ناصر الفراعنة فـالأبل

السلام عليكم ورحمة الله وبركاتة

اليوم جايب لكم قصيدة رائعة للشاعر ناصر الفراعنة السبيعي في وصف الأبل وقصيدة تعجز الكلمات عن وصفها

واتمنى تعجبكم

هذي قصيده الشاعر ناصر الفراعنه في وصف الابل

يوم كل لابن عمّه عصب راسه وشاش=شش ياراسي لارحم رحم ابو مجناك شش
يوم جينا للمزاين وغاض الماء وطاش=بانو اهل البل وبان الاصيل مـن الغشـش
يوم جاكر ذودنا ذود الاجناب استغاش=ذودنا يفرق بفرق البصيـر مـن العمـش
طقّ للذيدان باصبع وهيض الجاش جاش=جعل ابو من يجحد الحق يشرى له نعش
اربع الذيدان سيقت على ريع مشاش=كـنّ خّّـدّه زبرقـان الحريراليـا انبـرش
بين صفرا واشعلا كنّها طش الغراش=بين ملحا وبين وضحا تقل وجـه امغبـش
ولّّ قلب دقّته كنّهـا طلقـة كـلاش=يـوم صيّّح"عامري""لعمـري" والديـم رش
كن تنظّام الجماهير وغترها تباش=طقم لولـو فـي ثغـر حلـوة المبسـم بهـش
زبدة الاربع ثلاث رقشناهـن رقـاش=يافهـد والرابعـه جالنـا فيهـا امخمـش
ولو لفونا من هل الوادي الاقصى هتاش=وادي سبيع المقدس لفانـا مـن هتـش
كان اخذنا الاربعه حاضر بحاضر وكاش=ورثنا هي ورثنا دونهـا لطـم الخشـش
يا بن علوش البل البل ربوعي يا بلاش=هم هل البل دونها ورّدوا خضـر النمـش
يافهد حنا هل البل مدلهـة البـواش=دونهـا مـا ينتفـخ راس شيـخ الا ويفـش
دونها كم روس قوم على الرقه تطاش=دونها سوق الرصاص الحمـر جينـاه دش
دونها كل اشقر بالشبيلـي مـا يحـاش=للنحـر رمـح مدبّـب وللعلبـا مقـش
دونها حشنا السلاطين بالبيض الحواشّ=ولا انفهقنا لين عـوّّد غضنفرهـم ii(...)
دونها ملعون ابو من يبيها له معاش=غصب ولا بالرضا تفدي( دغيش) و(دغش )
دونها شهب المعارك دفشناها دفاش=مثل يوم (عريق )و(طويق) و(دوارة نعـش)
وغير وقعة (حنو) وقعة (غراميل الفراش)=وهية في (جو ساقان) بارقهـا رهـش
يا فهد يا ما حلا تدريجهن يوم للسيل ادّحاش=في مداحي عثعث حطه الوسمي منشّ
في رغد قاع زماليق جيّّانه تجـاش=اشهريـن وادهـم الغيـث فوقـه يمتحـش
يلعب الزملوق في خايعه لعب الفراش=وام سالم تطلب وابـو سالم يبرهـش
غادي كنه زواليف سجاد تهاش=من عقـب ماهـو مثـل خـدّة الوجه الخرش
كن صوّّاك الغضا فيه بوّابة قراش=كـن زهـر ورده طرابيش ترك تدّهـش
كن زبيديّه ليا صلّعت روسه وكاش=روس حجّاج عقـب حلّقـوا سـود القشـش
اول الاربع جهامة مجاهيم تنـاش=كنهن سهّـاب نـوّ علـى القمـرا غطـش
لا نثعن كنهن سبيب ادهم غاد طشاش=وان تتالن كنهن مـن طوابيـر الحبـش
من زبار (الخاطبيه) ليا (حزم الرقاش)=في عروق سبيع نزو المجاهيم ايهقـش
مثل ممشى الحافيه خايفه وطي الخشاش=لا امهلن وان عجّّلن يلعبـنّ الطرقعـش
قطف ما في اوبارهن لأمّّ ريحانه عراش=والمذيّّل مثل ريـش النعـام المنفـرش
كنهن روس تحاذف غترها في هواش=لا نحوهن عن هواهن وضاميهـن جهـش
كن بين عيونهن ضوح نار في قشاش=وكن وبرهن يمرخونه بماء عيـن الوحـش
كن فحلهن بينهن يوم جاء يدقش دقاش=وهنّ من حوله صفوف تجش القـاع جـش
حاكم يهتف له الشعب كله عاش عاش=كبّروا راسـه ولا عـاد يحتّشـه محـش
ول يا ملحا تحت ظل السبيعي ماتناش=كنّهـا لاشفتهـا يافهـد ترعـى المشـش
بنت شيخ لبسوها اسود الخامه قماش=في حداد وعمرها ما تعـدى اربـع طعـش
وثاني الاربع شرارة مغاتير بشاش=كـن وبرهنّـه بـرشّّ مـن الفضّـه يـرش
كن مرافضهن صياني سلاطين غباش=كـن قريـش اثفانهـن سنديـان منقـرش
وصف قبّة مسجد سقّفت بالبيلكاش=وصف مردودم سنـام علـى العطّّـف وقـش
كن حسّ ارغيّهن قرقشة طفل بقاش=او تضحّّك خفـرة غازلـت راعـي بكـش
كن بلهان الفحل بينهن يوم استهاش=ثم هدر واضحـن خشيـع خضيـع ماتهـش
ضابط افراد لقى وقفة الطابور ماش=فار دمّه ثم عطى الامر "ثابت يـا حـوش"
ول يا وضحا كنّها قطنة تربط بشاش=فوق اصيبع جاهـل طـشّ دمّـه ثـمّ نـش
كنّها تحت الذرى من عقب طق الرشاش=جادل دوبه خذالـه يابـن علـوش دش
كنّها لا فرّّعت مع ظهر حزم نكـاش=خفـرة ضاقـت وذبّـت عبايتهـا طفـش
لا اختفى بدر الظلام اكشحت مثل الفلاش=وان تبدى زادت النور نـور وارتهـش
وثالث الاربع من الصفر حلوات الرهاش=كن سمار ازوالهنّّه قصور فـي جـرش
تقل ساعة يفترشن ابيض الارض افتراش=روس اصابع حرّّة بأخضر الحنّا تمـشّ
كنّ حسك ظهورهنّه ذواليق العشاش=بينها القمري بنى لـه ميـة عـشّ وعـش
كن علابيهن ورزّّات الآذاني هواشّ=قبّّعة جندي خفـر صوّّتـوا لـه وانخـرش
ووصف قاعة برلمان تلاقوا للنقاش=وصف دمث اردوفهن لا تبدّن عقـب طـشّ
كن لعوب اذيالهن لاغدى يرعش رعاش=قرن مملوح بليلة زفاف اختـه رعـش
كنّهن نسوة شريف تلاقن بالمقاشّ=يوم غارن مـن بعضهـن تلاقطـن الشـوش
ورابع الاربع من الشعل حلوات المهاشّ=في الدحى كنهن شيوخ مذهّبـة الجمـش
كنّ وصف الشعل فوق ابيض الخد الحراش=عقد سلسال على صدر ابورمش عكش
كن غواربهن محاريب رهبان نواشّ=جرّة الميسـم عليهـن تقـل جـرّة حنـش
كنّهن ضوح الشفق يوم بارقهن تواشّ=او كسر ياقوت حـدري مصابيـح تـوشّ
وكن حدرهن يخت ملياردير فوق طاش=وكن اذانيهـن مزاميـر عبّـاد الدبـش
كنّهن حدر المطر خرّد بالماء تـراشّ=والحويّـر تقـل و ر ع يـدوّر لـه مخـش
كنّهن برشوم وجّّ المذهّّب في القراش=تغري الضد المناحـر والـى هّـدّ ابتلـش
يا فهد هذي وصوف البل جاشت بجاش=شاعر له فوق عـرش الشعـاره مدّّقـش
يافهد جاني على سبكة المعنى خراش=كنّ بين اضلع حشاي الـف جنّّـيّ غـوش
افرق (النقطه) عن (الفاصله) بثنين (داش)=لا أبو حشّ الردي لا أبو واليـه حـش
لا أبو عين عن الشوف لاحقها عماش=لا أبوها اذن عن السمـع لاحقهـا طـرش
ذا وتالي القول مثل اوّّله واللاش لاش=شش ياراسي لا رحم رحم ابو مجناك شش

 

”

المشاركة الأصلية كتبت بواسطة بن الغلبا السلام عليكم ورحمة الله وبركاتة اليوم جايب لكم قصيدة رائعة للشاعر ناصر الفراعنة السبيعي في وصف الأبل وقصيدة تعجز الكلمات عن وصفها واتمنى تعجبكم هذي قصيده الشاعر ناصر الفراعنه في وصف الابل يوم كل لابن عمّه عصب راسه وشاش=شش ياراسي لارحم رحم ابو مجناك شش يوم جينا للمزاين وغاض الماء وطاش=بانو اهل البل وبان الاصيل مـن الغشـش يوم جاكر ذودنا ذود الاجناب استغاش=ذودنا يفرق بفرق البصيـر مـن العمـش طقّ للذيدان باصبع وهيض الجاش جاش=جعل ابو من يجحد الحق يشرى له نعش اربع الذيدان سيقت على ريع مشاش=كـنّ خّّـدّه زبرقـان الحريراليـا انبـرش بين صفرا واشعلا كنّها طش الغراش=بين ملحا وبين وضحا تقل وجـه امغبـش ولّّ قلب دقّته كنّهـا طلقـة كـلاش=يـوم صيّّح"عامري""لعمـري" والديـم رش كن تنظّام الجماهير وغترها تباش=طقم لولـو فـي ثغـر حلـوة المبسـم بهـش زبدة الاربع ثلاث رقشناهـن رقـاش=يافهـد والرابعـه جالنـا فيهـا امخمـش ولو لفونا من هل الوادي الاقصى هتاش=وادي سبيع المقدس لفانـا مـن هتـش كان اخذنا الاربعه حاضر بحاضر وكاش=ورثنا هي ورثنا دونهـا لطـم الخشـش يا بن علوش البل البل ربوعي يا بلاش=هم هل البل دونها ورّدوا خضـر النمـش يافهد حنا هل البل مدلهـة البـواش=دونهـا مـا ينتفـخ راس شيـخ الا ويفـش دونها كم روس قوم على الرقه تطاش=دونها سوق الرصاص الحمـر جينـاه دش دونها كل اشقر بالشبيلـي مـا يحـاش=للنحـر رمـح مدبّـب وللعلبـا مقـش دونها حشنا السلاطين بالبيض الحواشّ=ولا انفهقنا لين عـوّّد غضنفرهـم ii(...) دونها ملعون ابو من يبيها له معاش=غصب ولا بالرضا تفدي( دغيش) و(دغش ) دونها شهب المعارك دفشناها دفاش=مثل يوم (عريق )و(طويق) و(دوارة نعـش) وغير وقعة (حنو) وقعة (غراميل الفراش)=وهية في (جو ساقان) بارقهـا رهـش يا فهد يا ما حلا تدريجهن يوم للسيل ادّحاش=في مداحي عثعث حطه الوسمي منشّ في رغد قاع زماليق جيّّانه تجـاش=اشهريـن وادهـم الغيـث فوقـه يمتحـش يلعب الزملوق في خايعه لعب الفراش=وام سالم تطلب وابـو سالم يبرهـش غادي كنه زواليف سجاد تهاش=من عقـب ماهـو مثـل خـدّة الوجه الخرش كن صوّّاك الغضا فيه بوّابة قراش=كـن زهـر ورده طرابيش ترك تدّهـش كن زبيديّه ليا صلّعت روسه وكاش=روس حجّاج عقـب حلّقـوا سـود القشـش اول الاربع جهامة مجاهيم تنـاش=كنهن سهّـاب نـوّ علـى القمـرا غطـش لا نثعن كنهن سبيب ادهم غاد طشاش=وان تتالن كنهن مـن طوابيـر الحبـش من زبار (الخاطبيه) ليا (حزم الرقاش)=في عروق سبيع نزو المجاهيم ايهقـش مثل ممشى الحافيه خايفه وطي الخشاش=لا امهلن وان عجّّلن يلعبـنّ الطرقعـش قطف ما في اوبارهن لأمّّ ريحانه عراش=والمذيّّل مثل ريـش النعـام المنفـرش كنهن روس تحاذف غترها في هواش=لا نحوهن عن هواهن وضاميهـن جهـش كن بين عيونهن ضوح نار في قشاش=وكن وبرهن يمرخونه بماء عيـن الوحـش كن فحلهن بينهن يوم جاء يدقش دقاش=وهنّ من حوله صفوف تجش القـاع جـش حاكم يهتف له الشعب كله عاش عاش=كبّروا راسـه ولا عـاد يحتّشـه محـش ول يا ملحا تحت ظل السبيعي ماتناش=كنّهـا لاشفتهـا يافهـد ترعـى المشـش بنت شيخ لبسوها اسود الخامه قماش=في حداد وعمرها ما تعـدى اربـع طعـش وثاني الاربع شرارة مغاتير بشاش=كـن وبرهنّـه بـرشّّ مـن الفضّـه يـرش كن مرافضهن صياني سلاطين غباش=كـن قريـش اثفانهـن سنديـان منقـرش وصف قبّة مسجد سقّفت بالبيلكاش=وصف مردودم سنـام علـى العطّّـف وقـش كن حسّ ارغيّهن قرقشة طفل بقاش=او تضحّّك خفـرة غازلـت راعـي بكـش كن بلهان الفحل بينهن يوم استهاش=ثم هدر واضحـن خشيـع خضيـع ماتهـش ضابط افراد لقى وقفة الطابور ماش=فار دمّه ثم عطى الامر "ثابت يـا حـوش" ول يا وضحا كنّها قطنة تربط بشاش=فوق اصيبع جاهـل طـشّ دمّـه ثـمّ نـش كنّها تحت الذرى من عقب طق الرشاش=جادل دوبه خذالـه يابـن علـوش دش كنّها لا فرّّعت مع ظهر حزم نكـاش=خفـرة ضاقـت وذبّـت عبايتهـا طفـش لا اختفى بدر الظلام اكشحت مثل الفلاش=وان تبدى زادت النور نـور وارتهـش وثالث الاربع من الصفر حلوات الرهاش=كن سمار ازوالهنّّه قصور فـي جـرش تقل ساعة يفترشن ابيض الارض افتراش=روس اصابع حرّّة بأخضر الحنّا تمـشّ كنّ حسك ظهورهنّه ذواليق العشاش=بينها القمري بنى لـه ميـة عـشّ وعـش كن علابيهن ورزّّات الآذاني هواشّ=قبّّعة جندي خفـر صوّّتـوا لـه وانخـرش ووصف قاعة برلمان تلاقوا للنقاش=وصف دمث اردوفهن لا تبدّن عقـب طـشّ كن لعوب اذيالهن لاغدى يرعش رعاش=قرن مملوح بليلة زفاف اختـه رعـش كنّهن نسوة شريف تلاقن بالمقاشّ=يوم غارن مـن بعضهـن تلاقطـن الشـوش ورابع الاربع من الشعل حلوات المهاشّ=في الدحى كنهن شيوخ مذهّبـة الجمـش كنّ وصف الشعل فوق ابيض الخد الحراش=عقد سلسال على صدر ابورمش عكش كن غواربهن محاريب رهبان نواشّ=جرّة الميسـم عليهـن تقـل جـرّة حنـش كنّهن ضوح الشفق يوم بارقهن تواشّ=او كسر ياقوت حـدري مصابيـح تـوشّ وكن حدرهن يخت ملياردير فوق طاش=وكن اذانيهـن مزاميـر عبّـاد الدبـش كنّهن حدر المطر خرّد بالماء تـراشّ=والحويّـر تقـل و ر ع يـدوّر لـه مخـش كنّهن برشوم وجّّ المذهّّب في القراش=تغري الضد المناحـر والـى هّـدّ ابتلـش يا فهد هذي وصوف البل جاشت بجاش=شاعر له فوق عـرش الشعـاره مدّّقـش يافهد جاني على سبكة المعنى خراش=كنّ بين اضلع حشاي الـف جنّّـيّ غـوش افرق (النقطه) عن (الفاصله) بثنين (داش)=لا أبو حشّ الردي لا أبو واليـه حـش لا أبو عين عن الشوف لاحقها عماش=لا أبوها اذن عن السمـع لاحقهـا طـرش ذا وتالي القول مثل اوّّله واللاش لاش=شش ياراسي لا رحم رحم ابو مجناك شش

صح لسان الشاعر ناصر الفراعنة أنشهد إنه يبيّض الوجه قصيدة في غاية الروعة
قمة في الوصف والإبداع ومثل ماقال (شاعر له فوق عـرش الشعـاره مدّّقـش)
أخوي الغالي ابن الغلبا لاهنت على النقل وطيب المشاركة وشرف لي أن أكون أول المتصفحين لهذه الملحمة
وإسمحلي على التنسيق
تقبل مودتي وتقديري

 

صح لسان ابو فارس على القصيدة
وتسلم يمينك يابن الغلبا على النقل..

 

محمد القباني انا كلي لك طال عمرك سو الي تبي

والله لايهينك على التنسيق دايم عندي مشاكل فالتنسيق الشكوى لله

 

يالبى القبابنة الله يسلمك ويطول عمرك
لاهنت على المرور

 

صح لسان ابومحمد أنشهد إنه يبيّض الوجه قصيدة في غاية الروعة
ماقصرت ياسعد نقل موفق تحياتي لشخصك الكريم