فرحان يرد على رشيد بن مساعد

قصيده الاستاذ-- عبدالرحمن بن علي الكلثم--على لسان-فرحان بن محمد

ال فرحان ردعلى القصيده الموجهه اليه من الشاعر-رشيد بن مساعد

القباني 22\1\1424هـ

يامرحبا باللي لفا لآل فرحان=اهل الكرم والجود والصيت والكاد
ويامرحبا واعداد ذرّاف الامزان=وعد النجوم وعد ماحن رعاد
وعد الطيور وعد ماجر بالحان=باللي لفا مرسول خطه وبه جاد
مثايل من در لولو ومرجان=يطرب لها من كان به هم واجهاد
من شاعر للمرجله صار عنوان=يرقا على رووس النوايف والاشهاد
صاغ المثايل لابن فرحان عرفان=ماهوب للمعروف ناكر وجحاد
من لابة في الهوش ماهمب ذلان=يردون حوض الموت ميراد وراد
لاجا نهار فيه رابح وخسران=افعالهم اتشيب من كان بمهاد
زبن الدخيل اللي من الضيم مشتان=تجلون همه لوتعظم به وكاد
يابو مساعد ياشفا كل حيران=ياشوق خشف يرتعي بكل ميغاد
لاني بخدمتكم عجيز ومنان=ولو كنت عاجز برغم النفس وانقاد
قرم يمينك في القسا تذبح الضان=جودك تعدى فوق ذربين الاجواد
حزت الكرم من ورث قوم وجدان=تذبح سمين الحيل من غير ترداد
ياكم طلي يعتزي منك يافلان=تقبل عليه ويرتجف منك برعاد
ومن لايقول الحق ناكر وخوان=والزور ماني في دواعيه شهاد
ماعدك الا من مضامين الاخوان=والكم غلى في داخل القلب يزداد
نرخصلكم لارواح من دون نقصان=ومن لا فزع في الضيق ناكر وقواد
الطيب لاهل الطيب ياخوك ينصان=مثلك بفعل الطيب يارشيد معتاد
وكان النخل يارشيد مشحنكم اشحان=خله وخل العين تلتذ برقاد
هذا كلام صغته بقول فرحان=عنّز علي وصرت له ضلع وسناد
وصلوا على اللي بين الحق تبيان=على النبي وعد مافاق لاعداد

مع أجمل تحية من

عديل الروح

 

صح لسان بن كلثم ولسان فرحان , قصيده يستاهلها بومساعد , لاهنت ياعديل الروح وبومساعد شاعر جزل وقصيدته اللى قالها فى الاستاذ فرحان وافيه وجزله ورد فرحان عليه بلسان بن كلثم وفاء منه , لاهان الجميع .

 

صح لسان بن كلثم ولسان فرحان ولســـانك ويستـــاهل ابـــــو مســــاعد

 

والله ونعم والف نعم بال فرحان

ويستاهل ابو مساعد على هالمدح

قرم يمينك في القسا تذبح الضـان****جودك تعدى فوق ذربيـن الاجـواد
حزت الكرم من ورث قوم وجـدان****تذبح سمين الحيل من غير تـرداد
ياكم طلي يعتـزي منـك يافـلان***تقبل عليه ويرتجف منـك برعـاد

 

ومن لايقول الحق ناكـر وخـوان=والزور ماني في دواعيـه شهـاد
ماعدك الا من مضاميـن الاخـوان=والكم غلى في داخل القلب يـزداد
نرخصلكم لارواح من دون نقصان=ومن لا فزع في الضيق ناكر وقواد
الطيب لاهل الطيب ياخوك ينصـان=مثلك بفعل الطيب يارشيـد معتـاد

صح لسان الشاعر عبدالرحمن الكلثم
وبيض الله وجه فرحان
ويستاهل ابومساعد كل خير وتقدير
ولا هنت عديل الروح على النقل الطيب

دمت برعاية رب العزة والجلال

 

ألف شكر

 

يابو مساعد ياشفـا كـل حيـران=ياشوق خشف يرتعي بكـل ميغـاد
لانـي بخدمتكـم عجيـز ومنـان=ولو كنت عاجز برغم النفس وانقاد
قرم يمينك في القسا تذبح الضـان=جودك تعدى فوق ذربين الاجـواد
حزت الكرم من ورث قوم وجـدان=تذبح سمين الحيل من غير تـرداد

يستاهل الطيب من هذي عوايده لاهان الشاعر ولاهان الممدوح

 

صح السان ابن كلثم وعوايد ابو محمد وافي ويستاهل ابو مساعد ذا المدح وزوود

 

صح لسان الشاعر ويستاهل ابومساعد ولايهون فرحان