الشاعر سعد سلطان عبدالله ال ذيب

للشاعر سعد بن سلطان بن عبدالله ال ذيب

شاعر شاب بدأ يبرز نجمه في سماء الشعر له قصائد رائعة وابيات معبرة
تنم عن بداية قوية لشاعر جزل أخذ يقتحم بحور الشعر
ويأتي بالدرر الثمينة ..

هذه القصيدة
ردا على قصيدة شاعر التوباد / سعد بن ثلاب ال ثلاب التي مطلعها

على المنبعج يا زين لاروح الرواح ***** تكاشف بروقه مقبل من مناشيه

التي على هذا الرابط

تهيض ضميري وما يكنه حشاي انباح=وشلت القلم والشعر جتني قوافيّه
قريت البيوت وكل همٍ جلا وانزاح=ويسلم ابو ثلاب ما احلا معانيه
وياسعد عيني يوم اشوف المزن روَّاح=على المنبعج حتى تملاَّ نواحيّه
الأ يارفيع الشان يا فالق الاصباح=أنا طالبك نوٍ تفرّح مناشيه
سحابٍ به البراق يجذبك لا من لاح=وصوت الرعد يشفي نفوسٍ شقاويّه
عساها على ستارة تزايد بها الافراح=ترزم على وعل العجم من علاويّه
وتسقي حراضه دار كسابة الامداح=ويالله عساها دايم الدوم مسقيّه
وتركد على غـيـل النشاما ولا تنزاح=الى كل شعبٍ فاض وسالت مغانيّه
تملاَّ به البطنان وتروى به الفياح=ويسقي الحضايف وبلها بأمر واليّه
عساها على مدهال من فـ القا نطاح=شجاعٍ شريفٍ فيه لربوعه حْميّه
وعساها على مدهال من للنجد ذباح=كريمٍ ننومس به الي حل طاريّه
ويعم القرايا سيلها من عقب لشحاح=تباشر به اللي للمظاهير له نيّه
يزين القنص والبر يحلا له المرواح=يسر الضمير اللي كْثاراً بلاويّه
تشوف الحجل من فوق ماء قلتةٍ قراح=تلافا له الوبران وطيور بريّه
تشدك مفاليّه وريح النفل ينفاح=تشوف العراضي من العشب مثل زوليّه
تصير القرايا دايمٍ مقصد السياح=تجيها جميع الناس بالذات معنيّه
وختم الكلام ازكا صلاة عدد ما ناح=حمام الجرايد كل مارف عصريّه

 

مشاء الله عليه صح لسان سلطان وتسلم يافهد على ايراد القصيدة

 

,, آمين يارب ,,


شاعر وماعليه كلام ويسلم سلطان وتسلم يافهد وصح لسانك ولسانه ,, لاهنت

 

أخوي فهد
لاهنت على إبراز رد الشاعر سعد بن سلطان
على قصيدة والدك الشاعر سعد بن ثلاب
صح لسانه ويعطيه العافية
نأمل أن يزودنا مشكوراً بالقصائد الجميلة كما هو جميل
فشاعر مثل سعد لابد وأن يشاركنا فنحن نرحب به ويسعدنا حضوره
له الشكر الخاص مني والشكر أيضاً موصول لك أخوي فهد
ودمتم جميعاً برعاية رب العزة والجلال

 

أبيات جميلة

تشوف الحجل من فوق ماء قلتةٍ قراح **** تلافـا لـه الوبـران وطيـور بريّـه
تشدك مفاليّـه وريـح النفـل ينفـاح ***** تشوف العراضي من العشب مثل زوليّه

ولا هنت أخوي فهد على النقل

 

مشكوور

وصح لسانك ولسان الشعار

 

”	المشاركة الأصلية كتبت بواسطة ولد بداح مشاء الله عليه صح لسان سلطان وتسلم يافهد على ايراد القصيدة

صح بدنك
بالنيابة

وأسعدني مرورك
أخوي ولد بداح

 

”	المشاركة الأصلية كتبت بواسطة حد الرهيف ,, آمين يارب ,, شاعر وماعليه كلام ويسلم سلطان وتسلم يافهد وصح لسانك ولسانه ,, لاهنت

وانت سالم
يا حد الرهيف
ولا تهون

وصح بدنك

 

”

المشاركة الأصلية كتبت بواسطة محمد القباني أخوي فهد لاهنت على إبراز رد الشاعر سعد بن سلطان على قصيدة والدك الشاعر سعد بن ثلاب صح لسانه ويعطيه العافية نأمل أن يزودنا مشكوراً بالقصائد الجميلة كما هو جميل فشاعر مثل سعد لابد وأن يشاركنا فنحن نرحب به ويسعدنا حضوره له الشكر الخاص مني والشكر أيضاً موصول لك أخوي فهد ودمتم جميعاً برعاية رب العزة والجلال

وأنا مني أوجه دعوة للشاعر سعد سلطان
وإنشالله نشوفه معنا في القريب العاجل

ويشرفني مرووك ابو خالد على الموضوع

ويا هلا فيك

 

”	المشاركة الأصلية كتبت بواسطة العدواني أبيات جميلة تشوف الحجل من فوق ماء قلتةٍ قراح **** تلافـا لـه الوبـران وطيـور بريّـه تشدك مفاليّـه وريـح النفـل ينفـاح ***** تشوف العراضي من العشب مثل زوليّه ولا هنت أخوي فهد على النقل

يا مرحبا بك يالعدواني

والمنتدى يتشرف بمثلك وشرواك

وأشكرك على مرورك العاطر

 

”	المشاركة الأصلية كتبت بواسطة العـــروان مشكوور وصح لسانك ولسان الشعار

صح بدنك

وأشكرك على مرورك الكريم

ويا هلابك يالغالي