قصيدة لحمد القباني وبداية موفقة

يقال هذا الشبل من ذاك الاسد

وهذا ما ينطبق على شاعرنا اليوم
فوالده شاعر جزل
فيبدوا ان الوراثة لعبت دور هام في ذلك
وهذه اول قصيدة اقرءها له وهي قصيدة جميلة وخاليه من الخلل المعتاد الذي يلحق بكل شاعر مبتدئ
وهذا ينبئنا بميلاد شاعر جديد يحمل لواء الشعر في الغيل
.
.
شاعرنا هو الشاب حمد بن راشد بن خريزان ال جلال القباني
الطالب في جامعة الامام محمد بن سعود الاسلامية

واتركم تستمتعون بهذه القصيدة /

الله من ليل تلامع نجومه=والله من قلب شكى الهم سهران
كلن مع خله تهنى بنومه=وانا وحيد ساهر والضحى بان
اعوي كما ذيب بعالي رجومه=واصيح وازمجر واتزجر وزعلان
زعلان من خل تمحت رسومه=راح وتغير وابدل القرب هجران
اسهر معه دايم واسامر علومه=ومن اول والله حبايب وخلان
مدري هو السبه عوايد سلومه=والا تغلي من غدير لعطشان
يا سعود بن ثلاب نفسي كتومه=لاشك قلبي فيه مغرم وولهان
باقي على حبه لوني الومه=في ذمتي لو املك الصين وعمان
مالي سوى رب ينشي غيومه=يحي هشيم القاع من غر الامزان
يبرج لعين منه دوم محرومه=تبكي عليه شهور واسنين وازمان
وايضاً لقلب كاثرات همومه=قلب حريص للموده وشفقان
وصلاة ربي عد من طاب نومه=على النبي المصطفى نسل عدنان

 

اختيار موفق يافهد صح لسانك ولسان القائل

 

باقى على حبه لونى الومه = فى ذمتى لواملك الصين وعمان

ولادة شاعر جديد تبشر بمستقبل واعد , على القوه يافهد وصح لسانك ولسانه ,, لاهنت

 

وين يافهد حرام عليك
موهبه مثل حمد ولا تظهر للنور
وبعدين ما يصير قصيدة وحدة ترى حنا طماعين
هو كريم وحنا نستاهل كل الإمنيات له بالتوفيق
وتحياتي لك يافهد والشكر موصول
لأخونا حمد على رائعته الجميلة

 

فهد ال ثلاب
مشكور اخوي على المشاركة وصح لسان الشاعر