بـــوش وحــــذاء العراقــي

بسم الله الرحمن الرحيم

بوش وحذاء العراقي

هذه القصيدة من قصائد شاعرنا الكبير والمعروف : سعد بن ثلاب
ووددت أن أضعها بين أيديكم بتوصية شخصية من شاعرنا

وأترككم مع القصيده


بيض الله وجه مندوب الصحافــــة
يـوم يرمي بــوش باطــراف النعــالـي

اْشهـــد انّك يابن زيدي بك شرافه
و اشهد انّ اصْلك من العربان عالي

العـــدو قـــدّام عينــــه ما يخافـــه
يرجم العـــــدوان عجــــلٍ ما يبالـــــي

يوم يجلس بوش بالكرسي سخافه
يستفـــزّ العُـــرْب عقـــب الإعتزالـــي

اندبـل كبــد العــراقي يــوم شافــه
ثـم رماه بجزمتــه وَلْــد الحــــلالـــــي

قال بوش : انْ فعل هذا به طرافه
يدخل التاريـــخ من اْوسَـــع مجالــــي

رَدّ ولــد الليــث ذا حــق الضيافـــه
وش تبـي في دارنـــا يا بــوش تالـــي

الخلا يابن النصـــارى واحسافـــه
ليــــت فــي يمنـــاي لك شلفــاً تلالــي

ليت من يبرد غليلــي دون رافــــه
في صدر بــوش الطمع يوم النزالـــي

وش تبي يا بوش في دار الرصافه
يـوم خرَّبْــت البلـــد ترفــــا الخمالـــي

لجنبــــي لا تامنــه بــه كـل آفـــــه
من وُمَنْ لجناب يشرب مِ الحثالـــــي

وسلامتكم’’’
شاعر التوباد / سعد بن ثلاب السبيعي

 

صح لسانك ولسان الشاعر سعد بن ثلاب
قصيدة رائعة
والاروع نقلك لها أخي ياسر..

 

صح لسام قائلهاا وسلمت يد ناقلهااا
مشكوراخوى قصيده تميزت بقوه المعنى وجزالته
كلمات رائعه ومعنى اروع
بيض لله وجه الصحفي العراقى
عز لله ابوه جاب رجال ويافخر امه فيه
تقبل مرورى ودمت بود

 

صح الله لسسساان شاعرررناااا الكبيرررر سعد بن ثلاب وجعل عمرة طويل على ذا القصيدة

والله لايهينك على ذا القصيدة

 

صح لسان ابوثلاب على الرائعة ولاهنت ياياسر

 

صح لسان أبوثلاب قصيدة في محلها ووصف جميل الله يفرج كربة الصحفي ويذل بوش وأعوانه
أشكرك أخوي ياسر على النقل الجميل