اعضاء ومشرفي وزوار منتديات القبابنة
السلام عليكم ورحمة الله وبركاته
اليوم السالفة فيها من الفروسية والشجاعة الكثير وهي من قبيلة بلي
تلك القبيلة التي لم يأخذ فرسانها الوهج الأعلامي الذي يستحقونة قرئتها وبأطلعكم عليها
يذكرون انه غزا سنيد بن منقرة على الجعافرة من ولد سليمان من قبيلة عنزه (وهم اهل فروسية وشجاعة )وأخذ ابل الجعافره وفرس مشل العواجي وقتلوا كثيرا منهم ومن ضمن من قتل قيل سبعه من النمران وقيل خمسه وكانوا مقيضين بالقرب من مكان يسمى (برد) ومكان تلك الغزوه (لقط) وقتل من ربع سنيد بن منقره سلمان أخو سنيد وكانوا الجعافره حاضرين جميعهم تلك الغزوة ليسوا غائبين عنها وقد اخذوا ابل الجعافره في تلك الغزوه ونالوا مبتغاهم ومضوا ..وهذه قصيدة الشاعر معوض التلفيه رحمه الله
يابرد لاهبت عليك النسانيس =ولاجاك من نو الثريا نشيه
عينت لي سلمان ذيب المعابيس =معشي الخطـــــــــار والمهرجيه
البارحة جينـا عليهـن مراميـس=وغرنـا عليهـم غـارة(ن) هلهليـة
غرنا على وضح تقول البرانيس=كلـش يلالـي وسمهـا جعفريـة
بالليل ضوء الملح مثل المقابيس=وعلى (لقط )ياما دنـت مـن منيـه
سلمان فرشنـاه سبعه ملابيـس=والعصـر وسدنـاه رأس العبيـه
سبعه من النمران ماهم هلابيـس=مثل القليب اذا انهدم ركـن طيـه
من طاح منا تقل طايح من الكيـس=وليا غدا هـذا ظهـر ذاك زيـه
لحقوا حدامي ثم رجعوا مفاليـس=والبل قبال العيـن ماهـي خفيـة
لا انتم غياب ولا مربط مهابيـس=ولا فيكم اللي غايب كـون غيـه
باثمانهن ياما ركزنا مـن الكيـس=من ذود ابو عسكر حمـاة الونيـه
معنا اللهيب حمود ومعنا فواريس=يا خلطـة الرحمـن مـلا بليـه
و معنا القريد يزود الهوش تدبيس=وزود على قسمة حزا له حزيـة
اتمنى ان تكون السالفة اعجبتكم
وان دلت على شي فأنما تدل على فروسية وشجاعة كلا الطرفين
وان الحروب مواخذ يوم لك ويوم عليك
وسلامتكم..
العرض العادي
