أسوار المدينه

ياحروفي لي متى وانتي سجينـه=وش بلاك اليوم تعجزك القوافـي
في بحر فكري غرق نور السفينه=وضاعت حدود النهايه والمرافي
كم صديق ٍ ياحروفي تذكرينـه=بـدل عهـود المـوده بالتجافـي
وكـم وداد ٍ للأحبـه تحفظينـه=من فراق البين ماهـو بمتعافـي
ليت كل اللي مضى تسترجعينـه=ضحكة أقداري ولحظات التصافي
الجفا والبعـد وأسـوار المدينـه=وموت طفل ٍ بين يدين ابوه غافي
والضجيج اللي شكى طعم السكينه=وكل معنى للموده صـار طافـي
كل هـذا ياحروفـي تبخصينـه=وش بقى من قصتي بالله خافـي

الشيهانه

 

صح لسان الشيهانه

ونقل مميز ابو خالد

تحياتي

 

صح لسانك يابوخالد , وصح لسان الشيهانه , ولاهنت

 

أخوي فهد
تشرفنا بمرورك الجميل
يعطيك العافية

 

صح لسانــك والســـان الشاعر ه الشيهـــانه

وبيض الله وجهــك على المشاركــه الطيبــــه

 

صح بدنك
أخوي حد الرهيف
يعطيك العافية على المرور

 

العروان
تحياتي لك ولمرورك الكريم
لا هنت يالغالي

 

الله كلمات راقية صح لسانك يالشيهانه
وبيض الله وجهك يابوخالد على النقل الموفق

 

”

المشاركة الأصلية كتبت بواسطة محمد القباني ياحروفي لي متى وانتي سجينـه=وش بلاك اليوم تعجزك القوافـي في بحر فكري غرق نور السفينه=وضاعت حدود النهايه والمرافي كم صديق ٍ ياحروفي تذكرينـه=بـدل عهـود المـوده بالتجافـي وكـم وداد ٍ للأحبـه تحفظينـه=من فراق البين ماهـو بمتعافـي ليت كل اللي مضى تسترجعينـه=ضحكة أقداري ولحظات التصافي الجفا والبعـد وأسـوار المدينـه=وموت طفل ٍ بين يدين ابوه غافي والضجيج اللي شكى طعم السكينه=وكل معنى للموده صـار طافـي كل هـذا ياحروفـي تبخصينـه=وش بقى من قصتي بالله خافـي الشيهانه

لاهنت اخوي محمد وصح لسان الشيهانه
بس عندي ملاحظه ربما تكون خاطئة
البيت السادس ربما فيه إختلال في الوزن عند كلمة (طفل بين يدين)
وأنت أبخص مني

وتقبل تحياتي

 

هلا بك ياعديل الروح
تشرفنا بمرورك يعطيك العافية
وملاحظتك لم يجانبها الصواب
تحياتي لك والتقدير