الشاعر صالح بن عبدالرحمن بن السوداء القباني وقصيدة مجارة للشاعر فواز بن محيلب السبيعي

الشاعر صالح بن عبدالرحمن بن السوداء القباني
وقصيدة مجاراة لقصيدة الشاعر فواز بن فراج بن محيلب السبيعي
والذي جارى بها الشاعر صابر بن رشيد القباني


يشوقني قاف ٍ من الربع الأدنين
من الحصان اللي عليه معنانا
لعل مايبكن عليه النساوين
آمين ياللي تلتفت في دعانا
شوق الذي يزهاه ورد ورياحين
ياشوق من هو يبتسم بالثمانا
عنه الردى أبعد من طميه عن العين
وأبعد من الشوكي لساحل عمانا
فواز بن فراج نسل المسمين
أهل المواقف من قديم الزمانا
يفرح بهم من شاف خيل المعادين
من قبل وقت الحكم قبل الخوانا
لاد العزيزي من قديم ٍ وذا الحين
مافيهم اللي مقعده بالطمانا
وأنا أفتخر بالقرم زبن المخلين
وحنا خواله محزمه لانصانا
ياما حدينا من بغانا على الشين
والضبعة العرجاء تعشى ورانا
عاداتنا في المعترك نقضي الدين
واللي يبينا نلطمه لابغانا
مع الرفيق أحلى من الخوخ والتين
ويروح منا مهتني ماشنانا
وكل القبايل بالفعايل وفيين
الطيب يظهر والفعايل تبانا

 

صح لسانك يالقرم

 

صح لسانك على القصيدة والمجاراة وبيض الله وجهك ووجه الشاعر فواز ولايهون صابر

 

صحت ألسنتكم قبابنة وسبعان

 

صح لسانك على هالقصيدة الجزلة

 

انعم واكرم بابن السوداء وابن محيلب
صح لسانك وعلا شانك

 

أهل المواقف من قديم الزمانا
يفرح بهم من شاف خيل المعادين
من قبل وقت الحكم قبل الخوانا
لاد العزيزي من قديم ٍ وذا الحين
مافيهم اللي مقعده بالطمانا
وأنا أفتخر بالقرم زبن المخلين
وحنا خواله محزمه لانصانا


كفو يالذيب وصح لسانك

 

صح لسانك صالح قصيدة رائعة وجميلة

 

صح لسانك ابن السوداء ولاعدمتك فواز