قصيدة للشاعر: راشد بن خريزان آل ثلاب مسندها إلى الشاعر عبد الله بن فايز ال غليظ

هذه القصيدة قالها الشاعر راشد بن خريزان آل ثلاب مسندها الى الشاعر عبدالله بن فايز آل غليظ،،


يقول فيها،،،

مني لأبو فايز سلام وتحيات = عز الله إنه من خيار الجماعة
مارددوا هرجة خبيثين الأصوات = دايم عـلى العلـيا تـسـوقه طباعة
مايقبل المخطي ولو من قـرابـات =ولا غـط نور ٍ واضح ٍ لـه شعاعه
ولا حط لـه حزب وتفـرق جماعـات = يسعى بفعـل الخير قـدر استطاعة
هذاك عـبد الله ولا به مـراوات = محـبةً وإلا فلا لي طماعة
ترثة غليظ كاسب للـجـمالات = وحنا لهم في كل وقت ٍ وساعة
يفداه من يمشي بنمه وإشاعات = الـلي يروج للـحكي والإشاعة
والله يعز الـدين في كل حـزات = وحكامنا آل سعود سمع وطاعة
وإقبل سلامي يا أبيض الوجه بالذات = ماخط بحروف القـلم من يراعة

 

صج لسآن آلشآعر..وتسلم يدين نآقلهآ..لآهنت

 

صح لسان الشاعر راشد بن خريزان ويستاهل الشاعر عبدالله بن فايز ماقيل فيه

 

صح لسان الشاعر راشد بن خريزان قصيدة جزلة وافية كافية وفي غاية الروعة والجمال ولاهان الشاعر عبدالله بن فايز ويستاهل أبوفايز هذه الشامخة ومشكور أخي الغالي إحساس قباني على مشاركتك وموافاتنا بمثل هذه القصائد التي نفخر بها جميعاً وتنومس القبيلة

 

بيض الله وجهك .. ياحساس

وصح الله لسان الشاعر .. ونعم والله بجميع المذكورين

 

صح لشان الشاعر بن خريزان ويستاهل بن فايز المدح ولاهنت اخوي الناقل

 

صح لسانك وعلا شانك ومشكور احساس قباني

 

صح لسان أبوخريزان ، والجزل مايجي منه الا الجزل
ويستاهل أبوفايز المدح ، وعادته الطيب أول تالي
ولاهنت يا إحساس على النقل الراقي وسلمت

 

صح لسان أبوخريزان ، والجزل مايجي منه الا الجزل
ويستاهل أبوفايز المدح .

 

هذاك عبد الله ولا به مراوات
....................محبةً وإلا فلا لي طماعة
ترثة غليظ كاسب للجمالات
...................وحنا لهم في كل وقت ٍ وساعة
يفداه من يمشي بنمه وإشاعات
....................اللي يروج للحكي والإشاعة

صح لسان الشاعر ولايهون ناقلها

 

تشرفت بتكليف والدي حفظه الله وأدام وجوده برد على قصيدة الشاعر راشد بن خريزان القباني ولي الشرف بهاذا الرد على شاعر في مقام أبو خريزان

أرحب ونا كلفت في رد لبيات
جاني قرارواجبنلي أستماعه

عبدالله بن فايز ومرفي مهمات
يقول رد وزد وف البضاعه

ردالجزا للي رقى فا الطويلات
نعمٍ باابو خريزان راعي قناعه

الطيب عنده والكرم والجزيلات
شعر وكرم فعله معلي شراعه

راشدوراشدمن ربوعن مسمات
قباني جلالي ونعم الجماعه

قبابنه يردون حوض المنيات
وقت الحرايب فارقين بشجاعه

ميزه لنامن فضل رب السماوات
الي طمع في شبر نقطع ذراعه

والي ذكرته بعض مافالسجلات
مسجل التاريخ قبل الأذاعه

مسجل اخريزان قايد لغزوات
معه الجيوش الي تهد الرفاعه

مع المليك الي نوا لم لشتات
لامر الموحد قال سمعٍ وطاعه

موحدين الدار في فايتن فات
وعم الأمن والخير عقب المجاعه

ياجب علينا ذكر فعله بكلمات
مع المليك مروضين السباعه

عنا ومنا له دعاء فا الصلاوات
عساه فايز ماالشفيع بشفاعه

واليوم في نعمه و خير وملاذات
في حكم أبومتعب ربوع وجماعه

الشاعر
فايز بن عبدالله آل غليظ القباني