قصيدة أرسلها لنا الشاعر فايز بن عبدالله آل غليظ القباني مدح وثناء في عمه
الشيخ / فراج بن تركي بن رشود القباني
رئيس مركز قرية حراضة التابعة لمحافظة الأفلاج
ويسرنا نشرها بكل ترحاب
تعيش يا ميرً تربا على الطيب
فعله منومسني وعلمه وطيبه
رجال من رجال راعي مواجيب
كل العلوم الطيبه له كسيبه
راع العلوم الطيبه والتراحيب
طيبه مغطيني ولا هي غريبه
دورت له عذروب مابه عذاريب
عذروبه الجزله وهي له وهيبه
وهل الكرم مرتبينن بترتيب
وترا المراتب لوله هي نصيبه
كسابها بالفعل ماهي تجاريب
كسابها طوعن وجبر وغصيبه
حرن ومنزاله بعال المراقيب
ماضاق صدراللي يجي ينتخيبه
جيته ونابغي منه بعض المطاليب
ومن جاه مطلوبه يعود بجيبه
فيا الله يا علآم ما كان فالغيب
على فعوله ربي انك تثيبه
فراج بن تركي ذيبن ولد ذيب
عمي ونا لي الفخر وقتديبه
وختامها ياعم ما فيه تكذيب
نذرً علي انك تفك الطليبه
إبنك / فايز بن عبدالله القباني
العرض العادي
