الشاعر غنيم بن سعد الخبيش القباني

الشاعر غنيم بن سعد الخبيش القباني

جزى الله قلب ٍ عاشر البيض واشتاقي=وغدا لي مع روس المبادي طواريقي
يروح ويجي في مرقبه نازل وراقي=وسيع الحماد من المفارق غدا ضيقي
ألا وآعنا اللي لوّعة حر الإفراقي=وهو في حياته ما يحب التفاريقي
نشب بالغرام وصار مغرم وعشّاقي=وهو مادرى إن الحب سم العشاشيقي
تولع بحب صغيّر ٍ جسمه رقاقي=عديم الوصايف في جميع المخاليقي
غزال المسايل لا عريض ٍ ولا دقاقي=غدا بالفؤاد وجذ كل المعاليقي
أبو لبة ٍ كن ضوحها ضوح براقي=عن الهرج والشبهات مافيه تبريقي
ضربني برمح ٍ قبل اوازيه منعاقي=وأنا من سهم عين أرّيش العين ماطيقي
معه قوة ٍ وقت اللقاء مالها ملاقي=يهد الجموع بسلطة ٍ نشّفت ريقي
عطيته عهد ما أخون عهدي وميثاقي=ولا خير في شخص ٍ يخون المواثيقي
طراة البنآدم لاعطى العهد ما باقي=يصون العهد محد ٍ على سره يويقي
وترى من عطى الأسرار ربعه والأصداقي=لقى الصبح سره بين ناس ٍ مطافيقي
وأنا يوم أجيب أمثال يا مدمج الساقي=جرالي عذاب ٍ جاري ٍ للمطاليقي
وأنا يالغضي لولاك ما أتعبت الأوراقي=ولا أتعبت رجلي في طوال الشواهيقي
أجالد على الصكات والصدر زهاقي=وطول المدى يمحي قفول الصناديقي
ولو لا الونين يوّسع الصدر لا ضاقي=تحطم حطب حيلي ويا قل توفيقي

 

قصيده غزليه رائعه يابوخالد وبصراحه ماقدرت انتقى منها بيت , كل بيت اجزل من الاخر , صح لسان الشاعر غنيم الخبيش وصح لسانك يابوخالد ( يازين ماتنتقى يابوخالد ) , لاهنت

 

الشاعر غنيم من ابرز شعراء القبابنه المعاصرين

شاعر له الكثير من القصائد الرائعه والمحاورات مع كبار الشعراء


سلمت يمينك اخوي ابوخالد على ايراد هذه القصيده الجزله

 

ولاتهون أخوي حد الرهيف مشكور على المرور

 

ولا عليك زود أخوي راشد
يسعدني تواجدك وشاكر تواصلك وحضورك اللا محدود
حفظك الله من كل مكروه

 

الشاعر غنيم

شاعر له الكثير من القصائد الرائعه والمحاورات مع كبار الشعراء

 

صح لسان الشاعر المعروف غنيم الخبيش
وأطال في عمره

وعز الله أمتعتنا بهذه القصيدة يا ابو خالد
وما قصرت

 

العروان مشكور

 

”	المشاركة الأصلية كتبت بواسطة فهد ال ثلاب صح لسان الشاعر المعروف غنيم الخبيش وأطال في عمره وعز الله أمتعتنا بهذه القصيدة يا ابو خالد وما قصرت

لا هنت أخوي فهد على المرور
وقمة الإمتاع تواجدك بمتصفحي بارك الله فيك