قصيدة ياسر التويجري الجديده

ولدت ساطي ومتغطرس وأحب الخصام= ولا أعترف في إدارة طبع والا مدير
أوجدت نفسي من اللاشي والانعدام= نبذت فالمجتمع لاني صريح وفقير
ماكان تفكيري الا كيف أخطف السنام= والحمد لله خطفت اليوم كل البعير
إن لم يكن مركزي بالصف الاول أمام= ماعاد تفرق معي لو كنت قبل الاخير
الله أكبر ولله البقاء والداوم= وهو الاله الاحدوهو السميع البصير
أخذت من مدرسة أحمد عليه السلام= مالاخذيته من مخاوى وزير وامير
وأخذت من تجربة عبدالعزيز الامام= وش يصنع العلم لاخاواه سيف شطير
واخذت من فلسفة هتلرعدم اللالتزام= وكسبت نفسي وريحت القلق والضمير
وابشرك حالتي دايم على مايرام= من ركعتين الفجر الين بعد الاخير
صحيح عندي تحفظ على بعض الانام= مثل معمر وابو مازن وتوني بلير
لكن انا مااحب اقلل الاحترام= واذهب ضحية طموح الغرب وانا صغير
قومية المسلمين اللي عليها الكلام= راحت معا خالد وعمرو وعلي والزبير
الله ولا ذل والتخوين والانهزام= ياعابدين العروش الوضع جدا خطير
يابو خلف كيف حالك عل حالك تمام= انسى القصيدة وهات علوم اخوي الكبير
شيخ عرفته وتقريبا لي اربع اعوام= يومني اجيه لا جاير ولا مستجير
يشوقني له نشوق الوسم عقب الحيام= في صفرة جوها ماهو بفية هدير
الشيخ ابو خالد محمد عداه الملام= اللي يصير من الاصرارمالايصير
حد الثماله اعزه لاعلي الحرام= اني احبه وحبٍ لودرابه يطير
يطير مثل الوحش لاضف ريشه وحام= وحول على الذايره بالجو مثل المغير
ان الملوك اذا اعطوك حب وغرام= خلوك من سائر الخدام يعني خفير
الا انت ياراعي التقدير والاهتمام= ياللي رحمت الصغير وشلت هم الكسير
اذا البلاط الامير والكنب والرخام= له شاعر يدهله في صبح والا عصير
فانادهلت الثرياوالقمر والغمام= وحولت اداهم طرف مشلحك مالي خشير
كفرت بالناقصه والغدر والانتقام= وامنت باانك حزامي بالنهار العسير
من لايقدر ثباتك مع عكاك الزحام= ماهوبوالله مقدر ويش معاني جرير
يارا س عيطا يمسك البدء قبل الختام= يالنادر اللي على صيد المكارم شهير
يالمهدي المنتظر بالحاجتين الجسام= المدة المسكته والاخذ بيد الضرير
ياسيدي ودي افهق لك ضلوع العظام= واعطيك شي بصدري وانت رجل خبير
اناتراني اعاني نوب من انفصام= يوثرعلى البرمجة في راسي المستدير
واصير احس اني البارود والا الحسام= في ساحة الشعر من تبوك لاقصى عسير
ممايسبب لبعض اعدائي الاحتدام= اللي يحسبون قرض الشعر مثل الشعير
والشعر وان كانه المقصودباول مقام= فالله يرحم ابو الطيب ويرحم زهير
روح التنافس وحب الشيخ والانضمام= ماهي بتعني لدى الكثرة نهاية مصير
والشاعر اللي معه عزوة خوال وعمام= تفداه وايل وترقب مستعدة مطير
والله فلا ينقهروالا يضيق ويضام= لاجاء اللززوالملاقى والقبس والنذير
وجمع الدراهم ماهي باكبر طموح الغلام= اللي جمع من قلوب الناس شي كثير
من حبني رغم تفويتي له الانخدام= واللي كرهني فهذا شخص ملعون صير
دام المعارك صغيره ماعلينا لزام= ينوب عن سيفي البتار اصغرجفير
قرات فيماقراته من بلوغ المرام= اللي ترك شي لله عاضه الله بخير

ياسر التويجري

 

والله مانى بقايل صح لسان التويجرى ,,, لان الموضوع كله شحاذه * شحاذه ,, مع الاسف والله , والا شرايك بومحمد والساده الاعضاء ,, تحياتى ولد بداح .

 

ياسر التويجري من الشعراء الشباب المبدعين والمتميزين واللي كسب شعبيه كبيره خلال فتره بسيطه لـ جرأته في الطرح وإصابته الجرح
ولكنه وبكل اسف وبعد هذه القصيده فقد الكثير والكثير من حضوره الجميل بسبب طريقته في مسابقة المليون الأوله لأن انسحابه فسر بـ عدم القدره على مواجهة الشعراء لضعف مبرراته والثانيه لـ تناقضه قبل المسابقه وبعدها لأنه في البدايه ادعى ان والدته هي من طلبت منه المشاركه وفي خلال المسابقه قال ان حضوره من اجل الشيخ !!
وهنا دليل عدم المصداقيه والأمر الأدهى والأمر تشبيه نفسه بـ اليرقه ( الحشره )


على العموم يضل ياسر من الشعراء المبدعين لكن مع فقدان الأحترام من جماهيره


الف شكر اخوي ولد بداح على نقل القصيده فـ هي وبكل أمانه رائعه بغض النظر عن الهدف من طرحها
تقبل مودتي اخي العزيز

اخوك - مســاعد

 

لان الموضوع كله شحاذه * شحاذه ,, مع الاسف والله .
* حد الرهيف
ــــــــــ
ولكنه وبكل اسف وبعد هذه القصيده فقد الكثير والكثير من حضوره الجميل بسبب طريقته في مسابقة المليون الأوله لأن انسحابه فسر بـ عدم القدره على مواجهة الشعراء لضعف مبرراته والثانيه لـ تناقضه قبل المسابقه وبعدها لأنه في البدايه ادعى ان والدته هي من طلبت منه المشاركه وفي خلال المسابقه قال ان حضوره من اجل الشيخ !!
وهنا دليل عدم المصداقيه والأمر الأدهى والأمر تشبيه نفسه بـ اليرقه ( الحشره ) .
* مساعد

أصاب الهدف حد الرهيف وصادق عليه مساعد
تحياتي لك ولد بداح

 

سمعت عن قصة التويجري في برنامج شاعر المليون

واول مرة اقرأ القصيدة ,,,,,,,, بصراحة رائعه و صح لسانه


لكن مثل ماقالوا اللي قبلي ,,, فقد احترام جماهيره له



الف شكر على نقل القصيدة

 

لااااااااا تعليق ماقصرا فيه


مشكور على نقل القصيده

 

من شاعر المليون
قصيدة ياسر التويجري

ولدت ساطي ومتغطرس وأحب الخصـام=ولا أعتـرف فـي إدارة طبـع والا مـديـر
أوجـدت نفسـي مــن الـلاشـي والانـعـدام=نبـذت فالمجتمـع لانــي صـريـح وفقـيـر
ماكان تفكيـري الا كيـف أخطـف السنـام=والحمـد لله خطفـت الـيـوم كــل البعـيـر
إن لم يكـن مركـزي بالصـف الاول أمـام=ماعاد تفرق معـي لـو كنـت قبـل الاخيـر
الله أكــبـــر ولله الـبــقــاء والــــــداوم=وهـو الالـه الاحدوهـو السميـع البصـيـر
أخـذت مـن مدرسـة أحمـد عليـه الـسـلام=مالاخذيتـه مـن مـخـاوى وزيــر وامـيـر
وأخـذت مـن تجربـة عبدالعزيـز الامــام=وش يصنع العلـم لاخـاواه سيـف شطيـر
واخـذت مـن فلسفـة هتلرعـدم اللالـتـزام=وكسبت نفسي وريحـت القلـق والضميـر
وابـشـرك حالـتـي دايــم عـلـى مـايــرام=مـن ركعتيـن الفجـر اليـن بـعـد الاخـيـر
صحيح عندي تحفـظ علـى بعـض الانـام=مثـل معمـر وابـو مــازن وتـونـي بلـيـر
لـكــن انـــا مـااحــب اقـلــل الاحـتــرام=واذهب ضحية طموح الغرب وانا صغير
قوميـة المسلمـيـن الـلـي عليـهـا الـكـلام=راحت معا خالد وعمرو وعلـي والزبيـر
الله ولا ذل والـتـخــويــن والانـــهـــزام=ياعابديـن العـروش الوضـع جـدا خطيـر
يابو خلـف كيـف حالـك عـل حالـك تمـام=انسى القصيدة وهات علوم اخوي الكبير
شيـخ عرفتـه وتقريبـا لـي اربـع اعــوام=يومـنـي اجـيـه لا جـايــر ولا مستـجـيـر
يشوقني لـه نشـوق الوسـم عقـب الحيـام=فـي صـفـرة جـوهـا مـاهـو بفـيـة هـديـر
الشيـخ ابـو خـالـد محـمـد عــداه الـمـلام=الـلـي يصـيـر مــن الاصرارمالايصـيـر
حــد الثـمـالـه اعـــزه لاعـلــي الـحــرام=انــي احـبــه وحـــبٍ لـودرابــه يـطـيـر
يطير مثل الوحـش لاضـف ريشـه وحـام=وحول على الذايـره بالجـو مثـل المغيـر
ان المـلـوك اذا اعـطـوك حــب وغــرام=خلـوك مـن سائـر الـخـدام يعـنـي خفـيـر
الا انــت يـاراعـي التقـديـر والاهـتـمـام=ياللي رحمت الصغير وشلت هم الكسيـر
اذا الـبـلاط الامـيـر والكـنـب والـرخــام=له شاعـر يدهلـه فـي صبـح والا عصيـر
فـانـادهـلـت الثـريـاوالـقـمـر والـغــمــام=وحولت اداهم طرف مشلحك مالي خشير
كـفـرت بالناقـصـه والـغــدر والانـتـقـام=وامنـت باانـك حزامـي بالنهـار العسـيـر
مـن لايقـدر ثباتـك مــع عـكـاك الـزحـام=ماهوبـوالله مقـدر ويـش معـانـي جـريـر
يارا س عيطا يمسـك البـدء قبـل الختـام=يالنادر اللـي علـى صيـد المكـارم شهيـر
يالمهـدي المنتـظـر بالحاجتـيـن الجـسـام=المـدة المسكـتـه والاخــذ بـيـد الضـريـر
ياسيـدي ودي افهـق لـك ضلـوع العظـام=واعطيك شي بصدري وانت رجل خبيـر
اناتـرانـي اعـانـي نــوب مــن انـفـصـام=يوثرعلى البرمجة فـي راسـي المستديـر
واصير احس انـي البـارود والا الحسـام=في ساحة الشعر من تبوك لاقصى عسير
ممايسـبـب لبـعـض اعـدائــي الاحـتــدام=اللي يحسبون قرض الشعر مثـل الشعيـر
والشعـر وان كانـه المقصـودبـاول مـقـام=فالله يرحـم ابـو الطيـب ويرحـم زهـيـر
روح التنافـس وحـب الشيـخ والانضمـام=ماهي بتعنـي لـدى الكثـرة نهايـة مصيـر
والشاعر اللي معه عـزوة خـوال وعمـام=تـفـداه وايــل وتـرقـب مستـعـدة مـطـيـر
والله فــلا ينقـهـروالا يضـيـق ويـضــام=لاجـاء اللززوالملاقـى والقبـس والنـذيـر
وجمع الدراهم ماهي باكبر طموح الغلام=اللي جمـع مـن قلـوب النـاس شـي كثيـر
مـن حبنـي رغـم تفويـتـي لــه الانـخـدام=واللي كرهني فهذا شخص ملعـون صيـر
دام المـعـارك صغـيـره ماعلـيـنـا لـــزام=ينـوب عـن سيـفـي البـتـار اصغرجفـيـر
قــرات فيماقـراتـه مــن بـلـوغ الـمــرام=اللـي تـرك شـي لله عـاضـه الله بخـيـر

 

الأخوة الكرام ابواحمد ومهندس المنتدى الغالي مساعد والأخ الأكبر ابوخالد والأخت الكريمة القبانية والأخ العزيز راشد والأخت ريم السبيعي
مساكم الله بالخير
بالنسبة لياسر
نحن نعلم ان كل الشعراء الي مخوين حقين مدح وتنطيل وجيه مانختلف على هذا
لكن
بالنسبة لياسر الوضع مختلف
ياسر بطبعه الجراءة الزائدة عن الحد
ايضا مندفع الى درجة التهور
بالأضافة الى انه لايقيس العواقب من المقياس الذي يفترض ان تقاس بها
( مثل واحد الله يذكره بالخير يعرفه ابونواف )
نعود للقصيدة
من منظار فني بحت
اعجبني فيها قوة الطرح والسلاسة في التنقل بين مجالات القصيدة
ايضاء القوة في التعبير من اقل الكلمات وبنا صورة معبرة
كذلك بحر القصيدة قليل من الشعار من يبني عليه
مزج كلمات فصحى في قصيدة نبطية دون الأخلال في المعنى
الفطنة من عدم ترك اللجنه تقيمه وكأنه يقول انا افضل منهم
كذلك ارسال بعض الصواعق الى اشخاص هو يعرفهم
وقد يكون منهم السعيد نفسه
واكبر دليل عدم تمالكه لأنفعاله واطلاق الكلمة الا شعورية وعلى الهواء
ونحن نعلم انهم من صقاري محمد بن زايد ولكن من سحب البساط من الآخر
يبينه ردة الفعل
الصراحة المتناهية في علاقته مع محمد بن زايد
وانه اراد السنام واخذ الجمل بسنامه

عموما اشكر لكم التفاعل في التعليق وبأنتظار آرائكم

 

بالنسبه لشاعرنا .. وشاعر الجزيره (( ياسر التويجري )) فهو بلاشك وضع بصمه واضحه .. صحيح ان ياسر عليه بعض الملاحظات .. واهمها هي الاندفاع .. وقد يكون بسبب صغر سنه

اما شعره فهو شعر يلامس الاحساس والجمهور بشكل عـــام .. ومن الطبيعي ان يلاقي ياسر كل هذا الهجوم وهذا الحســـد فهذه هي طبيعة الناس وكما يقال ( الرازق بالسما والحاسد بالارض ) وقد اعتمد اغلب الحساد في هجومهم على ياسر .. في شيء واحد هو قولهم بأنه شحاذ . مع انني ومن خلال متابعتي له اجد انه يتكلم بواقعيه مفرطه ويتميز بصراحته وجرأته الغير معهود في هذا المضمار .. وكل متابع يتذوق الشعر يجد ان اغلب قصائد ياسر لاتخلو من الزعل والغضب ودمغ الآخر ولو بشكل مبطـــن.

حفظ الله ياسر ورزقه الذريه الصالحه ..