صور للأمطار والسيول الي وقعت في حراضة السنة الماضية

بسم الله الرحمن الرحيم


طبعا هذي صور لـ موضوع انا كنت كاتبة في أحدى المنتديات عن الأمطار والسيول الي وقعت في حراضة السنة الماضية


فـ مدام هذا المنتدى موجود حبيت أني أنقلها هنا بعد



خصوصا إنها وقعت في مثل هذي الإيام تقريبا لكن قبل سنة


يعني الله يجيب الخير ونشوف مثلها هالسنة



--------------


السلام عليكم ورحمة الله وبركاته



مساكم الله بالخير جميعا


طبعا عطله الاسبوع هذي شهدت أمطار خير وبركة تقريبا عمت أرجاء المملكه

ومن هذا المنطلق انا تحركت يوم الاربعاء في الليل الى ديرتي حراضة الي تقع في مدية الافلاج جنوب غرب مدينة الرياض الي ترعرعت فيها وعشت فيها أجمل أيام الطفوله


وكنت حريص أني أصور مع أن الجهاز الي كان معاي مو الى هناك في التصوير بس أن شاء الله تعجبكم





مناظر ررررهــيــبه صراحه لاتطوفكم


بسم الله نبدا بالصور



الصوره الاولى صورة لي في السيارة والمطر يهل علينا حوالي الساعه خمس العصر مساحات السيارة ماعاد تلحق




وهذي الصوره بعد مانزلت من السيارة طبعا لقيت صعوبه حتى وصلت لهذا المكان من قوة المطر





وهذي صورتين بدايه تجمع الامطار من فوق الجبال (لازم نشرح لأن بعضهم ماقد شاف مثل هالمناظر )







وهذي صوره لحظه نزول السيل من الجبل بعد ماتكون من الامطار (يعني مثل الشلالات )




وهذي صورة السيل بعد ما انطلق مثل النهر (ماراح تحسون بحلاوة المنظر الا لما تكونون واقفين عليه مثلي





وهذي مجموعة صور بعد ما توقف السيل وواضح تجمع المياة في بعض الأماكن






هذي الصوره خاصه للشباب الي يبي يسبح ولا شي البنات ممنوع الا اذا عزموا على السباحه نجيب لهم رواق ونلفه على مكان الماء بس ما اضمن وجود الشباب من فوق أعرفهم ملاقيف لووووول




وهذي صورة لبير المزرعه ( قليب للي مايفهمون هالكلمه ) وواضح أنه مليان باقي سته متر بس مع العلم أن عمقه أكثر من خمسين متر بالصبه والي من دون صبه (صبه = الحاجز الاسمنتي ) ما ادري كم بس أنه عميق





وهذي بعض الصور المتفرقه للديره وفيها بعض الحصون والقلاع الي كانت موجوده من أول












هذا الي قدرت أصوره بـ الكاميرا المتواضعه حقتي وبالاخراج الي على قدي بس أن شاءالله تعجبكم
--------

 

يامرحبا والله ومسهلا بك اخوي

والله فز قلبي يوم شفت اسمك حراضة في قلوبنا

الله يعطيك العافية

 

ياهلا فيك اخوي عديل الروح



الله يطول عمرك أخوي وأكيد لك ذكريات في الديرة



على العموم هالامطار والخير تقريبا كان في نفس هالأيام لكن من السنة الماضية



فـ إن شاءالله يهل علينا الخير وتجي بنفسك تشوف الديرة عقب السيل بحيل الله

 

يعطيك العافية حراضة في قلوبنا دائماً
الله يسيّل ديار القبابنة وترجع مغاييل كما عهدناه
ونشوف الجازعي في أبهى صورة
ويعم الخير بلاد المسلمين

لك حبي وتقديري

 

حراضة ماشاء الله الله يجعلها مروج وانهار يجعل المصطافين إليها افواج افواج

صور رائعة

 

الله يعطيك العافية