قصيدة الشاعر سعد بن تويم السهلي والتي ألقاها بحفل آل نويف في يوم الثلاثاء 23/2/1428هـ
لا احتمى الميدان واصتك والموقف خطير=ساعة فيها الرياجيل تعرف حالها
ما تجي هداج في القيض بالحبل القصير=كود بحبال ٍ تميح الدلي من جالها
أرحبي يا مهرة الشعر من قلب وضمير=ليلة ٍ فيها السعد والفرح يبرا لها
عند ربع ٍ تنطح القوم والجمع الغفير=المراجل عندهم راجح ٍ مكيالها
الكرم هي والشجاعة مع السيف الشطير=والحميا اللي تهز الدير وجبالها
سيرة ٍ تبقى لكم كنها البدر المنير=في الجزيرة واضح ٍ للعرب منزالها
بالكويت ربوعنا يا مدلهت القصير=يالسهول اللي تنومس جميع أفعالها
لا بتي ستر الغنادير في اليوم الكبير=يوم كل ٍ يحذف عمامته وعقالها
فعلكم يا أهل الوفاء يجبر العظم الكسير=مع مرور الوقت نذكر زحول رجالها
باأفتخر فيكم وأماري يصير اللي يصير=قدم كل الناس والخيل من خيالها
عندكم ذا الليل نحشم بترحيب ٍ وفير=والقروم من العرب ما تمل قبالها
وكل غالي رغبتك بالقدم يمه تسير=ربعنا نطرب لها لا لفى مرسالها
معي أمانة يمكم من كبير ومن صغير=السلام ورحمة الله وكيف أحوالها
من هل العارض نقلته يفوح من العبير=شاعر ٍ وقدمكم بالنيابة قالها
العرض العادي
