصل حد ائتماني ، ودقيت على هالشخص من "كل كباين جدة " ومارد علي ، لأنه مايرد على الارقام الي ما يعرفها ، وسددت جوالي وقتها عن طريق "الامريكي " وترجيت 902 من اصغر موظف الى اكبر موظف عشان يعيدونه ثانيه لكن رفضوا ،،،

واخرتها رد علي الشخص صاحب الغرض الساعة 2 بالليل وكنت متصل من فندق وجلس ساكت وعلى طول انا ماصدقت صرخت و قلت " انا فلان الفلاني جاي من الرياض لا تسكر الله يرحم امك وابوك " جتني الصيحة وقتها كأني محصل اهلي بعد ماضيعتهم


عموما الخدمة احتمال يطرحونها قبل العيد او بعده ،،،،

انا صنفتها افضل خدمة تقدمها الشركة من سنوات انتم وشرايكم

 

مشكور ياكحيلان على الموضوع والتوضيح وتقبل تحياتي

 

خدمه ممتازه ياليتها تعمم ,, لاهنت على الاخبار الحلوه

 

شرح وتوضيح وافي ياكحيلان تشكر عليه

 

كان هذا اقتراحاً رأيته عبر الصحف وسمعته خلال الإذاعة
منذ فترة طويلة ، وأخيراً طبقته شركة الإتصالات ........


بارك الله فيك اي كحيلان

 

نشكرك يا كحيلان على أخبارك الخفيفة
لكن هل فعلاً بدأ العمل فيها .
؟

 

خدمه ممتازه ,, لاهنت على الاخبار الطيبـــه