حربية من رشيد بن مساعد

هذه قصيدة حربية موجهه للقبابنة من الشاعر / رشيد بن مساعد القباني

داركم يالاد قباني=دونها تنباع الارواحي
لابتي ياطيور حوراني=ياهل الطولة والامداحي
جهّزوا من دون الاوطاني=لين منها الشره ينزاحي
ماخذيناها بالاثماني=مِلكنا بسيوف ورماحي
مايحمى الديره تويحاني=كود ضرب يرعب الصاحي
يوم فيه تزوغ الاذهاني=مايطرّى منع وسلاحي
لاضربنا كل ميداني=من وقف في دقلنا طاحي

مع أجمل تحية من اخوكم

عديل الروح

 

صح لسان الشاعر على الأبيات الجزلة
و بيض الله وجهك ياعديل الروح على وضع مثل هذه القصائد الشامخة
وذكرتني ابيات للخلاوي

ومن هان نفسه للمـلا هـان قـدره=حتى تشـوف الـذّر يسعـى بغاربـه
ومن لا يعدّي عـن مراعـي جـدوده=بالسيف عِدّي عـن مراعـي ركايبـه
ومن لا يعدّي عـن حياضـه تشـرَّع=ومن لا يكرِّم لحيتـه حِلْـق شاربـه
والملك تـاج مـا لـه إلاّ المصونـه=ومن لا يصونه ينزع التّـاج واهبـه

وقصيدة الخلاوي طويلة جدا وتشمل عدة مجالات وهذا مايختص بهذا الموضوع
وهي موجودة كاملة في قسم سوالف الطيبين

 

الله الله , ترانا تهيضنا ياعديل الروح , تسلم وماقصرت ونحن بأنتظار قصائد الوالد يوميا على المنتدى وبشغف يالغالى , صح لسانك ولسان الوالد رشيد عسى الله يطول لنا بعمره , لاهنت

 

صح لسان الراواية والشاعر الكبير
رشيد بن مساعد
وبيض الله وجهك أخوي عديل الروح
على إثراء المنتدى بالقصائد الرائعة والجميلة

دمت برعاية رب العزة والجلال

 

ألف شكر اخواني على المرور وصحّت أبدانكم

 

صح لسانك ولسان الشاعر رشيد بن مساعد

 

قصيدة حربية قوية
وابيات حماسية تثير من سيلعب بها العرضة
وبها رساله للقبابنة للمحافظة على ورث الجدود

وصح لسان ابو مساعد وطول الله في عمره

ولا جعلك على القوه يا عديل الروح على نقل نوادر والدك

 

سلمت ياعديل الروح على المشاركة الجميلة واعتزازنا بالقبيلة يجب أن نفاخر به

 

العروان وفهد آل ثلاب ومهنا

ألف شكر