هذه كلمات أوبريت الجنادرية الأخير، و هي من كلمات الشاعر الشبا فهد المبدل، و لقد أعجبتني الكلمات كثيرا، شاركوني في الاستمتاع:
بســم بالله بــد البسمـــــــــلـــه
مبـــتدا كــل ســوره منزله
وسلـّـم الله علـى مـن أرســله
خــاتـم الأنـبيـا والمرسـلين
مـاتــرك للعــرب مـا تجهــله
بيـّن الشـرع والديـن اكمله
آيــتـه محكــمــه ومـفــصّـلــه
مـاتنـزل به الروح الأمـين
نجتهـد والمــصـالـح مرسلـــه
أمـــةٍ في الكتــاب مفضّــلـه
الـمــســاوم أبــد مـا نـقـبـلـــه
الله الــرب والاســلام ديـــن
كل عصـــر ترا لـه مــنزلـه
آخـــره يـســتــقـيـم بـأولـــه
أحســن القـول كـلـّه واكـمـلـه
نـحـمـد الـلي جعلنا مسـلمين
عزاها معزي ورجالــه
رجلي جمــــال وخياله
بطل الوحده قاد ابطاله
أهل السنه واهل السوره رايات العز المنصوره
لاالـــه إلا الـــلـــه رايـــــه
وحدتـــنا والديـن الغـــــايه
وصـلـوا بالـعـدل وبـالآيـــه
وصلت رايات اخو نوره ماوصلت للحكم بثوره
ملـــه سمحا وامّـه وســـطا
سنه وضحى أرض معـــطا
من سمّاه معزي ما اخـــطا
قام الملك البطل بدوره وجهود رجاله مشكوره
من سما نجد برق العــز لاح
حي برق من العارض يـــلوح
في قدومه هتف نور الصباح
طابت الروح يا طب الجروح
فوق حد الاسنه والرمـــــاح
موكب النور والشيخ الطموح
ماتلـيـّن وهوّد واســــــتراح
لين تم المغازي والفــــــتوح
الولا عز والوحـــده فــلاح
والوطن جسم والامـــام روح
توّج الشيخ تاريخ الكفـــاح
من وقف دون حكم ما يروح
يحـمـد القـــوم السـرا بان فــجــر مــاكــذب
كـــبـّرالشيـــخ وقــرا بيـن زمزم والمـحــب
في رحاب ام القـرى شاهد الأمن اســتــتب
الـوطـن عــــز وذرا وشيـخنا راس الــعـرب
لـون الـغـيـم الــثــرا صارت الصحرا ذهب
ياوطـنـّا وش تـــــرا بـيـنـنـا ديـن ونــســب
الولا مـنـك انـــقــرا و الـغلا فـيـك انكـتـب
عـلـم الـلــي مادرى عـندنا تـثـنى الـركـب
الاصـايـل لـهـا سـاس وأصــل مملكتنا الســـعـوديه أصلـهـا
من سعـى فى سبيل الله وصل من رقا وعرها روّض سهلها
ماتـمـناه ابـو تركـي حصـل تل شبه الجزيــره من جهـلها
غــاب عـبدالعزيز ولم يــزل فى حشا المملكه وقـلوب اهلها
العـهـد مـن بـطـل الى بطــل والـولا بـيــعــة ربــي كـفلها
شالها سـعـود وسـعـود الأمـل واصل الدرب وجهـوده بـذلها
وفيصل الحق زيـزوم الدول لـم بـالـمـلـة الـسـمحـا دولهـا
وخالد الخـيرله قـدر ومحـل قايـد الناس فى صالح عملها
وابوفيصل فهد قـول وفـعـل اعـتـلى قمة المـجـد ونزلـها
يـوم لـبّـى فهد داعي الأجـل راية العز ابو متعـب حملها
يـافـهـد ذكراك حـيــّه و الـوفـا بـاقـي و واعـد
تكرم الـروح الـزكـيّـه لوتغــــيب ولـوتـبـاعــد
ابـشـر بـصحبة نـبـيـّه وبـشـر معـزي المجاهد
قـل لـه الـدار محـميّـه وشعـب عـبـدالله مـعاهد
وبلـّغ سـعـود التحــيه ومثـلها لفيـصل و خـالـد
الـسيـوف الـفيصلـيّـه خيرهـا بـارق و راعــد
يـامـلــكـنـا مـبـايـعـيـنك سامعـيـنك طايـعـيـنك
فى رضا الله ثم رضـاك كــلـنا سمعـك وعيـنـك
شعبـك وسلمـك وحربك سـيفك وقبـضـة يـميـنك
نسأل اللي عان ابوتركي يابـو متـعـب يـعـيـنـك
عـلـومـنـا طـابـت وبــارقــنــا هــمـا
أرضـنـا ســـالـت ونـسـّـتـنـا الـظــمــا
أصلـنـا ثـــابـــت وفرعه في الـسـما
لـلسمـا يـا الـسـعـودي لـلسـمـا
لـلـوطـن عـز يـاجــنـدي الـحـما
فــزعــتـك مـالـهـا حــد وغــمـا
يـاعــزيــز الـــولا والانـــتــمـا
يشهد حاضرنا والأمس لاجينا سدّينـــا الشمــس
أهل الشـــيمه قدروقيمه نملى الدنيا عزة نـــفس
أهل النخوه وأهل الفزعه والطيّب ما يترك طبعه
ومـملـكتــنـا الا نـسـا نـيـّه الطـيـبـه فـيها مجـتـمعه
حــنــا خــدام الـبـيـتــيـن أهـل الـنخـله والـسيـفـين
أهـل الـدنيا وأهـل الـدين مـن فضـل الله سعوديـين
من فضل الله انا سعودي
هذي الأرض الحرّه حدودي
أرض أجدادي نبض فؤادي
شمس الدنيا مسرى الهادي
هذا الوطن الغالي بلادي
مصدر عزّي سر وجودي
هذي الأرض الحرّه حدودي
يـا بـلادي مـن عــلــو الى عـلــو
مـا يـزعـزع ثابـت اركـانـك عدو
مـا يـد نـّـس طهـرك بـلادي غـلـو
حي وجه الخير .. حي الله جديده
حب من الله لــعــبدالله يـــــزيـــــد
ياملكنا فيك ما تكفي .. قصــــيده
وماتغني الروح حي الله قصـــــيد
قال ابو متعب لنا الجمله المفيده
قال مايغني وبيّن مايــــــــــــــفيد
الوطن في قلوبنا دين وعقـــــيده
من وقف دون السعوديّه شهيــــــد
والعمل يدني مرامينا البعــــــيده
والصبر يـنـبي عن الباس الشــــديد
ياوطنا لك علينا ماتــــــــــــريده
لك علينا ياوطنا ماتريـــــــــــــــد
حنا هل الطوله .. تواتر علـــــــمنا
ماهمنا من ذمّـنـا ماهـمـــــــــــــنــا
ماضاقت صدور العتب من حلمـنـا
صـدر الـسـعـوديـه بحب.. ضــــمّنا
حنا و هــــــــــــــي ياللي تبينا دلـنـا
في عيـــــــــون عبدالله ترانا كـلـنـا
الله عـلـيـهـا دارنـا مـا مـــثـلهـــــــــا
حـنـا لـهـا حـنـا ملـكـهـا واهــــــــلها
حنا و هي .. يا لـلـي تـبـيـنــا دلـــّــنا
في عـيــون عـبـدالله تـرا نـا كـــلـنـا
فـي سـمـانــا نـزل القـرآ ن
و رف طـيـر الـعـز جنحانـه
في وطــنـا قبـلـة الاوطـان
مـااجـتـمـعـنـا الا عـلــشـانـه
طالبينك ياعظيم الشــــــان
عـــــز دار الشـيـخ واخـوانـه
عز ابومتعب عما العدوان
سـيـف قـصر الحـكم واركانه
الـمـلـك عـبـدالله كحيـــلان
دوننا ما صــــــك بيبانــــــــه
طاعته من طاعة الرحمان
وقــوتــــــه مـن قوة ايـــــمانه
ابوخالد بارق الاحســـــان
راعــد يــتـلاه هــتــانــــــــــه
كـلـنـا عـبـدالله وسلطــــان
والـــثــنـــا لله سبـحـــــــانـــه
يا بومتعب مـسندي راعي الشجاعه
كـلـنا لـك يـا بعـدي أهل وجماعـــه
يا بلادي عــــّيــدي في كل ساعـــه
تـحت رايـة سـيـدي سمع وطاعــــه
و نسخت هذه الكلمات من منتديات المرقاب الأدبية
و لكم تحياتي
العرض العادي
