شيلة لقصيدة : سعد بن سلطان بن ذيب السبيعي ( الحيا )

01-03-2013, 02:53 AM

شيلة الحيا

الشاعر سعد بن سلطان بن ذيب السبيعي

كريم يامنشي البراق في نوه
من فوق دار لنا ترازم رعوده
نو ٍ على ستارة اردم مظلم ٍ جوه
من شاف نوه تباشر جاه مقصوده
نو ٍ ظفا فوق باطنا من علوه
ماكنه إلا ظلام الليل من سوده
عقب الفجر والمصلي مافهق ضوه
جات البشاير بسيل ٍ واصل حدوده
تداحم السيل من شعبانه بقوه
كل ماتناقص تلاحق سيل ٍ يزوده
والمنبعج جاك سيله لاحق ٍ توه
وعشيره السيل معها فجر سدوده
والفرش كله إلى الحنوه غدا نوه
مدة كريم ٍ تجود الناس من جوده
يارب مدهال ربعي بالحيا روه
تركد عليه السحايب دوم وتعوده

هذه الأبيات قالها الشاعر القدير / سعد بن سلطان بن ذيب السبيعي
في قريته ستارة إحدى قرى محافظة الأفلاج وقد قال عنها الشيخ الجذالين رحمه الله في كتابه عن قرية ستارة ( تقع هذه القرية غرب قرية الغيل وتبعد عن مدينة ليلى بنحو (60 ) كيلا ويسكنها القبابنة وتسمى قديماً الصدارة ) وقد سكنها القبابنة في القرن العاشر الهجري بعد زوال من سكنها من قبائل بنو جعدة .. ويرأس مركزها الشيخ / سعد بن محمد بن ذيب السبيعي

01-03-2013, 06:40 PM

صح لسان الشاعر سعد بن سلطان السبيعي قصيدة رائعة وشيلة جميلة
شكرا لك ابوخالد على هذا التوثيق الجميل وبيض الله وجهك

01-03-2013, 07:09 PM

والله وسبعة انعام بابن ذيب سعد بن سلطان صح لسانه وعلا شانه ابيات في ديرته عساها للحيا وقرى القبابنة جميعا ابدع صاحب الشيلة ووفق بها بهذا اللحن وابدعت محمد في نقلها وتوثيقها لك كل الشكر والتقدير على جهودك المميزة ولايستغرب منك هذا العمل الجميل دمت ذخرا للجميع تقبل تحياتي وتقديري

01-03-2013, 07:46 PM

صح لسانك وبيض الله وجهك قصيدة وشيلة رائعة وسلمت انامل ابوخالد ع طيب المشاركة

01-03-2013, 08:38 PM

ياحي هالشوف ياقرايا القبابنة صورة جميلة لقرية ستارة وقصيدة من شاعر راقي وجميل وشيلة حلوة صح لسانك يابن ذيب ولاهنت ابوخالد على هذ الابداع في التوثيق لك المحبة والتقدير يالغالي