الشاعر محمد جارالله السهلي

عنق المها

تدور الأرض وتدور السوالف والسنين تدور=وأنا لو أعرف اللي راح ماني بعرف الباقي
يقولون القصيد شعور والشاعر بدون شعور=وأقول الله يعاقبني اذا ماهو من أعماقي
انا لو أكذب بشعري وقف نبض ويبس حنجور=وقادر أخسر الدنيا وعاجز أخسر أخلاقي
ولأجل عنق المها والصوت الأدفى والعيون الحور=وقف عمري ولاادري ويش انا من وقفته لاقي
قسم بالله .. ما قبلك غياب ولا بعدك حضور=ولكن ودي بفرقاك .. لو ما ودك فراقي
تعاتبنا بما فيه الكفايه من ثمان شهور=وسالت دمعتين وطاح قلب وماتت أشواقي
تعدتك المشاريه وجفاك اللوم والمستور=إذا ما يكشفه صوتي كشفه الحبر بأوراقي
تعبت أضحك على نفسي وأبرر لك وأعيش الدور=وتعبت أجامل ظروفك وأصدّق كذبك الراقي
يكفّيني أغيب وخافقي ماجاك منه قصور=ويكفّيك اتّذكّر كل ليلة لهفة عناقي
تذكّر يوم أخليك اتباهى كبرياء وغرور=يوم اني اتحدابك وأخيب هقوة الهاقي
وتذكّر يوم أعذرك وانت لا صادق ولا معذور=أدورلك عذر وأصدقه وأكذّب أحداقي
وتذكّر يوم جيت من الحزن متضايق ومكسور=فرشت لك الضلوع وقلت لك يا سيد عشاقي
خذ اضلوعي وابن فيها يسار الصدر بيت وسور=ترى مافيه قبلك من سكن صدري وخفاقي
وبعد هذا رحلت ولا بقى إلا بيتك المهجور=وألا ياكبرها لا من رحلت ومنزلك باقي

 

اشكر ك يابن الغلبا على نقلك القصيده من شاعر جز ل
وتقبل تحياااااااااااااااتي

 

بنت الوطن شاكر لك مرورك

 

قصيدة في غاية الرووعة
شكرا لك أخي بن الغلبا...

 

صح لسان الشاعر محمد السهلي وتحياتي لك يابن الغلباء

 

يالبى القبابنة شاكر لك مرورك يابعدي

 

بعيد المطاريش الله يحيك منور بمشاركاتك

 

”

المشاركة الأصلية كتبت بواسطة بن الغلبا عنق المها تدور الأرض وتدور السوالف والسنين تدور=وأنا لو أعرف اللي راح ماني بعرف الباقي يقولون القصيد شعور والشاعر بدون شعور=وأقول الله يعاقبني اذا ماهو من أعماقي انا لو أكذب بشعري وقف نبض ويبس حنجور=وقادر أخسر الدنيا وعاجز أخسر أخلاقي ولأجل عنق المها والصوت الأدفى والعيون الحور=وقف عمري ولاادري ويش انا من وقفته لاقي قسم بالله .. ما قبلك غياب ولا بعدك حضور=ولكن ودي بفرقاك .. لو ما ودك فراقي تعاتبنا بما فيه الكفايه من ثمان شهور=وسالت دمعتين وطاح قلب وماتت أشواقي تعدتك المشاريه وجفاك اللوم والمستور=إذا ما يكشفه صوتي كشفه الحبر بأوراقي تعبت أضحك على نفسي وأبرر لك وأعيش الدور=وتعبت أجامل ظروفك وأصدّق كذبك الراقي يكفّيني أغيب وخافقي ماجاك منه قصور=ويكفّيك اتّذكّر كل ليلة لهفة عناقي تذكّر يوم أخليك اتباهى كبرياء وغرور=يوم اني اتحدابك وأخيب هقوة الهاقي وتذكّر يوم أعذرك وانت لا صادق ولا معذور=أدورلك عذر وأصدقه وأكذّب أحداقي وتذكّر يوم جيت من الحزن متضايق ومكسور=فرشت لك الضلوع وقلت لك يا سيد عشاقي خذ اضلوعي وابن فيها يسار الصدر بيت وسور=ترى مافيه قبلك من سكن صدري وخفاقي وبعد هذا رحلت ولا بقى إلا بيتك المهجور=وألا ياكبرها لا من رحلت ومنزلك باقي

صح لسان الشاعر محمد السهلي شاعر عذب وقصائدة لها رونق خاص
وإسلوبه ممتع تعودنا على جماليات محمد من خلال إلقاءه الرائع
الله يعطيه الصحة والعافية
لاهنت يابن الغلبا على طيب المشاركة

تقبل تحياتي

 

ولانت ياطويل العمر يبوخالد عذرراا على تأخر الرد

ومشكور على الاضافة الرائعة ومشكور على ترتيب القصيدة والصورة للشاعر

والله لايهينك

 

ونعم بالشاعر محمد جارالله شاعر راقي ومحترم
انا شخصيا من المعجبين بهذ الشاعر
ابن العم اشكرك على النقل

 

حياك الله ياخالد

والله لايهينك على المرور الرايع