قصيدة للشاعر / سعد بن جدلان

قصيدة للشاعر النابغة / سعد بن جدلان

يامل قلب(ن) تقول يقلا على صــيـخ=خلّت به الدنيا حـزازات ومشوخ
دنيا تنوّخ راعـي العقـل تنـــــــويـخ=وينداش فيها صاحي الفكر ويـدوخ
تغيّـرو فيهـا العيـال المطانيـــــــخ=وأسبابها شمل العرب صار مشلوخ
خلّتهـم الدنيـا مناشـف طبـــــــابيـخ=حتى الاقارب بينها الذيب مصلـــوخ
ماعاش فيها ألا اعيـال الطخاطيـخ=خطوا البعير اللي من المدح منفوخ
من شان ماله صار شيخٍ ولد شيخ=وامشيّخٍ نفسه على النصب والجوخ
بالحكـي لااعتـازوه ويـّاك مـــريـخ=واليا جاء لزومٍ عندهم صاروا فروخ

 

بن جدلان هامة شعرية في سماء الشعر
عافاك الله يالدبلوماسي ماقصرت على الأختيار الرائع

 

”	المشاركة الأصلية كتبت بواسطة ولد بداح بن جدلان هامة شعرية في سماء الشعر عافاك الله يالدبلوماسي ماقصرت على الأختيار الرائع

الله يعافيك.. ويطول عمرك ..
وعسى الله يقدرنا على كل علم طيّب..