وقت الرخاء واجد ٍ ربعي وخلاني

حي الله الـلي يغـيـب ويـسـرع الــردّه=الـلـي يجيـنـي إلا مـنــه تبـاطـانـي
قـلـبي يـــوده وحـالـي كـنـهــا الــقــدّه=ودّي بشوفه ودونـه حـوم عقبانـي
ياصاحبـي جـارك الله ويــش هالـصـدّه=مـاهـوب حــق ٍ تولعـنـي وتنـسـانـي
إن كان عنـدك حكى بـي خامـل السـده=فأنت المصدق وأنا حقي وما جاني
إهـرج علـى مـا تــورّى والبـخـت بــده=لا تستـحـي يابـعـد حـيـّي وحيـانـي
تــرى طــراة الـهـوى لاطـالــت الـمــده=ماهوب يـوم صديـق ويـوم قومانـي
وإن كان ما أنتب مصافيني على الشده=وقـت الرخـاء واجـد ٍ ربعـي وخلانـي

الشاعر سليمان بن شريم

 

الله المستعان ياسليمان بن شريم الله يغفرله ويسكنه الجنه
وهذه نبذه عن الشاعر سليمان بن شريم الذي ولد في بلدة (عين ابن قنور) في (السر) بالقصيم عام 1305هـ
أختلف الرواة في نسبه فهناك من قال أنه من بني زيد وهناك من قال أنه من حاضرة قبيلة سبيع أهل القصيم وكان يلقب بـ( متنبي القرن العشرين )
وكان من أشهر شعراء المحاورة وكان يلقب في المحاورات بـ( ذئب الشعراء )
استقر في القصيم بعد عودته من الكويت وتوفي في بريدة عام 1363هـ وقد بلغ من العمر حينها ثمان وخمسون عاما

 

رحم الله بن شريم شاعر مشهور وماعليه كلام ,,, صح لسانك بوخالد

 

صح لسانك ورحم الله بن شريم

 

”

المشاركة الأصلية كتبت بواسطة ولد بداح الله المستعان ياسليمان بن شريم الله يغفرله ويسكنه الجنه وهذه نبذه عن الشاعر سليمان بن شريم الذي ولد في بلدة (عين ابن قنور) في (السر) بالقصيم عام 1305هـ أختلف الرواة في نسبه فهناك من قال أنه من بني زيد وهناك من قال أنه من حاضرة قبيلة سبيع أهل القصيم وكان يلقب بـ( متنبي القرن العشرين ) وكان من أشهر شعراء المحاورة وكان يلقب في المحاورات بـ( ذئب الشعراء ) استقر في القصيم بعد عودته من الكويت وتوفي في بريدة عام 1363هـ وقد بلغ من العمر حينها ثمان وخمسون عاما

لاهنت ولد بداح
على الإضافة الجميلة
والمداخلة الأجمل
بارك الله فيك
دمت برعاية رب العزة والجلال

 

الغالي حد الرهيف
صح بدنك ومشكور على المرور

 

شكراً العروان على تواصلك ومرورك الكريم ورحم الله أموات المسلمين

 

وإن كان ما أنتب مصافيني على الشده
وقت الرخاء واجد ٍ ربعي وخلانـي

الله يرحمك يابن شريم

 

”	المشاركة الأصلية كتبت بواسطة المها وإن كان ما أنتب مصافيني على الشده وقت الرخاء واجد ٍ ربعي وخلانـي الله يرحمك يابن شريم

مشكورة أختي
المها
على المرور
والله يرحم أموات المسلمين جميعاً
تقبلي تحياتي