الكلمات :
الله يومــك صغيــر لــو تـذكــــرهــا .......... كنت أصغــر عيالها وأكبــر أمانيها
كنك أمرايه لهــا لـو مـا تناظــرهــا .......... ما كحــلت عينهــا ولا حنت ايديهــا
مــرت عليها ليـالــي ما تصــورهــا .......... لو قلت ما قلت ما صورت ماضيها
واتحملت من همومك في خواطرها .......... من وين ما رحت والا جيت ماليهـا
مــن أول الخطــوة اللــي بس تعثرهـــــــا .......... حتى أخــر الخطــوة اللــي تو ماشيها
تسقيك منهـا وتلعــب بضفايـــرهـــا .......... الين تــروى عروقـــك مـن سواقيهــا
وان نامت الليل صحت لك مشاعلها .......... تخـــاف تحتــاجهـــا والا تنـــاديهـــا
كانت تحطك بيديها مثل أساورهـــا .......... لــو لحظة غبت عنها بــاح خافيهـــا
كم لعبة قــد شرتها وانت تكسرهـــا .......... وكم مـــرة ثانيـــة ترجـــع وتشـريهــــا
تقدر على كل شـي بـــس خاطرهـــا .......... ما يحتمــل دمعــة في عيــن غاليهـا
ما تذكر دروســـك اللي ما تذاكرهـا .......... وخوفها وانت وسط البيت ترميهـــا
بشــرتهــا بالنجــاح وهــل ناظرهـــا .......... يا دمعــة للفـــرح سيــلـي وظميهـــا
كـم ليـلة غبتهــا وأبطــيت ساهرهــا .......... نامت وقامت وخافــت من تواليهـــا
تجلس ورى الباب وتقلب ستايرهــا .......... وتضوي مثل شمعة بالبيت ناسيهـا
تذوب وتجفف الدمـعة علــى آخرهـــا .......... يـا خوفي انـك على هالحال تنهيهـــا
ماهــي بحمل السـهر حتى تسهرهـا .......... اليـــوم شابت وحـــق انك تراعيهـــا
ماهوب حق عقب هالعمر تنهرهــا .......... مـــــا دام ربـــك بالايه قـــايــــل فيــهـــا
أخفض لها من جناح الذل وأشكرها .......... لا تطير عنها وريشك حطت أيديها
واليـــا تــزوجــت خــذ بنت تقدرهـا .......... تبـــــر فيــها مــثل بــرك وتغليــهـــا
حتى لو الزوجة أخطت دون خاطرها ........ وسوت لها حاجة ماهــيب ترضيهـــا
او احذفت كلمة تجرح مشاعرهــا .......... أو عــاملتها بنفــس مــا تــراعيـــهــا
حتى لو أمك ما قالت وش يكدرهـا .......... عشان خاطرك وشالت جرحها فيها
قل يامره هذي أمي في ضمايرهـا .......... شـــي ولا ودهــــا تقـــول وش فـــيها
ولا يكـــدرنــي الا اللـــي يكــدرهـا .......... ولا يعنـــيني الا اللــــي يعنيــهـــا
وشلون اباصبر على اللي ما يقدرها ......... الله لا يخلــي ترابــي مــن مواطيـــها
وصــيـــة الله عليـــه مـــا تنكــرهــا .......... أول حقوقـــي وثالثــــها وثـــانيـــهـــا
والزوجة اللي على المعروف أعاشرها ....... ان ما عـــرفت حقها والله لأخليــــها
ما نيب من يترك امه ما يشاورها .......... يتبع رضــى زوجتــه والام ناسيهـا
وصيـــة قــلتـــهــا للـــي تــذكــرهـا .......... الـــوالـــده كلـــمة صــعب معــانيـــها
في شرعة الله وخير الناس تاجرها .......... يقـــول لـه قــولـــة بالحـــق موفيـــها
ياللي عيونك على الجنة تناظـرهــا .......... طلبك غالــــي ولكــن تحت رجليــها
(حتى لو أمك ما قالت وش يكدرهـا .......... عشان خاطرك وشالت جرحها فيها )يلبيه
والزوجة اللي على المعروف أعاشرها ....... ان ما عـــرفت حقها والله لأخليــــها (الله المستعان )اسال اللله ان يجعلني واياكم من البارين بوالدينا ويحفظهم ويطيل باعمارهم ويعافيهم اميييييييييييييييييين يارب
واليـــا تــزوجــت خــذ بنت تقدرها.. تبـرفيــها مــثل بــرك وتغليها
العرض العادي
