ترى البلاسة مـن كبـار العذاريـب

سالفتنا اليوم سالفة فيها من الحزن والأسى مايفوق الوصف فيها العقوق بكل ماتحمله هذه الكلمة قرأتها وأردت أن أنقلها لكم هنا أخوتي وأخواتي أعضاء منتديات القبابنة وزواره الكرام فهذا جحيش بن مهــــاوش الهشّال الذي توفيت زوجته وأطفاله صغار السن فتفرغ لتربيتهم وكانت الحياة في ذلك الوقت شحيحة والمعيشة تكاد تكون منعدمه والطعام قليل وغير متوفر في بعض الايام .. وقيل أنه لقلة الزاد كان يعطيه أطفاله ويكتفي بالماء فقط وعندما كبروا أولاده وأشتد عودهم زوجهم كلهم ولكنهم بعد أن تزوجوا أستغنوا عنه ورحلوا مع زوجاتهم وتركوه وحيداً بعد أن كبر سنه وشاخ وصار في حاجة لهم ولعطفهم تقديراً لشيبته وقد كان يبحث عنهم ولكنهم إذا سمعوا به رحلوا من مكانهم وغيروا منزلهم فلا يصل إليهم وعندما علم بهذا التصرف منهم أخذ يدعوا عليهم ثم قال فيهم هذه القصيدة المؤثرة وقد قيل أنهم انقطعوا من دعائه عليهم ولم يبقى منهم أحد وكذلك لم ينجبوا والله أعلم .

قـال الـذي يقـرا بلـيـا مكاتـيـب=يا للي تقـرُّون العمـى مـن عناكـم
يا عيال يا للـي تشرفـون المراقيـب=تريضوا لي واقصـروا مـن خْطاكـم
خـذو كـلام جحيـش مابـه تكاذيـب=مثـل السنـد مضمـون للـي وراكـم
ويا عيال وان صرتوا ضيوف ومعازيب=تـرى الكـلام الزيـن مِلْحـت قراكـم
وترى البلاسة مـن كبـار العذاريـب=تـرى البلاسـه مـا تطـول لحـاكـم
يصير بعيـون الرفاقـة تقـل شيـب=ليـا منَّـه اقبـل قيـل هـذا بـلاكـم
المذهب المذهب ترى المذهب الطيـب=وتـرى ردى المذهـب يبـوّر نساكـم
ياعيـال مـا سرحتـكـم للمعـازيـب=ياعيـال مـا عمـر المعـزب ولاكـم
يا عيـال مـا ضربتكـم بالمشاعيـب=ولاسمعـوا الجيـران لجَّـة بكـاكـم
يامـا تسعـرت الخلايـق تقـل ذيـب=أريـد مـن صيـد البـراري غذاكـم
وياما قطعت مـن الفيـاض العباعيـب=من خوف لا يقصـر عليكـم عشاكـم
أحفيـت رجلينـي بحامـي اللواهيـب=وخليـت لحـم الريـم خالـط غداكـم
واليوم شوفـوا لحيتـي كلهـا شيـب=وشوفوا محل تخوضعـي فـي ذراكـم
قمت اتوكّـا فـوق عـوج المصاليـب=وقصرت خطايه يـوم طالـت خْطاكـم
ياعيال يـا عيالـي عليكـم مطاليـب=عطونـي القرضـه جـزا مـا وتاكـم
خوالكـم ياعيـال هـم ماكـر الطيـب=ولـو تتبعـون الجـد ماحـدٍ شناكـم
ياعيـال ياعيـال الخنـا كلكـم عيـب=ياعيال مادري هالـردى منيـن جاكـم
ياعلكـم فـي حاميـات الاصـاويـب=ياللـي علـى الوالـد خبيـث لغاكـم
قصيتكـم واسْنَـدْت وادي سلاحـيـب=ولقيـت بالصبخـا مدافـيـق مـاكـم
ياعيـال بعتونـي بصفـر العراقيـب=ماهـي حقيقـة ســوَّد الله قـراكـم
يالله عسى عَماركـم شمسهـا تغيـب=ويعتـم قمركـم ثـم يظلـم سمـاكـم
وعسى نساكـم..لا تحمـل ولا تجيـب=ولا حْدٍ من الورعـان يمشـي وراكـم
شفت الجفا والحيف والغلـب والريـب=باطلوعـكـم لابـيـض الله قـراكـم
لابد مـا هـو عـاويٍ دونـي الذيـب=بالقبـر مافْـرق طيبكـم مـن رداكـم
مانـي بفاضحكـم بوسـط الاجانيـب=باعمالكـم يــدرون كــل قْربـاكـم
لوكـان تـدرون الـردى والمعاييـب=صرتوا مع المخلـوق مثـل خْوياكـم

وإلى أن يحين لنا الموعد مع سالفة وقصيدة أخرى تقبلوا تحياتي
دمتم برعاية رب العزة والجلال

 

قصة معبرة جدا وابيات فيها من الحكم الشيء الكثير وبر الوالدين من رضى الرحمن
لاهنت يابوخالد وصح لسان جحيش بن مهــــاوش الهشّال

 

”	المشاركة الأصلية كتبت بواسطة ولد بداح قصة معبرة جدا وابيات فيها من الحكم الشيء الكثير وبر الوالدين من رضى الرحمن لاهنت يابوخالد وصح لسان جحيش بن مهــــاوش الهشّال

ولاتهون ولد بداح تحياتي لمرورك الكريم

 

لاهنت يابوخالد على السالفة وصح لسان جحيش

 

صح لسانك ولسان الشاعر جحيش ولاهنت

 

”	المشاركة الأصلية كتبت بواسطة العـــروان لاهنت يابوخالد على السالفة وصح لسان جحيش

ولاتهون أخوي العروان صح بدنك ومشكور على المرور

 

”	المشاركة الأصلية كتبت بواسطة حد الرهيف صح لسانك ولسان الشاعر جحيش ولاهنت

صح بدنك حد الرهيف ولاتهون يالغالي

 

السلام عليكم ورحمة الله وبركاته ,,
الله لا يهينك على الطرح الرائع والله يبيض وجهك
يا اخـــــوي ,,
,, محمد القباني ,,

تقبل تحياتي ,,,
محبــك في اللـــه ,,,
عز الخـــــوي

 

”	المشاركة الأصلية كتبت بواسطة عز الخوي السلام عليكم ورحمة الله وبركاته ,, الله لا يهينك على الطرح الرائع والله يبيض وجهك يا اخـــــوي ,, ,, محمد القباني ,, تقبل تحياتي ,,, محبــك في اللـــه ,,, عز الخـــــوي

مشكور أخوي عز الخوي تشرفت بمرورك طال عمرك

دمت برعاية رب العزة والجلال