الاسم دجاجة اسم الدلع (دجوجة )
متزوجة وتقدس الحياة الزوجية لديها 3كتاكيت حلوات وامورات. مكان الميلاد دواجن الأخوين المؤهل العلمي دراسات عليا في فن النقر. زوجها ديك اعور اسمه (ديكو) كان وسيم وجنتل وكان اكثر الدجاجات تلحقوه وغارت منه الديوك وفقعوا عينه تزوج من دجوجة بعد ما جاءهم عقد عمل في أحد المزا رع تعرفت عليه وتزوجها.
لكن مشكلة الديك عيونه طويلة(هذا وهو عور ؟؟) بس يناظر
قنوات الأغاني ويرسل مسجات يبي يتعرف .لا وبعد يرشح ملكات جمال الطيور ورشحوا دجاجة من ديرتهم ويقول لزوجته صوتي لها معاي. تقول زوجته معصي. لاو كل يوم يطلع فوق الجدار يسوي فيها يأذن وهو يناظر في بنت الجيران اللي توها مخلصة الثانوي وفاضية ما اشغلت وقتها بالشيء النافع تسوي زي بعض البنات؟؟..
وفي يوم من الأيام طلع يأذن وشاف الدجاجة المراهقة وقام يتغزل فيها ويقول لها يا أحلى كل الدجاج المبرد والطازج أنا لك بالمرة محتاج ومن دونك آنا داج ما يروق لي المزاج الا إذا شفت عرفك اللي كنه تاج .
وترد عليه المراهقة يا بعد كل الديوك راح امشي بطريقك لو كله شوك ياللي عرفك تاج ما هو عند الملوك.وسمعت دجوجةكلام الغزل وقالت جعل سيخ شورما في رأسك وراس أبوك. استحى(ديكو )وراح والبنت هربت بسرعة
وقررت دجوجة تسحر زوجها وراحت إلى طائر الخفاش طبعا أوقات الدوام في المساء فقط. وقال لها بعطيك وصفة وأنتي حضريها تجيبين ذيل بعرصي أو برعصي (وزغة) ذيله ما يتحرك إذا أحد ضربه بجزمه.ولسان بعير أبو سنمين دعسة قطار وعيون حمار وحشي بدون خطوط.وأظافر فارعقيم .وشفايف جرادة صقها ما تسمع .وضرس قرد ما يحب يأكل موز.وجيب كنغرعليه تطريزه زي تطريزه بعض العبايات السيئة.وشعر من حواجب أرنبة مسوية نمص .اجميعها واخلطيها وذوبيها في ماء حارة لمدة نصف ساعة .وبعدين سوت الخلطة وحطتها له في الفطور وبعدها مات الديك. قعدت تصيح وصارت تلطم على خدودها وتسحب عرفها وتنتف ريشها من القهر ..
كبروا بناتها. الكبيرة تزوجها ديك يشتغل في نظام بند الساعات في واحد من اكبر مز راع التفقيس . والثانية تعرفت على ذكر بط ثقيل دم (في البداية تقول تسلية زي ما تقول بعض البنات وفي الأخير ؟؟) سجل عليها مكالمات ونشر صورها في البلوتوث (زي صور بعض بنتنا اللي نشوفها) وهي تشرب شراب القمح اللي فيه نسبت كحول عالية وانحرفت وصارت تشتغل في بار
أما الثالثة والصغيرة فهي الحين وجبة هنية في بطن واحد من القراء....
العرض العادي
